AP: మాజీ మంత్రి అంబటి హైకోర్టును ఆశ్రయించారు. తనకు 4+4 భద్రత తొలగించడాన్ని సవాల్ చేస్తూ హైకోర్టులో పిటిషన్ దాఖలు చేశారు. తనకు ప్రాణహాని ఉందని..భద్రతను కొనసాగించేలా ఆదేశాలివ్వాలని పిటిషన్‌లో కోర్టును కోరారు. తదుపరి విచారణను ఈ నెల 10కి వాయిదా చేసింది.
ప్రధాని మోదీ రష్యా పర్యటన ఖరారైంది. ఈ నెల 8, 9వ తేదీల్లో రష్యాలో మోదీ పర్యటించనున్నారు. రష్యాలో 22వ భారత్-రష్యా వార్షిక శిఖరాగ్ర సదస్సులో పుతిన్ తో పాటు మోదీ పాల్గొననున్నట్లు పీఎంఓ కార్యాలయం పేర్కొంది. కాగా ఐదేళ్ల తరువాత మోదీ రష్యాకు వెళ్తున్నారు.
TG: సీఎం చంద్రబాబు ఈ నెల 7న హైదరాబాద్‌లోని ఎన్టీఆర్ భవన్ లో కార్యకర్తలతో ఆత్మీయ సమ్మేళనంలో పాల్గొననున్నారు. ఈ సందర్భంగా పార్టీ అధినేతకు ఘనసన్మానం చేయాలని రాష్ట్ర పార్టీ నిర్ణయించింది. తెలంగాణలోని అన్ని జిల్లాల నుంచి నాయకులు ఎన్టీఆర్ భవనకు తరలిరావాలని పిలుపునిచ్చింది.
బ్రిటన్ లో సార్వత్రిక ఎన్నికలు ముగిశాయి. ఎన్నికల ఫలితాలకు ముందు గురువారం ఎగ్జిట్‌ పోల్స్‌ వచ్చాయి. దీని ప్రకారం లేబర్‌ పార్టీ నేత కైర్‌ స్టార్మర్‌ బ్రిటన్ కు అతి త్వరలోనే ప్రధాని కాబోతున్నారు.
సీఎం మమతపై గవర్నర్ ఆనందబోస్ దాఖలు చేసిన పరువునష్టం దావాను ఈ నెల 10న విచారిస్తామని కలకత్తా హైకోర్టు వెల్లడించింది. రాజ్ భవన్‌లో తమకు రక్షణ లేదని, అక్కడికి వెళ్లాలంటే భయంగా ఉందని కొందరు మహిళలు తనకు ఫిర్యాదు చేసినట్లు మమత గతంలో వ్యాఖ్యలు చేశారు.
AP: ఈరోజు సీఎం హోదాలో తొలిసారి తెలంగాణకు వెళ్లనున్నారు సీఎం చంద్రబాబు. ఈరోజు సాయంత్రం ఢిల్లీ పర్యటన ముగించుకొని హైదరాబాద్ బేగంపేట ఎయిర్ పోర్టుకు చేరుకుంటున్నారు. రాత్రి హైదరాబాద్‌లోనే బస చేస్తారు. రేపు సీఎం రేవంత్ రెడ్డి సమావేశం అవుతారు.
బీఆర్‌ఎస్‌ కు భారీ దెబ్బ తగిలింది.అర్థరాత్రి దాటిన తరువాత ఆ పార్టీకి చెందిన ఆరుగురు ఎమ్మెల్సీలు ఒకేసారి కాంగ్రెస్‌ లో చేరడం సంచలనం రేపింది.అర్థరాత్రి ఒంటి గంట సమయంలో సీఎంరేవంత్‌ ,రాష్ట్ర కాంగ్రెస్‌ వ్యవహారాల ఇన్‌ ఛార్జ్‌ దీపా దాస్‌ మున్షీల సమక్షంలో కాంగ్రెస్‌ కండువాలు కప్పేసుకున్నారు.
నీట్‌ పేపర్‌ లీకేజీ తర్వాత పరీక్షను మరోసారి నిర్వహించాలని కోరుతూ సుప్రీంకోర్టులో 26 పిటిషన్లు దాఖలయ్యాయి. జులై 8న దీనిపై విచారణ చేయనుంది. ఈ నేపథ్యంలోనే నీట్‌లో మంచి ర్యాంక్ సాధించిన 56 మంది విద్యార్ధులు పరీక్ష రద్దు చేయొద్దంటూ సుప్రీంకోర్టును ఆశ్రయించారు.
మల్కాజిగిరి ఎమ్మెల్యే మర్రి రాజశేఖర్ రెడ్డికి చేదు అనుభవం ఎదురైంది. అక్కడ జరుగుతున్న మెయిన్ రోడ్‌ రిపేర్ పనులను పర్యవేక్షించేందుకు మర్రి రాజశేఖర్ రెడ్డి వెళ్లారు. మైనంపల్లి వల్లే పనులు జరుగుతున్నాయని.. ఇన్నాళ్లు ఏం చేశావంటూ స్థానికులు రాజశేఖర్ రెడ్డిపై తిరగబడ్డారు.
/rtv/media/post_attachments/wp-content/uploads/2024/07/AP-CM-Chandrababu-1.jpg)
/rtv/media/post_attachments/wp-content/uploads/2024/07/ambati-rambabu.jpg)
/rtv/media/post_attachments/wp-content/uploads/2024/06/modi-1-1.jpg)
/rtv/media/post_attachments/wp-content/uploads/2024/07/38_3b3acee04c.jpg)
/rtv/media/post_attachments/wp-content/uploads/2024/05/rishi.jpg)
/rtv/media/post_attachments/wp-content/uploads/2024/04/Mamata-jpg.webp)
/rtv/media/post_attachments/wp-content/uploads/2024/06/babu-3-1.jpg)
/rtv/media/post_attachments/wp-content/uploads/2024/07/d.png)
/rtv/media/post_attachments/wp-content/uploads/2024/07/FotoJet-2024-07-04T213834.464.jpg)
/rtv/media/post_attachments/wp-content/uploads/2024/07/FotoJet-2024-07-04T202925.340.jpg)
