Fridge Tips: పొరపాటున కూడా ఈ 6 ఆహారాలను ఫ్రిజ్‌లో పెట్టొద్దు.. ఏమౌతుందో తెలుసా!

ఫ్రిడ్జ్‌లో కూరగాయలు, ఆహారాన్ని ఉంచడం వల్ల అది పాడైపోకుండా ఎక్కువసేపు తాజాగా ఉంటుందని చాలా మంది ప్రజలు తరచుగా నమ్ముతారు. దీంతో ప్రతి ఒక్క ఐటెమ్‌ను ఫ్రిడ్జ్‌లో పెట్టేస్తుంటారు. మిగిలిపోయిన ఆహారాన్ని గంటలు గంటలు ఫ్రిడ్జ్‌లో పెట్టి నిల్వ ఉంచుతారు. కానీ ఇలా చేయడం ఎప్పుడూ సరికాదని వైద్యులు హెచ్చరిస్తున్నారు. చాలా ఆహారాలను రిఫ్రిజిరేటర్‌లో ఉంచడం వల్ల వాటి రుచి మారిపోతుంది. టమోటాలు, బ్రెడ్ వంటి వాటిని ఫ్రిడ్జ్‌లో పెట్టకూడదని నిపుణులు చెబుతున్నారు. దీని వల్ల వాటి రుచి మారిపోతుందని అంటున్నారు. రిఫ్రిజిరేటర్‌లో ఖచ్చితంగా ఉంచకూడని ఆహారాలను తెలుసుకుందాం.

తేనె

తేనె సహజంగా ఎక్కువసేపు చెడిపోదు. ఒకవేళ దాన్ని ఫ్రిజ్‌లో ఎక్కువసేపు ఉంచడం వల్ల అది గట్టిపడి చిక్కగా అవుతుంది. మీరు ఒకవేళ దాని రుచిని కాపాడుకోవాలనుకుంటే చల్లని, పొడి ప్రదేశంలో మూసివున్న జాడిలో నిల్వ చేయాలి. 

టమాటో 

బంగాళాదుంపలు చల్లబడినప్పుడు త్వరగా చక్కెరగా మారుతుంది. దీంతో వాటి రుచి, ఆకృతి రెండూ ఛేంజ్ అవుతాయి. దీని ఫలితంగా వంట తర్వాత కర్రీ రుచి కొద్దిగా తియ్యగా ఉంటుంది. అందువల్ల వాటిని వంటగది ప్యాంట్రీ లేదా బుట్ట వంటి చీకటి, చల్లని ప్రదేశంలో నిల్వ చేయాలి.

వెల్లుల్లి 

రిఫ్రిజిరేటర్ ఉష్ణోగ్రతలు వెల్లుల్లిని వేగంగా మొలకెత్తడానికి, దాని రుచిని తగ్గించడానికి కారణమవుతాయి. బుట్ట లేదా కాగితపు సంచి వంటి పొడి, బాగా వెంటిలేషన్ ఉన్న ప్రదేశంలో నిల్వ చేయాలి.

పండిన టమాటో 

పండిన టమోటాలను ఫ్రిజ్‌లో ఉంచడం వల్ల అవి వాటి అసలు రుచిని కోల్పోయి మృదువుగా మారుతాయి. ఈ సందర్భంలో వాటిని చల్లని, గాలి ఉన్న ప్రదేశంలో నిల్వ చేయాలి. తద్వారా అవి సహజంగా పండుతాయి.

బ్రెడ్ 

చాలా మంది బ్రెడ్‌ను రిఫ్రిజిరేటర్‌లో ఉంచడం వల్ల అది ఎక్కువసేపు ఉంటుందని అనుకుంటారు. కానీ దీనివల్ల అది ఎండిపోయి త్వరగా చెడిపోతుంది. బ్రెడ్ బాక్స్ లేదా కాటన్ బ్యాగ్‌లో గది ఉష్ణోగ్రత వద్ద నిల్వ చేయాలి. మీరు దానిని ఎక్కువసేపు నిల్వ చేయాలనుకుంటే.. దానిని ఫ్రీజ్ చేసి, అవసరమైనప్పుడు టోస్ట్ చేయాలి.

ఉల్లిపాయ 

రిఫ్రిజిరేటర్‌లోని తేమ ఉల్లిపాయలకు హానికరం. ఇది వాటిని తడిగా, మృదువుగా చేస్తుంది. దీని కారణంగా ఉల్లిపాయలకు బూజు పెరుగుతుంది. అందువల్ల ఎల్లప్పుడూ బాగా వెంటిలేషన్ ఉన్న ప్రదేశంలో ఉల్లిపాయలను నిల్వ చేయాలి. అలాగే బంగాళాదుంపలు త్వరగా చెడిపోతాయి. కాబట్టి ఉల్లిపాయలను బంగాళాదుంపలతో నిల్వ చేయకుండా ఉంచాలి.

కాబట్టి ఈ వస్తువులను రిఫ్రిజిరేటర్‌లో ఉంచుతుంటే.. వాటిని వెంటనే బయటకు తీయడం బెటర్.