బిహార్‌ మాజీ సీఎం కర్పూరీ ఠాకూర్‌కు కేంద్రం భారతరత్న ప్రకటించడం స్వాగతిస్తున్నామని బీఎస్పీ అధినేత్రి మాయావతి అన్నారు. అలాగే బీఎస్పీ వ్యవస్థాపకుడు కాన్షిరాంకు కూడా దళితులు ఆత్మగౌరవంతో జీవించేలా కృషి చేశారని.. ఆయనకు కూడా భారతరత్న ఇవ్వాలంటూ డిమాండ్ చేశారు.
రిపబ్లిక్ డే వేడుకలు జరగనున్న వేళ.. ఢిల్లీలో పోలీసులు భారీ భద్రతను ఏర్పాటు చేశారు. ఈ వేడుకల సందర్భంగా నిర్వహించే కర్తవ్యపథ్‌ పరిసరాల్లో 14 వేల మంది పోలీసులు మోహరించారు. అయితే ఈ కార్యక్రమానికి దాదాపు 77 వేల మంది అతిథులు వచ్చే అవకాశాలున్నాయని పోలీసులు చెప్పారు.
ఎన్సీఈఆర్టీలో ఉద్యోగాల భర్తీకి ప్రకటన వెలువడింది. ప్రూఫ్‌ రీడర్‌, అసిస్టెంట్‌ ఎడిటర్‌, డీటీపీ ఆపరేటర్ తో సహా మొత్తం 170 పోస్టులను భర్తీ చేయనుంది. ఆసక్తిగల అభ్యర్థులు ఫిబ్రవరి 1 నుంచి 3వరకు ఢిల్లీలో నిర్వహించనున్న ఇంటర్య్వూలకు హాజరు కావాలని సూచించింది.
రాంలల్లా దర్శనం కోసం అయోధ్య రామాలయానికి వెళ్లవద్దని ప్రధాని మోదీ తన క్యాబినెట్ మంత్రులకు సూచించారు. భారీ రద్దీ, ప్రోటోకాల్‌తో వీఐపీల కారణంగా ప్రజలకు అసౌకర్యం కలగకుండా, మార్చిలో తమ అయోధ్య పర్యటనను ప్లాన్ చేసుకోవాలని ప్రధాని నరేంద్ర మోదీ కేంద్ర మంత్రులకు సూచించారు.
రాజస్థాన్‌లోని కోటాలో మరో విద్యార్థి ఆత్మహత్య చేసుకోవడం కలకలం రేపింది. యూపీకి చెందిన మహ్మద్ జైద్ (18) అనే విద్యార్థి 'నీట్‌' కోచింగ్ తీసుకుంటున్నాడు. మంగళవారం అర్థరాత్రి తన గదిలో ఉరేసుకొని బలవన్మరణానికి పాల్పడ్డాడు. గతేడాది కోటాలో 29 మంది ఆత్మహత్య చేసుకున్నారు.
నిషాంత్ పిట్టి అనే వ్యక్తితో డేటింగ్ వార్తలపై కంగనా రనౌత్ స్పందించింది. 'అతనితో ప్రేమలో ఉన్నాననేది తప్పుడు ప్రచారం. నిషాంత్‌కు పెళ్లైంది. అతని వైవాహిక జీవితాన్ని డిస్ట్రబ్ చేయొద్దు. నేను మరొక వ్యక్తిని ప్రేమిస్తున్నా. త్వరలోనే అతనెవరో చెప్పేస్తా' అని తెలిపింది.
పశ్చిమ బెంగాల్ సీఎం మమతా బెనర్జీ కారు ప్రమాదానికి గురయ్యారు. బర్ధమాన్‌ నుంచి కోల్‌కతా వైపు తిరిగి వస్తుండగా ఈ ప్రమాదం జరగడంతో ఆమె తలకు గాయాలైనట్లు పార్టీ వర్గాలు వెల్లడించాయి. పొగమంచు కారణంగా రోడ్డు సరిగా కనిపించకపోవడంతో కారు అదుపుతప్పి ఈ ప్రమాదం జరిగినట్లు పేర్కొన్నాయి.
పార్లమెంట్ ఎన్నికలు దగ్గరపడుతున్న క్రమంలో కాంగ్రెస్ పార్టీకి ఎదురుదెబ్బ తగిలింది. ఇండియా కూటమిలో భాగంగా ఉన్న మమతా బెనర్జీ.. పార్లెమెంట్ ఎన్నికల్లో ఒంటరిగా పోటీ చేస్తామని తెలిపింది. తాజాగా ఆప్ కూడా పంజాబ్‌లో ఒంటరిగా పోటీ చేయనున్నట్లు అక్కడి సీఎం భగవంత్‌ మాన్‌ పేర్కొన్నారు.
అయోధ్యలో రామమందిరం నిర్మాణం వల్ల యూపీలో టూరిజం అభివృద్ధి చెందుతుందని.. ఈ ఏడాదిలో ఆ రాష్ట్రానికి రూ.4 లక్షల కోట్ల ఆదాయ వస్తుందని ఎస్‌బీఐ తన నివేదికలో వెల్లడించింది. తిరుపతి బాలాజీ, వాటికన్ సిటీ, మక్కా లాంటి ప్రదేశాల కంటే కూడా అయోధ్యకు ఎక్కువగా ఆదాయం వస్తుందని పేర్కొంది.
/rtv/media/post_attachments/wp-content/uploads/2024/01/Republic-Day-13.webp)
/rtv/media/post_attachments/wp-content/uploads/2024/01/mayavathi-jpg.webp)
/rtv/media/post_attachments/wp-content/uploads/2024/01/Republic-day-jpg.webp)
/rtv/media/post_attachments/wp-content/uploads/2024/01/FotoJet-2024-01-24T184919.255-jpg.webp)
/rtv/media/post_attachments/wp-content/uploads/2024/01/Modi-7-jpg.webp)
/rtv/media/post_attachments/wp-content/uploads/2024/01/Dead-2-jpg.webp)
/rtv/media/post_attachments/wp-content/uploads/2024/01/FotoJet-2024-01-24T171758.868-jpg.webp)
/rtv/media/post_attachments/wp-content/uploads/2024/01/Mamata-jpg.webp)
/rtv/media/post_attachments/wp-content/uploads/2023/12/congress-2-jpg.webp)
/rtv/media/post_attachments/wp-content/uploads/2024/01/Ram-Mandir-2-1-jpg.webp)
