Dragon Fruit: డ్రాగన్ ఫ్రూట్‌తో మొటిమలు మాయం..ఎన్నో లాభాలు

Dragon Fruit Face Pack: మెరిసే చర్మాన్ని పొందడానికి సహజ మార్గాల కోసం చూస్తుంటే చర్మ సంరక్షణ దినచర్యలో డ్రాగన్ ఫ్రూట్‌ని చేర్చుకోవచ్చు. ఇది చర్మానికి చాలా ఉపయోగకరమైన లక్షణాలను కలిగి ఉంటుంది. ఇందులో విటమిన్ సి వంటి యాంటీ ఆక్సిడెంట్లు ఉంటాయి. ఇది మొటిమలను తగ్గించడమే కాదు, ఫైన్ లైన్స్, ముడతలను తగ్గించడంలో సహాయపడుతుంది. హనీ డ్రాగన్ ఫ్రూట్‌ ఫేస్ మాస్క్ తయారు చేసుకుని వాడినా మంచి ఫలితం ఉంటుంది. 

Also Read :  ఏనుగుల దాడిలో టీడీపీ యువనేత మృతి

ఫేస్ ప్యాక్‌:

రెండు చెంచాల డ్రాగన్ ఫ్రూట్ గుజ్జును ఒక చెంచా తేనెతో కలపండి.  ముఖానికి అప్లై చేసి 20 నిమిషాల పాటు అలాగే ఉంచాలి. తర్వాత చల్లటి నీటిలో కడగాలి. డ్రాగన్ ఫ్రూట్ పెరుగు ఫేస్ మాస్క్‌తో కూడా ప్రయోజనం ఉంటుంది. 2 టేబుల్ స్పూన్ల పండ్ల గుజ్జులో ఒక టేబుల్ స్పూన్ పెరుగు వేసి బాగా కలపాలి. దీన్ని ముఖానికి రాసుకోవచ్చు. 15 నుంచి 20 నిమిషాలు వదిలివేయండి. ఆరిన తర్వాత చల్లటి నీటితో కడగాలి డ్రాగన్‌ ఫ్రూట్‌ కలబంద మాస్క్ చేసుకుని ముఖానికి అప్లయ్‌ చేసుకోవచ్చు. 

ఇది కూడా చదవండి: సిగరెట్ తాగే అలవాటు ఉందా..? అయితే ఈ వార్త మీ కోసమే

దీని కోసం డ్రాగన్ ఫ్రూట్ (Dragon Fruit) గుజ్జులో ఒక టీస్పూన్ అలోవెరా జెల్ వేసి బాగా కలపాలి. దీన్ని మీ ముఖానికి అప్లై చేసి 20 నిమిషాల పాటు అలాగే ఉంచాలి. తర్వాత చల్లటి నీటితో కడగాలి. వోట్మీల్ డ్రాగన్‌ ఫ్రూట్ స్క్రబ్‌తో కూడా మచ్చలు పోతాయంటున్నారు నిపుణులు. రెండు చెంచాల పండ్ల గుజ్జులో ఒక చెంచా ఓట్ మీల్ మరియు ఒక చెంచా కొబ్బరి నూనెను కలిపి మృదువుగా మసాజ్ చేయండి. 10 నిమిషాల తర్వాత చల్లటి నీటితో కడగాలి. ఇలా చేయడం వల్ల చర్మం మెరవడంతో పాటు ఆరోగ్యంగా ఉంటుందని నిపుణులు చెబుతున్నారు.

Also Read :  పార్టీ విడిచి ఎవరూ వెళ్లవద్దు.. ప్లీజ్ అంటూ రిక్వెస్ట్ చేసిన శ్రీ రెడ్డి

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: చీమలు కుట్టినప్పుడు ఇలా జరిగితే వెంటనే డాక్టర్‌ దగ్గరికి వెళ్లండి