IndiGo : ఇండిగో విమానానికి తప్పిన ఘోర ప్రమాదం.. స్పాట్ లో 272 మంది ప్రయాణికులు!

నాగ్‌పూర్‌ నుంచి కోల్‌కతా వెళ్తున్న ఇండిగో విమానానికి సంబంధించిన ఒక భయంకరమైన సంఘటన తాజాగా  వెలుగులోకి వచ్చింది. విమానం 6E 812గాల్లోకి ఎగిరిన కొద్దిసేపటికే పక్షి ఢీకొట్టడంతో అత్యవసరంగా ల్యాండింగ్ చేయాల్సి వచ్చింది. ఈ సంఘటనలో ఎవరికీ ఎలాంటి గాయాలు కాలేదు, కానీ ప్రయాణికులు తీవ్ర ఆందోళనకు గురయ్యారు.  ఈ సంఘటన జరిగినప్పుడు విమానంలో  272 మంది ప్రయాణికులు ఉన్నారు. విమానం టేకాఫ్ అయిన వెంటనే ఒక పక్షి ఇంజిన్‌ను ఢీకొట్టినట్లు అనుమానిస్తున్నారు. 

Also read : MLA Harmeet Singh : పంజాబ్ లో కలకలం.. పోలీసులపై కాల్పులు జరిపి పారిపోయిన ఆప్‌ ఎమ్మెల్యే

An IndiGo aircraft from Nagpur to Kolkata experienced a bird strike on Tuesday morning, the airline reported, adding that pilots decided to return to Nagpur as a precaution. All 270 people who were on board the plane are safe.#Indigo#Nagpur#Kolkata#EmergencyLandingpic.twitter.com/Fo6YkACHcF

— NENewsTV (@NENEWS24x7) September 2, 2025

ఈ ఢీకొట్టడం వల్ల విమానంలో సాంకేతిక సమస్యలు తలెత్తాయి. వెంటనే అప్రమత్తమైన పైలట్, ముందు జాగ్రత్తగా విమానాన్ని వెనక్కి మళ్లించి నాగ్‌పూర్ విమానాశ్రయంలో సురక్షితంగా అత్యవసర ల్యాండింగ్ చేశారు. విమానం సురక్షితంగా ల్యాండ్ అయిన తర్వాత, విమానాశ్రయ అధికారులు,  సాంకేతిక నిపుణులు విమానాన్ని క్షుణ్ణంగా పరిశీలిస్తున్నారు. పక్షి ఢీకొట్టిన కారణంగా విమానానికి ఎంత నష్టం జరిగింది అనేది అంచనా వేస్తున్నారు.

Also Read :  Trump: భారత్ ఆలస్యం చేసింది.. టారిఫ్‌లపై ట్రంప్‌ సంచలన ప్రకటన

ప్రయాణికులందరూ సురక్షితం

నాగ్‌పూర్ విమానాశ్రయం సీనియర్ డైరెక్టర్ అబిద్ రుహి ఈ సంఘటనపై స్పందిస్తూ, విమానాన్ని అత్యవసరంగా ల్యాండ్ చేశామని, దర్యాప్తు జరుగుతోందని తెలిపారు. ప్రయాణికులందరూ సురక్షితంగా ఉన్నారని, వారికి ప్రత్యామ్నాయ ఏర్పాట్లు చేస్తున్నారని పేర్కొన్నారు. దర్యాప్తు పూర్తయిన తర్వాత మరిన్ని వివరాలు వెల్లడిస్తామని ఆయన తెలిపారు. ఈ సంఘటన వల్ల నాగ్‌పూర్ విమానాశ్రయంలో కొద్దిసేపు ఆందోళన వాతావరణం నెలకొంది.

అహ్మదాబాద్ లో విమాన ప్రమాదం 

కాగా అహ్మదాబాద్ లో ఇటీవల ఒక విమాన ప్రమాదం జరిగిన సంగతి తెలిసిందే. సర్దార్ వల్లభాయ్ పటేల్ అంతర్జాతీయ విమానాశ్రయం నుంచి టేకాఫ్ అయిన కొద్దిసేపటికే విమానం కూలిపోయింది. ఇది బీజే మెడికల్ కాలేజ్ హాస్టల్ భవనంపై పడిపోయింది. ఈ ప్రమాదంలో విమానంలో ప్రయాణిస్తున్న 241 మందితో పాటు, నేలపై ఉన్న 34 మంది కూడా ప్రాణాలు కోల్పోయారు. మృతుల్లో గుజరాత్ మాజీ ముఖ్యమంత్రి విజయ్ రూపానీ కూడా ఉన్నారు. కేవలం ఒకే ఒక్క ప్రయాణికుడు మాత్రమే ప్రాణాలతో బయటపడ్డాడు. విమానం టేకాఫ్ అయిన తర్వాత సాంకేతిక సమస్య తలెత్తడం వల్ల ఈ ప్రమాదం జరిగిందని విచారణలో తేలింది. 

Also Read : ముఖ్య అతిథులుగా ముస్లింలు.. 35 ఏళ్ల తర్వాత పురాతన ఆలయాన్ని తెరిచిన కశ్మీరీ పండితులు