World Mental Health Day: ఈ 7 లక్షణాలు మీలో ఉంటే.. మీకు మెంటల్ ఉన్నట్లే.. అవేంటో తెలుసా!

ప్రతీ ఏడాది ప్రపంచ వ్యాప్తంగా అక్టోబర్ 10న ప్రపంచ మానసిక ఆరోగ్య దినోత్సవాన్ని జరుపుకుంటారు. దీని ముఖ్య ఉద్దేశం.. మానసికంగా, శారీరకంగా ఆరోగ్యంగా ఉండాలని ప్రజలకు తెలిసేలా చేయడమే. అయితే ప్రస్తుతం రోజుల్లో చాలా మంది శారీరకంగా, మానసికంగా ఎన్నో ఇబ్బందులు పడుతున్నారు. మానసికంగా తీవ్ర ఇబ్బందులు పడితే కొందరు డిప్రెషన్‌లోకి వెళ్లిపోతున్నారు. అయితే తరచుగా ఉండే కొన్ని లక్షణాల వల్ల ముందుగానే మానసిక ఆరోగ్యాన్ని ముందుగానే గుర్తించవచ్చని నిపుణులు అంటున్నారు. అయితే ఏయే లక్షణాల వల్ల మానసిక ఆరోగ్యం దెబ్బతిన్నదనే విషయం ఈ స్టోరీలో తెలుసుకుందాం. 

ఇది కూడా చూడండి: Today Horoscope: దరిద్రమంటే ఈ రాశులవారిదే.. తీరని అప్పులు.. కష్టాలు.. ఆ రాశులేవంటే?

కారణం లేని కోపం

నచ్చిన  పని చేయకపోతే  కొందరి మీద కోపం వస్తుంది. అది కొన్ని గంటలు మాత్రమే ఉంటుంది. కానీ మరికొందరికి మాత్రం రోజుల తరబడి ఉంటుంది. ఈ కోపం చివరకు డిప్రెషన్‌కు దారితీస్తుంది. ఇలా రోజుల తరబడి కోపం ఉంటే మాత్రం తప్పకుండా వైద్యులను సంప్రదించాలని నిపుణులు అంటున్నారు. మానసికంగా ఆరోగ్యంగా లేమని తెలియజేసే సంకేతంలో ఇది కూడా ఒకటి. ఏదైనా కోపం వంటివి లేకుండా ప్రశాంతంగా ఉండటానికి ట్రై చేయాలి. 

తీవ్ర ఆందోళన, భయం
కొందరు ప్రతీ చిన్న విషయానికి భయపడుతుంటారు. అన్నింటికి ఇలా భయపడి ఆందోళన చెందితే మాత్రం మానసికంగా ఇబ్బంది పడుతున్నట్లు గుర్తించండి. ఇలాంటి లక్షణాలు కనిపిస్తే మాత్రం వెంటనే వైద్యులను సంప్రదించాలి. 

నిద్ర, ఆకలిలో మార్పులు
మానసికంగా ఇబ్బంది పడుతున్న వారిలో ఎక్కువగా నిద్ర సమస్యలు  ఉంటాయి. అలాగే వీరికి పెద్దగా ఆకలి వేయకపోవడం లేదంటే అధికంగా తింటారు. ఇలా నిద్ర, ఆకలి విషయంలో ఏవైనా మార్పులు కనిపిస్తే మాత్రం తప్పకుండా వైద్యులను సంప్రదించాలి. ఎక్కువ కాలం ఇలా జరిగితే శారీరక సమస్యలు కూడా వచ్చే ప్రమాదం ఉందని నిపుణులు హెచ్చరిస్తున్నారు. 

అందరికి దూరంగా ఉండటం
కొందరు అందరితో కలిసి ఉండటానికి కాకుండా ఒంటరిగా ఉండటానికి ఇష్టపడతారు. ఇలా ఒంటరిగా ఉండటానికి ఇష్టపడుతున్నారంటే మాత్రం వారు మానసికంగా ఇబ్బందులు పడుతున్నారని అర్థం. అందరితో కలిసి ఉంటే ఎలాంటి ఆలోచనలు రాకుండా హ్యాపీగా ఉంటారు. అదే ఒంటరిగా ఉంటే మాత్రం అనేక ఆలోచనలు వస్తాయని నిపుణులు చెబుతున్నారు. 

జ్ఞాపకశక్తి తగ్గడం
మానసికంగా ఇబ్బంది పడుతున్న వారిలో జ్ఞాపకశక్తి భారీగా తగ్గిపోతుంది. ఎక్కువగా మతిమరుపు, ఆందోళన, ప్రతీ విషయంలో గందరగోళం ఏర్పడుతుంది. 

చిరాకు
ప్రతీ చిన్న విషయానికి చిరాకు పడుతుంటారు. కోపం, చిరాకు అధికంగా ఉంటే మాత్రం మానసికంగా కాస్త సమస్యలను ఎదుర్కొన్నట్లే. ఇలా చీటికి, మాటికి చిరాకుగా ఫీల్ అవుతుంటే మాత్రం తప్పకుండా వైద్యులను సంప్రదించాలని నిపుణులు అంటున్నారు. 

ఆత్మహత్య 
జీవితం వ్యర్థమైంది.. నేను ఎందుకు పనికి రాను, ఆత్మహత్య చేసుకుంటా అనే ఆలోచనలు వస్తే మాత్రం తప్పకుండా మీరు డిప్రెషన్‌లో ఉన్నట్లే. పదే పదే ఆత్మహత్య చేసుకోవాలని అనిపిస్తే మాత్రం ఆ ఆలోచనల నుంచి బయటకు రావాలి. మెంటల్‌గా స్ట్రాంగ్ కావడానికి ప్రయత్నాలు చేయాలి. అప్పుడే మానసికంగా కూడా ఆరోగ్యంగా ఉంటారని నిపుణులు అంటున్నారు. 

ఇది కూడా చూడండి: Early Morning Tips: అలర్ట్.. పరగడుపున ఈ ఆకుల రసం తాగడం లేదా.. అయితే మీరు డేంజర్‌లో ఉన్నట్లే!