Oral cancer: నోటి క్యాన్సర్ ముందస్తు గుర్తింపుతో ప్రాణాలు కాపాడుకోవచ్చు

Oral cancer: క్యాన్సర్ అనేది ప్రాణాంతక వ్యాధి. సరైన సమయంలో గుర్తించకపోతే అది మరణానికి దారితీస్తుంది. నోటి క్యాన్సర్ విషయంలో ఇది మరింత నిజం. ఎందుకంటే ఇది బయటి నుంచి కనిపించే క్యాన్సర్ కాబట్టి.. ప్రారంభ దశలోనే గుర్తించడం సులభం. ముందే గుర్తించినట్లయితే.. చికిత్స సులభతరం అవుటంతోపాటు ప్రాణాలను కాపాడే అవకాశాలు ఎక్కువగా ఉంటాయి. నోటి క్యాన్సర్‌ను (Oral cancer) గుర్తించడానికి వైద్యులు (Doctors) మొదట సాధారణ క్లినికల్ పరీక్షను నిర్వహిస్తారు. ఈ పరీక్షలో నోరు, గొంతును జాగ్రత్తగా పరిశీలిస్తారు. ఇది చాలా ప్రభావవంతమైన పద్ధతి అయినప్పటికీ.. క్యాన్సర్‌ను పూర్తిగా నిర్ధారించడానికి బయాప్సీ(Biopsy) అవసరం. నోటి క్యాన్సర్‌ను గుర్తించే కొన్ని విషయాలు ఈ ఆర్టికల్‌లో తెలుసుకుందాం.

లాలాజలం ద్వారా నోటి క్యాన్సర్ సంకేతాలను.. 

పెద్దగా నొప్పి లేదా అసౌకర్యం లేకుండానే క్యాన్సర్‌ను గుర్తించే అధునాతన పరీక్షలు అందుబాటులోకి వచ్చాయి. ఫ్లోరోసెన్స్ ఇమేజింగ్,  ఆర్టిఫిషియల్ ఇంటెలిజెన్స్ (AI) సాంకేతికతతో నోటి క్యాన్సర్ ప్రారంభ లక్షణాలను వేగంగా గుర్తించవచ్చు. ఈ సౌకర్యం ముఖ్యంగా వైద్యులు తక్కువగా అందుబాటులో ఉన్న ప్రాంతాలలో చాలా ఉపయోగకరంగా ఉంటుంది. కొత్తగా వచ్చిన లాలిపాప్ టెస్ట్, స్వాబ్ టెస్ట్ లాలాజలం ద్వారా క్యాన్సర్ సంకేతాలను (Cancer Signs) త్వరగా గుర్తిస్తుంది. ఈ పద్ధతి సులభం, వేగవంతమైనది కాబట్టి ప్రారంభ నిర్ధారణకు ఇది చాలా ప్రయోజనకరంగా ఉంటుందని నిపుణులు చెబుతున్నారు. క్యాన్సర్ ప్రారంభ దశలో గుర్తించబడితే రోగికి 5 సంవత్సరాల వరకు జీవించే అవకాశాలు 90 శాతం వరకు ఉంటాయి. అయితే క్యాన్సర్ శరీరంలోని ఇతర భాగాలకు వ్యాపిస్తే ఈ అవకాశం 10 శాతం కంటే తక్కువగా ఉంటుంది. ప్రతి 6 నెలలకు, సంవత్సరానికి ఒకసారి దంతాలను, నోటిని తనిఖీ చేయించుకుంటే.. క్యాన్సర్ ప్రారంభ లక్షణాలను ( cancer Early symptoms ) సకాలంలో గుర్తించవచ్చని నిపుణులు చెబుతున్నారు.

ఇది కూడా చదవండి: తక్కువ నిద్రపోయే అలవాటు ఉందా..? ఈ వ్యాధులు శరీరంలోకి వచ్చినట్లే.!!

పరిశోధనల ప్రకారం.. ఈ విధంగా తనిఖీ చేయించుకునే రోగులకు జీవించే అవకాశం ఎక్కువగా ఉంటుంది. క్యాన్సర్ మూడవ, నాల్గవ దశలో గుర్తించబడితే.. చికిత్స కష్టతరంగా మారుతుంది. కొన్నిసార్లు శస్త్రచికిత్సతో పాటు రేడియేషన్, కీమోథెరపీ కూడా అవసరం అవుతాయి. నోటిలో ఏదైనా పుండ్లు, తెల్లటి లేదా ఎర్రటి మచ్చలు, గడ్డలు, స్వరంలో మార్పులు గమనించినట్లయితే.. వెంటనే వైద్యుడిని సంప్రదించాలి. ముందస్తు గుర్తింపు చికిత్సను సులభతరం చేయటంతోపాటు ప్రాణాలను కూడా కాపాడగలదు. కాబట్టి నోటి ఆరోగ్యం పట్ల ఎక్కువ శ్రద్ధ వహించి క్రమం తప్పకుండా పరీక్షలు చేయించుకుంటే నోటి క్యాన్సర్ నుంచి ఆరోగ్యాన్ని కాపాడు కోవచ్చని నిపుణులు చెబుతారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: భారీగా పెరుగుతున్న బ్రెయిన్ స్ట్రోక్ కేసులు.. ఈ జాగ్రత్తలు పాటిస్తే మీరు సేఫ్!

(Latest News | teugu-news)