Elephants: కర్ణాటకలో 6,395 ఏనుగులు.. భారీగా పెరిగిన ఎనుగుల జనాభా

ఏనుగుల సంరక్షణ, వాటి జనాభా పెరుగుదలలో కర్ణాటక రాష్ట్రం దేశంలోనే అగ్రస్థానంలో నిలిచింది. ఇటీవల విడుదలైన గణాంకాల ప్రకారం, కర్ణాటకలో ఏనుగుల సంఖ్య గణనీయంగా పెరిగి, దేశంలోనే అత్యధిక ఏనుగులు ఉన్న రాష్ట్రంగా రికార్డ్ సృష్టించింది. ఇది రాష్ట్ర అటవీశాఖ చేపట్టిన పరిరక్షణ కార్యక్రమాలకు, అటవీ ప్రాంతాల విస్తరణకు నిదర్శనమని నిపుణులు పేర్కొంటున్నారు. ఆగస్టు 12న ప్రపంచ ఏనుగుల దినోత్సవం సందర్భంగా అటవీ అధికారులు ఏనుగుల జనాభాకు సంబంధించి కొత్త అంచనాలను వెల్లడించారు.

On World Elephant Day, we celebrate the gentle giants who safeguard our forests and biodiversity. Andhra Pradesh is home to a growing elephant population, especially in the Koundinya Wildlife Sanctuary and Rayala Elephant Reserve, vital corridors linking habitats across southern… pic.twitter.com/I3BXZJK110

— Deputy CMO, Andhra Pradesh (@APDeputyCMO) August 12, 2025

కర్ణాటకలో ఏనుగుల సంఖ్య 6,395గా ఉందని 2023 ఏనుగుల జనాభా లెక్కలు వెల్లడించాయి. కేవలం ఒక్క చామరాజనగర్ జిల్లాలోనే 2,500 కంటే ఎక్కువ ఏనుగులు ఉన్నట్లు తేలింది. ముఖ్యంగా బందీపూర్ టైగర్ రిజర్వ్, బీఆర్టీ టైగర్ రిజర్వ్, మలై మహదేశ్వర వన్యప్రాణుల సంరక్షణ కేంద్రం మరియు కావేరి వన్యప్రాణుల సంరక్షణ కేంద్రం వంటి ప్రాంతాలలో ఏనుగుల జనాభా అత్యధికంగా ఉంది. గత రెండేళ్లలో కర్ణాటకలో ఏనుగుల సంఖ్య పెరిగిందని అటవీ శాఖ వర్గాలు చెబుతున్నాయి.

August 12 marks World Elephant Day. China has made continuous efforts to protect Asian elephants, a species under the country's first-class protection, with 11 nature reserves established in their major habitats to date. The population of wild Asian elephants in southwest China's… pic.twitter.com/VHASj0nyUD

— People's Daily, China (@PDChina) August 12, 2025

తాజా అంచనాల ప్రకారం.. బందీపూర్ ఏనుగుల జనాభా 1,500 కంటే ఎక్కువగా ఉంది. అయితే మహదేశ్వర, కావేరి, బీఆర్‌టీ కలిపి 1,800 ఏనుగులు ఉన్నట్లు విశ్వసిస్తున్నారు. 2025 ఏడాదికి సంబంధించిన ఏనుగుల జనాభా లెక్కల నివేదిక ఇంకా వెల్లడి కానప్పటికీ.. క్షేత్రస్థాయిలో జరుగుతున్న పరిశీలనలు రాష్ట్రవ్యాప్తంగా ఏనుగుల సంఖ్యలో ఆరోగ్యకరమైన పెరుగుదల ధోరణిని సూచిస్తున్నాయి.

Epitome of strength and wisdom 🐘

Recognised as the National Heritage Animal, elephants hold deep cultural and traditional importance in #BemisaalBharat.

On the occasion of #WorldElephantDay, let's take a pledge to protect and preserve our gentle giants. pic.twitter.com/XWgslmOZRn

— Indian Diplomacy (@IndianDiplomacy) August 12, 2025

భారత ప్రభుత్వం 1992లో ప్రారంభించిన "ప్రాజెక్ట్ ఎలిఫెంట్" వంటి పథకాల అమలులో కర్ణాటక ముందుంది. అటవీ ప్రాంతాలను పెంచడం, అడవుల్లో ఏనుగుల కదలికలకు వీలుగా కారిడార్లను ఏర్పాటు చేయడం వంటి చర్యల వల్ల ఏనుగుల జనాభా వృద్ధి సాధ్యమైందని అధికారులు చెబుతున్నారు.

అయితే, ఏనుగుల జనాభా పెరుగుదలతో పాటు వాటి వల్ల ఎదురవుతున్న సమస్యలు కూడా పెరుగుతున్నాయి. జనావాసాల్లోకి ఏనుగులు చొరబడటం, పంటపొలాలను ధ్వంసం చేయడం, మనుషులపై దాడులు చేయడం వంటి సంఘటనలు తరచుగా చోటు చేసుకుంటున్నాయి. ఈ సమస్యను పరిష్కరించడానికి, కర్ణాటక ప్రభుత్వం ఇతర రాష్ట్రాల నుండి కుంకీ ఏనుగులను రప్పించి, అడవి ఏనుగుల దాడులను నివారించడానికి ప్రయత్నిస్తోంది. ఏదేమైనా, కర్ణాటక ఏనుగుల సంరక్షణలో ఒక రోల్ మోడల్‌గా నిలిచిందని, భవిష్యత్తులో ఈ పరిరక్షణ చర్యలను మరింత సమర్థవంతంగా కొనసాగించాల్సిన అవసరం ఉందని పర్యావరణవేత్తలు అభిప్రాయపడుతున్నారు.