Naga Vamsi : 'దేవర' సెకండ్ సింగిల్ పై ట్రోల్స్ .. స్పందించిన నిర్మాత, దేనితో కంపేర్ చేస్తే మనకేంటి అంటూ..!

Devara Second Single Trolls : మ్యాన్ ఆఫ్ మాసెస్ జూనియర్ ఎన్టీఆర్, బాలీవుడ్ బ్యూటీ జాన్వీ కపూర్ జంటగా నటిస్తున్న తాజా చిత్రం 'దేవర'. ఈ సినిమా నుంచి విడుదలైన మొదటి సాంగ్‌కు మంచి రెస్పాన్స్ వచ్చిన నేపథ్యంలో సెకండ్ సాంగ్‌పై భారీ అంచనాలు నెలకొన్నాయి. నిన్న సాయంత్రం దేవర సెకండ్ సింగిల్ ను రిలీజ్ చేశారు. 'చుట్టమల్లే' అంటూ సాగే ఈ సాంగ్ ఆడియన్స్ నుంచి ,మిక్స్డ్ రెస్పాన్స్ సొంతం చేసుకుంది. ఇది కాపీ సాంగ్ అని, లిరిక్స్ ఏమాత్రం అర్ధం కాలేదని, సాంగ్ లో తారక్, జాన్వీ మధ్య కెమిస్ట్రీ బాగున్నా.. డ్యాన్స్ ఆశించిన స్థాయిలో లేదనే కామెంట్స్ వినిపించాయి.

ఈ నేపథ్యంలో సోషల్ మీడియాలో సెకండ్ సాంగ్‌పై విమర్శలు, ట్రోల్స్ వస్తున్నాయి. ముఖ్యంగా ఈ పాటని శ్రీలంక హిట్ సాంగ్ 'మనికే మనహేతే' అనే దానితో పోలుస్తున్నారు. రెండింటి ట్యూన్స్ చాలా దగ్గరగా ఉన్నాయని తెగ ట్రోల్స్ చేస్తున్నారు. తాజాగా ఈ సాంగ్ పై వస్తున్న ట్రోల్స్ పై నిర్మాత నాగవంశీ ఎక్స్ వేదికగా స్పందించారు.

Also Read : సినిమా ఇండస్ట్రీ ఒకరి సొత్తు కాదు.. నాగబాబు సంచలన వ్యాఖ్యలు

" గత 24 గంటల నుచి 'చుట్టమల్లే' సాంగ్ లూప్‌లో ఉంది. హౌ ఈజ్ ద జోష్ బాయ్స్? తారక్ అన్నని చూస్తుంటే ముచ్చటేస్తోంది. జాన్వీని చూస్తుంటే ముద్దొచ్చేస్తోంది. ఇంకా ఎవరు ఎలా అనుకోని, దేనితో కంపేర్ చేస్తే మనకేంటి కదా బాయ్స్" అంటూ పేర్కొన్నారు . దీంతో నాగవంశీ ట్వీట్ నెట్టింట వైరల్ అవుతుంది. కొరటాల శివడైరెక్ట్ చేసిన ఈ మూవీ రెండు భాగాలుగా ప్రేక్షకుల ముందుకు రానుంది. అందులో దేవర పార్ట్ -1 ప్టెంబరు 27న థియేటర్లలోకి సందడి చేయనుంది.