Vishal: ఆ భవనం..పూర్తయితేనే పెళ్లి.. హీరో విశాల్ క్లారిటీ

Vishal About His Wedding Details: కోలీవుడ్ స్టార్ నటుడు విశాల్ ఒక ఇంటివాడు కాబోతున్న విషయం తెలిసిందే. అనేక సంవత్సరాలుగా ఫలానా నటిని చేసుకుంటాడని ఎన్నో రకాల ప్రచారాలు సాగిన చివరకు హీరోయిన్‌ సాయి ధన్సికతో నిశ్చితార్థం చేసుకుని పుకార్లకు పుల్‌స్టాప్‌ పెట్టాడు. కుటుంబ సభ్యులు, అతి కొద్దిమంది అతిథుల సమక్షంలో ఆయన పుట్టినరోజున వారి ఎంగేజ్మెంట్ కూడా వేడుకగా జరిగింది. దీనికి సంబంధించిన ఫోటోలను వారిద్దరూ ఇన్ స్టాలో షేర్ చేయగా వైరల్ అవుతున్నాయి. త్వరలోనే పెళ్లి తేదీ వివరాలు వెల్లడిస్తామని ఈ సందర్భంగా చెప్పారు.  అయితే విశాల్‌ పెళ్లి ఇన్నాళ్లు ఆగడానికి ఒక కారణం ఉంది. అదే నడిగర్‌ సంఘం(నటుల సంఘం) భవనం. అవును ఆ భవనం నిర్మాణమైతేనే పెళ్లి అని విశాల్‌ చాలాకాలంగా చెప్తూ వస్తు్న్నాడు.మరోవైపు వీరి ఎంగేజ్‌మెంట్‌ తర్వాత మొదట ఆగస్ట్ 29నే వీరి వివాహం జరగాల్సి ఉంది.  

గతంలోనూ ఓ హీరోయిన్‌ను విశాల్‌ వివాహం చేసుకున్నాడని అనేక రూమర్స్‌ కూడా వచ్చాయి. అయితే దీనిపై 'యోగీ దా' ట్రైలర్ లాంచ్ ఈవెంట్‌లో ఆయన క్లారిటీ ఇచ్చాడు. తను ఎవరినీ వివాహం చేసుకోలేదనిహీరోయిన్ సాయి ధన్సికతో ప్రేమలో ఉన్నాననే విషయాన్ని అధికారికంగా ప్రకటించారు. అదే సమయంలో  'నడిగర్ సంఘం' భవన నిర్మాణం తర్వాతే పెళ్లి చేసుకుంటానని ప్రకటించారు. గతంలోనే ఈ విషయాన్ని పలుమార్లు ఇంటర్వ్యూల్లో వెల్లడించారు. దీనికి ధన్సిక కూడా అంగీకారం తెలిపినట్లు చెప్పుకొచ్చాడు విశాల్‌.
 
తాజాగా ఓ ఇంటర్వ్యూలోనూ ఇదే విషయాన్ని ప్రస్తావించాడు.  బ్యాచిలర్‌గా ఇదే తన చివరి పుట్టిన రోజని... 'నడిగర్ సంఘం' భవన నిర్మాణం పూర్తైన తర్వాతే పెళ్లి చేసుకోవాలని నిర్ణయించుకున్నట్లు చెప్పారు. 'నా కండిషన్‌కు ధన్సిక కూడా ఓకే చెప్పింది. దీని కోసం 9 ఏళ్లుగా ఎదురుచూశాం. మరో 2 నెలల్లో అది పూర్తవుతుంది. మా పెళ్లి ఆ భవనంలోనే జరుగుతుంది. అందులో జరిగే ఫస్ట్ పెళ్లి మాదే. ఇందుకోసం ఇప్పటికే ఓ ఆడిటోరియం కూడా బుక్ చేసుకున్నాం. భవనం ప్రారంభమైన వెంటనే మా మ్యారేజ్ డేట్ నిర్ణయిస్తాం.' అంటూ క్లారిటీ ఇచ్చారు. దీంతో ఆయన పెళ్లికి త్వరలోనే భజంత్రీలు మోగనున్నాయని తెలుస్తోంది.

విశాల్‌ సినీ జీవితం...

విశాల్‌ 2001లో  తమిళ ఇండస్ట్రీలోకి అడడు పెట్టాడు... తన నటనతో మంచి పాపులారిటీ సంపాదించుకున్నారు. ఆయన నటించిన పలు చిత్రాలు తెలుగులోనూ డబ్ చేసి ఇక్కడ కూడా మంచి క్రేజ్ సొంతం చేసుకున్నారు. ప్రేమ చదరంగం, పందెం కోడి, పందెం కోడి 2, భరణి, అభిమన్యుడు, డిటెక్టివ్ మూవీస్ ఆయనకు మంచి గుర్తింపు తెచ్చిపెట్టాయి. తాజాగా 'మద గజరాజా'తో ప్రేక్షకుల ముందుకు వచ్చారు. ప్రస్తుతం తుప్పరివాలన్ 2, మకుటం చిత్రాల్లో నటిస్తున్నారు. ఇటీవలే టైటిల్ అనౌన్స్ చేశాడు... విశాల్‌ కెరీర్‌లో ఇది 35వ సినిమా. రవి అరసు దర్శకత్వం వహిస్తోన్న ఈ చిత్రంలో దుషారా విజయన్ హీరోయిన్‌గా చేస్తున్నారు. అంజలి కీలక పాత్ర పోషిస్తున్నారు.

ధన్సిక గురించి... 

సాయి ధన్సిక... 2006లో ఇండస్ట్రీలో తన కెరీర్ మొదలుపెట్టారు. కోలీవుడ్‌తో పాటు  కన్నడలోనూ పలు చిత్రాలు చేసి మంచి పాపులారిటీ సొంతం చేసుకున్నారు. రజినీకాంత్ 'కబాలి'లో కీలక రోల్ పోషించగా అ పాత్ర ఆమెకు గుర్తింపు తెచ్చిపెట్టింది. అంతిమ తీర్పు, షికారు, దక్షిణ మూవీస్‌లో నటించారు. 'యోగీ దా' సినిమా చేస్తున్న టైంలోనే విశాల్, ధన్సికల మధ్య ప్రేమ చిగురించింది. తొమ్మిదేళ్లుగా ప్రేమలో ఉన్న వారు తాజాగా ఎంగేజ్మెంట్ చేసుకున్నారు. త్వరలోనే పెళ్లి పీటలు ఎక్కబోతున్నారు. అటు... నడిగర్ సంఘం భవన నిర్మాణం ఎన్నో ఏళ్లుగా సాగుతోంది. 2017లో భవన నిర్మాణం చేపట్టినప్పటి నుంచి అనేక కారణాలతో ఆలస్యం కాగా... దాదాపు 9 ఏళ్ల తర్వాత ఓ కొలిక్కి వచ్చింది. మరో 2 నెలల్లో భవనాన్ని ప్రారంభించనున్నారు.

Also Read: వరద మిగిల్చిన నష్టం అంతా ఇంతా కాదు.. రూ.558.90 కోట్ల నష్టం