Tomato Juice Benefits: టమాటో రసం తాగితే ఎన్ని హెల్త్ బెనిఫిట్సో తెలుసా?

Tomato Juice Benefits: టమాటోను సాధారణంగా సలాడ్, సూప్,(Salad, Soup) కూరగాయలలో ఉపయోగిస్తారు. కానీ రోజూ టమాటో రసం తాగడం వల్ల లెక్కలేనన్ని ఆరోగ్య ప్రయోజనాలు లభిస్తాయి. టమోటాలలో విటమిన్ సి, కె, యాంటీ ఆక్సిడెంట్లు, ఫైబర్, పొటాషియం, మెగ్నీషియం వంటి అనేక ముఖ్యమైన ఖనిజాలు కనిపిస్తాయి. శీతాకాలంలో టమాటో రసం తాగడం మరింత ప్రయోజనకరంగా ఉంటుంది. ఎందుకంటే ఇది శరీర రోగనిరోధక శక్తిని పెంచుతుంది. కాలానుగుణ వ్యాధుల నుంచి రక్షిస్తుంది. టమాటో రసం వల్ల కలిగే అద్భుతమైన ప్రయోజనాల గురించి కొన్ని విషయాలు ఈ ఆర్టికల్‌లో తెలుసుకుందాం. 

Also Read: కుంభమేళా నీళ్లలో కోలీఫామ్‌ బ్యాక్టీరియా.. బాంబు పేల్చిన పొల్యుషన్ కంట్రోల్ బోర్డ్

టమాటో రసం ప్రయోజనాలు: 

టమాటోరసంలో ఉండే యాంటీ ఆక్సిడెంట్లు ఫ్రీ రాడికల్స్‌తో పోరాడతాయి. చర్మాన్ని హైడ్రేట్‌గా ఉంచుతాయి. ముడతలను తగ్గిస్తాయి. ఇది పిగ్మెంటేషన్, మొటిమల సమస్యను తొలగిస్తాయి. టమాటో రసంలో ఖనిజాలు అధికం. ఇవి శరీరం నుంచి హానికరమైన విషాన్ని తొలగించి  శరీరాన్ని లోపలి నుంచి శుభ్రంగా, ఆరోగ్యంగా ఉంచుతుంది. అంతేకాకుండా టమాటో రసం ఫైబర్ అద్భుతమైన మూలం అంటారు. ఇది సరైన జీర్ణక్రియను నిర్వహించడానికి సహాయపడుతుంది. రోజూ టమాటో రసం తీసుకోవడం వల్ల అజీర్ణం, గ్యాస్, మలబద్ధకం వంటి సమస్యల నుంచి ఉపశమనం లభిస్తుంది.

Also Read: బరువు తగ్గాలని ప్లాన్ చేస్తున్నారా? అయితే..ఈ వివరాలు మీ కోసమే!

టమాటోలలో లైకోపీన్ అనే సమ్మేళనం కనిపిస్తుంది. ఇది శరీరంలోని కణాల నష్టాన్ని నివారించడంలో సహాయపడుతుంది. కొన్ని అధ్యయనాల ప్రకారం.. రోజూ టమాటో రసం తాగడం వల్ల క్యాన్సర్ వంటి తీవ్రమైన వ్యాధుల ప్రమాదం తగ్గుతుంది. బరువు తగ్గాలనుకుంటే.. టమాటో రసాన్ని డైట్ ప్లాన్‌లో భాగం చేసుకోవచ్చు. ఇందులో కేలరీలు తక్కువగా ఉంటాయి. ఆకలిని నియంత్రించడంలో సహాయపడతాయి. తద్వారా బరువును అదుపులో ఉంచుతుందని నిపుణులు చెబుతున్నారు.

Also Read: భూకంపం టైంలో పెద్ద శబ్ధం ఎందుకు వస్తుందో తెలుసా?

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

Also Read:  ఈ 4 చిట్కాలు పాటిస్తే.. గుర్రు కొట్టి నిద్రపోతారు!