Ayodhya: అయోధ్యలో అతిపెద్ద పండుగ.. ప్రపంచ రికార్డు లక్ష్యంగా 'దీపోత్సవ్'!

Ayodhya: అయోధ్యలో అతిపెద్ద పండుగ జరగబోతోంది. 'దీపోత్సవ్ 2025' కార్యక్రమాన్ని అత్యంత ప్రతిష్టాత్మకంగా నిర్వహించేందుకు ఉత్తరప్రదేశ్ ప్రభుత్వం సిద్ధమవుతోంది. 2,100 మంది భక్తులచేత 2.6 మిలియన్ల దీపాలను వెలిగించి ప్రపంచ రికార్డు క్రియేట్ చేయాలని భావిస్తోంది. అంతేకాదు దీనిని గొప్ప హారతిగా పేర్కొంటూ1,100 డ్రోన్ల అద్భుతమైన ప్రదర్శన కూడా చేయనున్నట్లు యూపీ ప్రభుత్వం తెలిపింది. అక్టోబర్ 19న దీపోత్సవ్ జరగనుండగా ఈ వేడుకల కోసం 56 ఘాట్‌లను ఎంపిక చేశారు. 

Ayodhya, where every diya tells a story of light, love, and legacy.
This Deepotsav 2025, let’s celebrate the glow that unites hearts across India.

Transforming UP pic.twitter.com/HL61e9rb5L

— Transforming UP (@transforming_up) October 7, 2025

18న మాక్ డ్రిల్..

ఈ మేరకు పవిత్ర నగరం అయోధ్య మరోసారి కాంతితో ప్రకాశించడానికి సిద్ధమవుతోందని ఉత్తరప్రదేశ్ పర్యాటక, సాంస్కృతిక మంత్రి జైవీర్ సింగ్ చెప్పారు. దీపోత్సవ్ 2025 అత్యంత గొప్ప, చిరస్మరణీయమైన కార్యక్రమంగా ఉండేలా చూసుకోవాలని అధికారులను ఆదేశించారు. ఆయన లక్నోలో సమీక్షా సమావేశం నిర్వహించి.. ఈ కార్యక్రమానికి ముందు అక్టోబర్ 18న భద్రత, ఇతర ఏర్పాట్లను పూర్తిగా తనిఖీ చేయడానికి మాక్ డ్రిల్ నిర్వహించబడుతుందని ప్రకటించారు.

సామాజిక సందేశాల ప్రదర్శన 

ఈ సంవత్సరం మతపరమైన సందేశాలను మాత్రమే కాకుండా మిషన్ శక్తి ద్వారా మహిళా సాధికారత, స్వచ్ఛ భారత్ ప్రచారం పట్ల నిబద్ధత వంటి సామాజిక సందేశాలను కూడా ప్రతిబింబించేలా ఏర్పాటు చేశామని చెప్పారు. దీపోత్సవ్ కేవలం వెలుగుల పండుగ మాత్రమే కాకుండా మన సామాజిక అవగాహన, ఐక్యతకు చిహ్నంగా కూడా ఉంటుందన్నారు. 26 లక్షల దీపాలను 2100 మంది భక్తులు వెలిగించేందుకు సన్నాహాలు దాదాపు పూర్తయ్యాయని అధికారులు తెలిపారు. 2.6 మిలియన్లకు పైగా మట్టి దీపాలు వెలిగిస్తారు. 1,100 డ్రోన్లతో అద్భుతమైన వైమానిక ప్రదర్శన కూడా ఉంటుంది. ఇది అనేక ప్రపంచ రికార్డులను బద్దలు కొడుతుందని చెప్పారు. 

విదేశీ భక్తులు..

ఈ వేడుకకు ప్రపంచ నలుమూలనుంచి ప్రజలు హాజరవుతున్నట్లు జైవీర్ సింగ్ అన్నారు. కేంద్ర ప్రభుత్వ పర్యాటక, సంస్కృతి, విదేశాంగ మంత్రిత్వ శాఖల ప్రతినిధులను, అలాగే అన్ని రాష్ట్రాల ప్రతినిధులను, అనేక మంది విదేశీ అతిథులను ఆహ్వానిస్తున్నామని ఆయన అన్నారు. అయోధ్య ఇప్పుడు ప్రపంచ విశ్వాసానికి సాంస్కృతిక రాజధానిగా మారిందని చెప్పారు. దీపోత్సవ్ 2025 రాముడి రాకను జరుపుకోవడమే కాకుండా భారతదేశ ఐక్యత, వైవిధ్యం, ఆతిథ్య సందేశాన్ని కూడా తెలియజేస్తుందన్నారు. 

ఇది కూడా చదవండి: ఈ 5 ఫుడ్ ఐటెమ్స్ కుక్కర్‌లో ఉడికిస్తే డేంజర్.. విషంతో సమానం.. లిస్ట్ ఇదే!

ప్రజలకు అన్ని రకాల సౌకర్యాలకు తగిన ఏర్పాట్లు చేయాలని జైవీర్ సింగ్ అన్నారు. అంతర్జాతీయ రాంలీలా ఉత్సవాన్ని ప్రపంచవ్యాప్తంగా ప్రోత్సహించాలని కూడా ఆయన ఆదేశించారు. ఈ కార్యక్రమంలో భాగంగా దక్షిణ భారతదేశం నుండి హర్యానా వరకు దేశవ్యాప్తంగా నృత్య, సంగీత బృందాలను ఆహ్వానిస్తున్నారు. భారతదేశ కళ, సంస్కృతిని ప్రదర్శించే అయోధ్యలోని వివిధ కీలక ప్రదేశాలలో మొత్తం 10 సాంస్కృతిక వేదికలు ఏర్పాటు చేయబడతాయన్నారు. దాదాపు 33,000 మంది స్వచ్ఛంద సేవకులు దీపాలను వెలిగించడంలో పాల్గొంటారని, ఇవి భక్తి, ఐక్యతను సూచిస్తాయన్నారు.

విశ్వాస సంగమం..

దీపాల పండుగ ఇకపై భక్తి వేడుక మాత్రమే కాదని, సంస్కృతి, సాంకేతికత సంగమం అని జైవీర్ సింగ్ అన్నారు. ప్రతి సందర్శకుడికి మరపురాని అనుభవంగా మార్చడానికి దీనిని మరింత ఘనంగా చేస్తున్నారు. ఈ కార్యక్రమంలో మల్టీమీడియా ప్రొజెక్షన్ మ్యాపింగ్ షో, 3D హోలోగ్రాఫిక్ లేజర్ సంగీతం, డ్రోన్ డ్యాన్స్ షో, గ్రీన్ బాణసంచా, హైడ్రాలిక్ స్క్రీన్ షో ఉంటాయి.100 మందికి పైగా కళాకారులు ప్రత్యక్ష ప్రదర్శనలు అందిస్తారు. మహిళల నేతృత్వంలోని శకటాలు, ప్రభుత్వ పథకాలకు సంబంధించిన నేపథ్య ప్రదర్శనలు కూడా ఉంటాయని పర్యాటక శాఖ డైరెక్టర్ జనరల్ రాజేష్ కుమార్ తెలిపారు.