movies:రజనీ కాళ్ళు మొక్కిన లారెన్స్ రాఘవ

మరో రెండు రోజుల్లో లారెన్స్, కంగనా నటించిన చంద్రముఖి 2 సినిమా విడుదల అవుతోంది. ఈ నేపథ్యంలో ఒరిజినల్ వేంకటపతి రాజుని వేటయ్యాన్ కలిశాడు. అంటే లారెన్స్ , రజినీకాంత్ ని మీట్ అయ్యాడు. ఈ విషయాన్ని లారెన్స్ స్వయంగా సోషల్ మీడియాలో షేర్ చేశాడు. రీసెంట్ గా రజినీకాంత్ జైలర్ మూవీతో బ్లాక్ బస్టర్ హిట్ అందుకున్న విషయం తెలిసిందే. ఈ నేపథ్యంలో ఆయనకు లారెన్స్ శుభాకాంక్షలు తెలియజేశాడు. దాంతో పాటూ తన చంద్రముఖి మూవీ విడుదలకు రెడీ అవ్వడంతో రజినీకాంత్ దగ్గర ఆశీస్సులు తీసుకున్నానని చెప్పాడు.

ప్రస్తుతం ఈ ఫోటోలు నెట్టింట వైరల్ గా మారాయి. ఇక చంద్రముఖి 2 రిలీజ్ దగ్గర పడడంతో మూవీ టీమ్ ప్రమోషన్స్ మొదలుపెట్టింది. కంగరనౌత్, లారెన్స్ హైదరాబాద్ వచ్చి, పలు ఇంటర్వ్యూల్లో పాల్గొన్నారు. ఈ సీక్వెన్స్ మూవీలో అప్పుడు, రజినీకాంత్ నటించిన పాత్రలో ఇప్పుడు లారెన్స్ నటిస్తున్నారు. అప్పుడు చంద్రముఖిగా జ్యోతిక భయపెట్టింది. ఇప్పుడు, బాలీవుడ్ క్వీన్ కంగనా రనౌత్ భయపెట్టడానికి రెడీ అయ్యింది.

నిజానికి ఈ సినిమా వినాయక చవితి సందర్భంగా విడుదల కావాల్సింది. కానీ, మేకర్స్ మూవీ విడుదలను వాయిదా వేశారు. ఇప్పుడు, ఈ సినిమాను సెప్టెంబర్ 28వ తేదీన ప్రేక్షకుల ముందుకు తీసుకు వస్తున్నారు. శ్రీ లక్ష్మీ మూవీస్ సంస్థ ఈ సినిమాను తెలుగులో ప్రేక్షకుల ముందుకు తీసుకువస్తున్నారు. చంద్రముఖి 2 కి పి. వాసు దర్శకత్వం వహిస్తున్నారు. హార్రర్‌ కామెడీ నేపథ్యంలో ఈ సినిమా తెరకెక్కుతోంది. దీనికి ఎమ్‌.ఎమ్ కీర‌వాణి సంగీతం అందిస్తున్నారు. చంద్రముఖి 2 తెలుగు, తమిళ, హిందీ, మలయాళ, కన్నడ భాషల్లో విడుదల చేయనున్నారు.

Hi friends and fans,
Today I met my Thalaivar and Guru @rajinikanth to wish him for jailer’s blockbuster success and got blessings for #Chandramukhi2 release on September 28th. I’m so happy. Thalaivar is always great. Guruve Saranam 🙏🏼🙏🏼 pic.twitter.com/kXB00aiImw

— Raghava Lawrence (@offl_Lawrence) September 26, 2023

ఇవి కూడా చదవండి:అమెరికా వీధుల్లో మెగా అమ్మాయి గ్లామర్ షో

నాల్గవవారం నామినేషన్స్ లో రచ్చ…శివాజీ ఓవర్ యాక్షన్