Stray Dogs: సంచలన నిర్ణయం.. ఇక నుంచి వీధికుక్కలకు కూడా క్యూఆర్‌ కోడ్, GPS

వీధి కుక్కల బెడదను ఆరికట్టేందుకు సిమ్లా మున్సిపల్ కార్పొరేషన్ ఓ కీలక నిర్ణయం తీసుకుంది. నగరంలో ఉన్న అన్ని వీధి కుక్కలకు క్యూఆర్ కోడ్, జీపీఎస్‌ను అమర్చనున్నట్లు తెలిపింది. దీంతో స్టెరిలైజేషన్, వ్యాక్సినేషన్ సమాచార నమోదు, వయస్సు వంటి వివరాలు ఉంటాయి.

author-image
By Kusuma in నేషనల్ Latest News In Telugu
New Update
dogs QR Code

dogs QR Code

ఢిల్లీలో వీధి కుక్కలు ఎక్కువగా ఇబ్బంది పెడుతున్నాయని వీటిని షెల్టర్లకు పంపించాలని ఉన్నత న్యాయస్థానం సుప్రీంకోర్టు తీర్పునిచ్చింది. ఎక్కువగా ఢిల్లీలో రేబిస్ వ్యాధితో మరణాలు పెరుగుతున్నాయని సుప్రీంకోర్టు ఈ నిర్ణయం తీసుకుంది. అయితే ఈ నిర్ణయాన్ని విమర్శిస్తూ పలువురు వారి అభ్యంతరాలను వ్యక్తం చేశారు. అయితే కేవలం ఢిల్లీలోనే కాకుండా దేశంలోని అన్ని రాష్ట్రాల్లో కూడా కుక్కల బెడద తప్పడం లేదు. దీంతో వీధి కుక్కల బెడదను ఆరికట్టేందుకు సిమ్లా మున్సిపల్ కార్పొరేషన్ ఓ కీలక నిర్ణయం తీసుకుంది. నగరంలో ఉన్న అన్ని వీధి కుక్కలకు క్యూఆర్ కోడ్, జీపీఎస్‌ను అమర్చనున్నట్లు తెలిపింది.

ఇది కూడా చూడండి: Stray Dogs: అహింసావాది గాంధీజీయే 60 కుక్కలు చంపించాడు.. 1927లో ఏం జరిగిందంటే?

నగరంలో ఉన్న అన్ని కుక్కలకు..

నగరంలో ఉన్న అన్ని కుక్కలకు మెడపై క్యూఆర్ కోడ్, జీపీఎస్ వంటి స్మార్ట్ ట్యాగ్‌లను అమర్చుతారు. దీంతో స్టెరిలైజేషన్, వ్యాక్సినేషన్ సమాచార నమోదు, ఆ కుక్కల ఆరోగ్య పరిస్థితి, వయస్సు వంటి వివరాలు అందులో పెడతారు. ఈ కుక్కల క్యూఆర్ కోడ్‌ను స్కాన్ చేయడం వల్ల అన్ని వివరాలను కూడా తెలుసుకోవచ్చు.  అలాగే జీపీఎస్ ద్వారా ఆ వీధి కుక్కల లొకేషన్‌ను కూడా ఈజీగా తెలుస్తుందని సిమ్లా మున్సిపర్ కార్పోరేషన్ ఈ నిర్ణయం తీసుకుంది. ఈ వీధి కుక్కల సమస్య సిమ్లాలో ఎక్కువగా మారింది. ఎక్కువగా రద్దీ ఉండే ప్రాంతాల్లో కూడా కుక్కల సమస్య ఎక్కువగా ఉండటంతో అక్కడ ప్రజలు తీవ్ర ఇబ్బందులు పడుతున్నారు. ఈ క్రమంలోనే సిమ్లా మున్సిపల్ కార్పోరేషన్ ఈ నిర్ణయం తీసుకుంది. సిమ్లా మున్సిపల్ కార్పొరేషన్ తీసుకున్న ఈ నిర్ణయంపై కొందరు ప్రశంసలు కురిపిస్తున్నారు. ఇకనైనా కొంత ప్రమాదాలు తగ్గే అవకాశం ఉందని అంటున్నారు. అయితే మరికొందరు ఇలా క్యూఆర్ కోడ్, జీపీఎస్ పెట్టడం వల్ల కుక్కలు ఇతరులకు కాటు వేయకుండా ఎలా ఉంటాయని అంటున్నారు. ఈ స్కాన్ వల్ల కుక్కలకు స్టెరిలైజేషన్లు వేయడం వల్ల కాస్త ప్రమాదం తగ్గే అవకాశం ఉందని చెబుతున్నారు.

ఇది కూడా చూడండి: Stray Dogs: వీధి కుక్కల వల్ల ఇన్ని లాభాలా.. అవి లేకుంటే భయంకరమైన వ్యాధులే

#stray-dogs #qr-code #CT Scan
సంబంధిత కథనాలు
Advertisment
తాజా కథనాలు