ఒత్తిడిలో ఉన్నవారికి ఆ పని ఇంకా ఇంకా చేయాలనిపిస్తుందట!

పోషకాహార నిపుణుల ప్రకారం.. ఒత్తిడికి గురైనప్పుడు శరీరం సహజంగానే ఏదో ఒకటి తినాలని కోరుకుంటుంది. అయితే ఈ సమయంలో జంక్ ఫుడ్ తినడం ద్వారా దాని రుచి సంతోషకరమైన అనుభూతుని కలిగిస్తుంది. అందువల్ల స్ట్రెస్ లో ఉన్నప్పుడు జంక్ ఫుడ్ తినాలనే కోరిక కలుగుతుంది.

అయితే జంక్ ఫుడ్ బ్రెయిన్‌లోని రివార్డ్ సెంటర్లను యాక్టివేట్ చేస్తుంది. దీని ద్వారా సంతోషానికి కారణమైన డోపమైన్ రిలీజ్ అవుతుంది. ఇది తాత్కాలిక ఒత్తిడి నుంచి ఉపశమనాన్ని అందిస్తుంది.

అలాగే జంక్ ఫుడ్ లోని అధిక చక్కెరలు, కొవ్వులు నోటికి మంచి రుచిని అందించడంతో పాటు తాత్కాలిక ఆనందాన్ని, అనుభూతిని కలిగిస్తాయి. దీనివల్ల మనసు కాస్త సంతృప్తి చెందుతుంది.

ఇలా మనసు సంతృప్తి చెందినప్పుడు శరీరంలో హ్యాపీ హార్మోన్లు (సెరోటోనిన్) ఉత్పత్తికి సహాయపడుతుంది. తద్వారా ఒత్తిడి నుంచి తాత్కాలి ఉపశమనం కలుగుతుంది.

అయితే ఒత్తిడిలో ఉన్నప్పుడు జంక్ ఫుడ్ తినడం ద్వారా తాత్కాలిక ఉపశమనం కలిగినప్పటికీ.. ఆరోగ్యంపై ప్రతికూల ప్రభావం చూపుతుందని నిపుణులు అంటున్నారు.

వాటిలోని హై కొలెస్ట్రాల్ జీర్ణ వ్యవస్థలోని గట్ బ్యాక్టీరియా మనుగడకు అంతరాయం కలిగిస్తుంది. ఈ పరిస్థితి అనేక రోగాలకు దారితీస్తుంది. అంతేకాదు జంక్ ఫుడ్స్ నేరుగా మెదడుపై ప్రభావం చూపుతుందట.

దీర్ఘకాలంపాటు ఇలా జంక్ ఫుడ్ ఎక్కువగా తీసుకోవడం ద్వారా ఊబకాయం వంటి సమస్యలు తలెత్తే ప్రమాదం ఉంది. అంతేకాదు ఇలాంటి అనారోగ్యపు ఆహారపు అలవాట్ల కారణంగా తరచుగా ఆందోళన, డిప్రెషన్ వంటి ప్రాబ్లమ్స్ వస్తాయి.

అధిక రక్తపోటు, అధిక బరువు, మధుమేహం, రక్త నాళాల్లో ఆటంకాలు వంటి ఇబ్బందులు కూడా తలెత్తుతాయి. నిర్లక్ష్యంగా వ్యవహరిస్తే గుండెపోటుకు కూడా కారణం కావచ్చు.