Shravan Month: శ్రావణ మాసంలో ఐదు కలలు చాలా శుభప్రదం..శివుని ఆశీర్వాదంతోపాటు...!!

Shravan Month: శ్రావణ మాసం శివ భక్తులకు చాలా ప్రత్యేకమైనదిగా చెబుతారు. ఈ సమయంలో భక్తులు పూజలు, దానధర్మాలు చేయడం ద్వారా శివుని ఆశీస్సులు పొందుతారు. శ్రావణ మాసం 2025 జూలై 11 నుంచి ప్రారంభమవుతుంది. ఈ నెలలో కొన్ని కలలను చూడటం కూడా చాలా శుభప్రదంగా ఉంటాయి. ఈ కలలను శివుని ఆశీర్వాదాలకు చిహ్నంగా భావిస్తారు. ఈ కలల గురించి సమాచారాలను ఈ ఆర్టికల్‌లో కొన్ని విషయాలు తెలుసుకుందాం.

కలలో శివలింగం:

శ్రావణ మాసంలో కలలో శివలింగాన్ని చూసినట్లయితే.. భోలేనాథ్ ఆశీస్సులు మీతో ఉన్నాయని అర్థం. ఈ కల వచ్చిన తర్వాత జీవితంలోని ప్రతి రంగంలో విజయం సాధించవచ్చు. దీనితోపాటు కలలో శివలింగాన్ని చూడటం వల్ల ఆధ్యాత్మిక రంగంలో కూడా పురోగతి లభిస్తుంది. 

కలలో రుద్రాక్ష:

మత విశ్వాసాల ప్రకారం.. రుద్రాక్ష శివుని కన్నీళ్ల నుంచి తయారవుతుంది. అందువల్ల రుద్రాక్షను చాలా పవిత్రంగా భావిస్తారు. శ్రావణ మాసంలో  కలలో రుద్రాక్ష కనిపిస్తే శివుడు వ్యాధులు, లోపాలను తొలగిస్తాడని నమ్ముతారు. కలలో రుద్రాక్షను చూసిన తర్వాత శారీరక, మానసిక వ్యాధులు నయమవుతాయి. దీనితోపాటు జీవితంలో మంచి మార్పులు కూడా వస్తాయి.  

కలలో పాము:

స్వప్న శాస్త్రం ప్రకారం.. శ్రావణ మాసంలో కలలో పామును చూసినట్లయితే.. ఆ కల కూడా శుభానికి సూచిక. ఈ కల అంటే శివుడు మీ పట్ల సంతోషిస్తున్నాడని అర్థం. అలాగే కలలో పామును చూసిన తర్వాత సంపద, శ్రేయస్సును పొందవచ్చు. ఆర్థికంగా బలంగా మారవచ్చు. 

కలలో త్రిశూలం:

శ్రావణలో కలలో త్రిశూలం కనిపిస్తే శత్రువులు నాశనమవుతారని అర్థం. దీనితోపాటు కుటుంబానికి ఆనందం, శ్రేయస్సు వస్తాయి. ఈ కల శివుని కృపకు సూచికగా కూడా చెబుతారు. కలలో త్రిశూలాన్ని చూడటం కూడా మీలో ఉన్న చెడులను అంతం చేయగలదని సూచిస్తుంది. 

కలలో ఎద్దు: 

హిందూ మతంలో ఎద్దును నంది రూపంగా చెబుతారు. శ్రావణ మాసంలో కలలో నందిని చూడటం కూడా చాలా శుభప్రదంగా చెబుతారు. కలలో నందిని చూడటం అంటే కెరీర్ రంగంలో ప్రయోజనాలను పొందుతారు. ఆర్థికంగా కూడా బలంగా ఉంటారు. మీ కృషికి శుభ ఫలితాలు పొందుతారని పండితులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.

ఇది కూడా చదవండి: చర్మంపై ఓపెన్ పోర్స్‌తో ఇబ్బంది ఉందా..? ఈ చిట్కాలు ట్రై చేస్తే సమస్య పరార్

( shravan-masam-2024 | Latest News)

ఇది కూడా చదవండి: తలనొప్పి-నుదురులో తీవ్రమైన వ్యాధికి సంకేతాలు.. ఇవి తెలుసుకోండి