ఉద్యోగులకు కార్లు, బైక్‌లు గిఫ్ట్‌గా ఇచ్చిన కంపెనీ.. ఎక్కడంటే ?

చెన్నైలోని ఓ సంస్థ అందరినీ ఆశ్చర్యపరిచింది. తమ కంపెనీలో పనిచేస్తున్న ఉద్యోగులకు కార్లు, బైకులు బహుమతులుగా ఇచ్చింది. మొత్తంగా 28 మందికి కార్లు, మరో 29 మందికి బైక్‌లు అందించింది. కార్లలో హ్యూండాయ్, మారుతీ సుజుకీ, టాటా, మెర్స్‌డెస్‌ బెంజ్ లాంటి ప్రముఖ కంపెనీలకు చెందినవి ఉన్నాయి. ఇక వివరాల్లోకి వెళ్తే టీమ్ డీటెయిలింగ్ సొల్యూషన్స్ అనే సంస్థ విజయవంతగా ముందుకు సాగుతోంది. తమ కంపెనీని విజయపథంలో నడిపించినందుకు ఉద్యోగుల కృషికి గుర్తింపుగా ఇలా కార్లు, బైక్‌లు బహుమతులగా ఇచ్చామని ఓతేదకంపెనీ మేనేజింగ్ డైరెక్టర్ శ్రీధర్ కన్నన్ తెలిపారు.  

Also Read: రూ.23 లక్షల ప్యాకేజీ కాదని రూ.18 లక్షల ప్యాకేజీతోనే ఉద్యోగం.. ఎందుకంటే ?

తమకు ఉద్యోగులే విలువైన ఆస్తి అని తెలిపారు. తమ కంపెనీలో మొత్తంగా 180 మంది ఉద్యోగులు పనిచేస్తున్నారని.. వాళ్లలో చాలామందికి బైక్, కారు కొనాలన్న ఆశ ఉందని.. ఆ కలను నెరవేర్చేందుకే వీటిని గిఫ్ట్‌గా ఇచ్చామని పేర్కొన్నారు. అంతేకాదు కంపెనీ నిర్ణయించింది కాకుండా.. ఉద్యోగి ఇంకా మంచి వాహనం కొనాలని భావిస్తే మిగిలిన మొత్తం చెల్లించి ఆ వాహనం కొనుగోలు చేసేందుకు వెసులుబాటు కల్పించినట్లు పేర్కొన్నారు. అలాగే పెళ్లి వేడుకకు సాయం కింద రూ.50 వేలు ఇచ్చేవాళ్లమని.. ఈ ఏడాది నుంచి ఆ మొత్తాన్ని రూ.లక్షకు పెంచుతున్నట్లు వెల్లడించారు.