Clothes And Tea: బట్టలపై టీ మరకలు పోవాలంటే ఇలా శుభ్రం చేయండి

Clothes And Tea: కొన్నిసార్లు టీ తాగేటప్పుడు బట్టలపై మరకలు పడతాయి. దీనివల్ల ఫాబ్రిక్ మీద మరకలు ఏర్పడతాయి. ఈ రకమైన మరకలను తొలగించడానికి అనేక ప్రయత్నాలు చేస్తుంటాం.  కొంతమంది గోరువెచ్చని నీళ్లు పోసి, ఉప్పు, నిమ్మరసం వేసి బాగా రుద్దుతారు. దీనితో మరక పోయినా ఆ ప్రాంతంలోని ఫాబ్రిక్ రంగు మసకబారుతుంది. అయితే కొన్ని చిట్కాలను పాటిస్తే టీ మరకలను సులభంగా తొలగించవచ్చని నిపుణులు అంటున్నారు. బేకింగ్ సోడాను సాధారణంగా వంటగదిలో కేకులు, కుకీలు, ఇతర ఆహార పదార్థాలను తయారు చేయడానికి ఉపయోగిస్తారు. అయితే బట్టలపై ఉన్న టీ మరకలను తొలగించడానికి కూడా దీనిని ఉపయోగించవచ్చు. 

నాణ్యత అంతగా క్షీణించే అవకాశం..

టీ మరకపై ఒక టేబుల్ స్పూన్ బేకింగ్ సోడా వేసి సున్నితంగా రుద్దండి. కొద్దిసేపటి తర్వాత బట్టలు శుభ్రం చేస్తే టీ మరక పోతుంది. సాధారణంగా కాటన్ బట్టలపై ఉన్న టీ మరకలను తొలగించడం అంత సులభం కాదు. టీ మరక మీద నేరుగా వేడి నీటిని పోయాలి. అయితే చాలా వేడి నీటిని ఉపయోగించవద్దు. వేడి ఎంత ఎక్కువగా ఉంటే ఫాబ్రిక్ నాణ్యత అంతగా క్షీణించే అవకాశం ఉంది. అందువల్ల మధ్యస్తంగా వేడి నీటిని తీసుకోవడం మంచిది. టీ మరకలను తొలగించడంలో వెనిగర్ కూడా చాలా ప్రభావవంతంగా పనిచేస్తుంది. దీని కోసం  ఒక కప్పు నీటిలో ఒక టేబుల్ స్పూన్ వెనిగర్ వేసి బాగా కలపాలి. ఈ ద్రవాన్ని స్ప్రే బాటిల్‌లో పోసి మరకలు ఉన్న ప్రదేశంలో స్ప్రే చేయండి. తర్వాత మెల్లగా రుద్దండి.

ఇది కూడా చదవండి: ఇంట్లో మనీ ప్లాంట్లు ఇక్కడ పెట్టండి... డబ్బే డబ్బు!

ఇలా చేయడం వల్ల మరక క్రమంగా మాయమవుతుంది. ఫాబ్రిక్ రంగు మారకుండా టీ మరకలను సులభంగా తొలగించడానికి టూత్‌పేస్ట్‌ను ఉపయోగించవచ్చు. మరక ఉన్న ప్రదేశంలో కొంత టూత్‌పేస్ట్‌ను అప్లై చేసి 20 నిమిషాలు అలాగే ఉంచండి. తర్వాత గుడ్డను మంచి నీటితో శుభ్రం చేసుకోండి. బట్టలపై టీ పడిన వెంటనే నీటితో శుభ్రం చేస్తే మరక సులభంగా తొలగిపోతుంది. అది సాధ్యం కాకపోతే ఆ గుడ్డను చల్లని నీటిలో అరగంట సేపు నానబెట్టి తర్వాత ఉతకాలి. చాలా మంది టీ మరకలను తొలగించడానికి నిమ్మరసాన్ని ఉపయోగిస్తారు. అయితే దాని బ్లీచింగ్ లక్షణాల కారణంగా రంగుల బట్టలు మసకబారే అవకాశం ఉంది. కాబట్టి ఈ చిట్కాను తెల్లని బట్టలకు మాత్రమే ఉపయోగించడం ఉత్తమం. టీ మరక ఉన్న ప్రదేశంలో కొద్దిగా లిక్విడ్ డిటర్జెంట్ వేసి వేళ్లతో సున్నితంగా రుద్దండి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: ఉదయం 9 గంటలలోపు ఈ ఐదు పనులు చేయండి