Car Vaastu Tips: కారులో ఈ వాస్తు చిట్కాలు పాటించండి.. ఎప్పటికీ యాక్సిడెంట్ కాదు.. జర్నీ ఎల్లప్పుడూ సేఫ్!

కారు కొనుగోలు నుంచి పార్కింగ్ వరకు వాస్తు (Vastu) చిట్కాలు పాటించడం వలన ప్రయాణాలు సుఖవంతమవుతాయి, సానుకూల శక్తి పెరుగుతుంది. వాహనం రంగు, అందులో ఉంచే వస్తువులు, గ్యారేజ్ దిశ వంటి అంశాలు వాస్తుకు అనుగుణంగా ఉంటే శుభాన్ని.. ఆనందాన్ని ఇస్తాయి. వాస్తును నిర్లక్ష్యం చేస్తే ప్రతికూలత పెరిగి, అశుభాలు, లేదా ప్రమాదాలు కూడా సంభవించే అవకాశం ఉందని వాస్తు నిపుణులు సూచిస్తున్నారు.

కారు కొనేటప్పుడు, అందులో ఉంచాల్సినవి:

అదృష్ట రంగు (Lucky Color): జ్యోతిష్యులు మీ జన్మ రాశి ప్రకారం సూచించిన అదృష్ట రంగును ఎంచుకోవడం శ్రేయస్కరం. సాధారణంగా నలుపు (Black) లేదా తెలుపు (White) రంగులు అందరికీ సరిపోతాయి.. కానీ ఎరుపు రంగును ఎంచుకునే ముందు తప్పకుండా పరిశీలించుకోవాలి. 

కారుకు పేరు: దేవుళ్లు, దేవతల పేర్లు లేదా తల్లిదండ్రులు, పిల్లలు, భార్య/భర్త పేర్లు పెట్టడం మంచిది. ప్రాచుర్యం కోసమని చెడు పేర్లు పెట్టడం అదృష్టకరం కాదు.

శుభ్రత-వస్తువులు: కారులో విరిగిన లేదా దెబ్బతిన్న వస్తువులను ఉంచకూడదు. కారును ఎప్పటికప్పుడు శుభ్రంగా ఉంచాలి. అశుభ్రంగా ఉంటే ప్రయాణికుల మనస్సు కూడా కలుషితమవుతుంది.

పూజ-విగ్రహాలు: కొత్త కారును శుభ ముహూర్తంలో కొనుగోలు చేసి.. ముందుగా గుడిలో పూజ చేయించి ఇంటికి తీసుకురావాలి. కొత్త కారులో కొన్ని శుభప్రదమైన వస్తువులను.. ముఖ్యంగా అడ్డంకులను తొలగించే గణేశుడి (Ganesha) చిన్న విగ్రహాన్ని డాష్‌బోర్డ్‌పై ఉంచడం మంచిది.

సానుకూలత కోసం: చిన్న నల్ల తాబేలు (Black Turtle)ను కారులో ఉంచడం ప్రతికూలతను తొలగించి సానుకూలతను పెంచుతుంది. అలాగే సహజ రాయి లేదా క్రిస్టల్‌ను ఉంచడం భూమి మూలకాన్ని బలపరిచి కారును సురక్షితంగా ఉంచుతుంది.

నీరు: ప్రయాణంలో కారు వేడెక్కుతుంది.. దానిని సమతుల్యం చేయడానికి కారులో తప్పకుండా నీటి సీసా (Water Bottle) ఉంచాలి.

కారు పార్కింగ్:

గ్యారేజ్ దిశ: ఇంటికి ఆగ్నేయం (Southeast) లేదా వాయువ్యం (Northwest) దిశలో గ్యారేజ్ ఉండటం అనుకూలం. వాయువ్యంలో అయితే ప్రయాణాలలో అదృష్టం కలుగుతుంది. ఆగ్నేయంలో అయితే చిన్న రిపేర్లు వచ్చే అవకాశం ఉంటుంది.

పార్కింగ్: కారును తూర్పు (East) లేదా ఉత్తరం (North) వైపునకు ముఖం చేసి పార్క్ చేయాలి. ఈ దిశలు ఉత్తమమైనవి. దక్షిణం, పడమర దిశల నుంచి వచ్చే కిరణాలు ఇంజిన్‌కు హాని కలిగించవచ్చు.

గ్యారేజ్ ఫ్లోర్- తలుపు: గ్యారేజ్ ఫ్లోర్ వాలు ఉత్తరం లేదా తూర్పు వైపునకు ఉండాలి. గ్యారేజ్ తలుపు ఉత్తరం లేదా తూర్పు వైపునకు తెరుచుకునేలా ఉండాలి. దానికి ఎటువంటి అడ్డంకి ఉండకూడదు.

తగినంత స్థలం: కారు చుట్టూ కనీసం 2,3 అడుగుల ఖాళీ స్థలం ఉండాలి. ఇది కాంతి, గాలి కారు చుట్టూ ప్రవహించడానికి వీలు కల్పిస్తుంది.

సమ్ప్‌పిట్ వద్దు: నీరు నిల్వచేసే సమ్ప్‌పిట్ పైన కారు పార్క్ చేయకూడదు. ఎందుకంటే కారు నుంచి దుమ్ము, నూనె వంటివి నీటిలో పడి కలుషితమయ్యే అవకాశం ఉంది. ఈ వాస్తు చిట్కాలను పాటించడం ద్వారా ప్రతి ఒక్కరూ సురక్షితమైన.. సంతోషకరమైన ప్రయాణాన్ని ఆస్వాదించవచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.  

 ఇది కూడా చదవండి: పిల్లి ఈగల సమస్యా..? మరేం ఫర్వాలేదు వైద్యులు చెప్పిన చిట్కా ఉందిగా..!!