High Paying Jobs: ఫ్రెషర్లకు బెస్ట్ ఆప్షన్స్.. ఈ 5 ఉద్యోగాలకు లక్షల్లో జీతం.. అనుభవం అవసరమే లేదు!

ఇప్పుడు యువత ఆలోచనలు మారిపోయాయి. కాలేజీ నంచి డిగ్రీ పట్టా అందుకున్న వెంటనే ఉద్యోగం చేయాలని అనేక మంది భావిస్తున్నారు. అయితే ఈ రోజుల్లో ఫ్రెషర్లకు వాళ్ల టాలెంట్ ఆధారంగా మంచి జీతంతో కూడిన ఉద్యోగావకాశాలు ఉన్నాయి. మీరు కూడా ఫ్రెషర్ గా ఉద్యోగం కోసం ప్రయత్నిస్తుంటే ఈ 5 ఉద్యోగాలపై లో లుక్కేయండి. 

1. (Software Development Engineer – SDE) (SDE): 

సాఫ్ట్ వేర్ డవలప్మెంట్ ఇంజనీర్ ఎవర్ గ్రీన్ ఉద్యోగం అని చెప్పాలి. మీకు మంచి కోడింగ్ నైపుణ్యం ఉండి, ఈ ఉద్యోగంతో కెరీర్ ప్రారంభిస్తే భవిష్యత్ బాగుంటుంది. 
జీతం: ఈ ఉద్యోగంతో కెరీర్ ప్రారంభించిన వారికి ఏడాదికి రూ. 5 లక్షల నుండి రూ. 15 లక్షల వరకు జీతం ఉంటుంది. మంచి కోడింగ్ నైపుణ్యాలు కలిగిన IIT/NIT/టాప్ కాలేజీల స్టూడెంట్స్ కు రూ. 25 లక్షలకు పైగా ప్రారంభ జీతం లభించిన సందర్భాలు కూడా ఉన్నాయి.
కావాల్సిన స్కిల్స్: JAVA, Python, C++, data structures తదితర ప్రోగామింగ్ లాంగ్వేజీలపై మంచి పట్టు ఉండాలి..

2. డేటా అనలిస్ట్ / జూనియర్ డేటా సైంటిస్ట్ (Data Analyst / Jr. Data Scientist):

వ్యాపార సమస్యలకు పరిష్కారాలను కనుగొనడంతో పాటు, భవిష్యత్తు ధోరణులను అంచనా వేయడానికి పెద్ద మొత్తంలో డేటాను విశ్లేషించడం ఈ ఉద్యోగంలో చేరిన వారి విధి. ఈ విభాగంలో ఎంపికైన వారికి ఏడాదికి రూ.4 లక్షల నుండి రూ.10 లక్షల వరకు వేతనం ఉంటుంది.
కావాల్సిన స్కిల్స్:  python r programming, SQL, DBMS, Cognos, Data Mining తదితర టెక్నాలజీలపై పట్టు ఉండాలి.

3. క్లౌడ్ ఆర్కిటెక్చర్ సపోర్ట్ / డెవ్‌ఆప్స్ ఇంజనీర్ (Cloud Support / DevOps)

క్లౌడ్ కంప్యూటింగ్ ప్లాట్‌ఫామ్‌లలో (AWS, Azure, GCP) అప్లికేషన్‌లు నిర్వహించాల్సి ఉంటుంది. ఈ విభాగంలో ఎంపికైన వారికి ఏడాదికి రూ.6 లక్షల నుండి రూ.12 లక్షల వరకు వేతనం ఉంటుంది. 

కావాల్సిన స్కిల్స్: Linux, నెట్‌వర్కింగ్, క్లౌడ్ ప్లాట్‌ఫామ్ సర్టిఫికేషన్‌ కోర్సులు చేసిన వారికి అవకాశం ఉంటుంది. 

4. ఇన్వెస్ట్‌మెంట్ బ్యాంకింగ్ విశ్లేషకుడు / ఈక్విటీ పరిశోధన (Investment Banking / Equity Research):

స్టాక్ మార్కెట్ ధోరణులు, పెట్టుబడులు, లాభాలుపై లోతైన విశ్లేషణ చేసే సామర్థ్యం ఉండాలి. ఈ విభాగంలో ఎంపికైన వారికి ఏడాదికి రూ.8 లక్షల నుండి రూ.18 లక్షల వరకు వేతనం ఉంటుంది.
కావాల్సిన స్కిల్స్: అకౌంటింగ్ పరిజ్ఞానం, Microsoft Excel నైపుణ్యం, ఎక్కువ గంటలు పని చేయగల సామర్థ్యం ఉండాలి

5. డిజిటల్ మార్కెటింగ్ స్పెషలిస్ట్ (Digital Marketing Specialist):

SEO, SEM, సోషల్ మీడియా మార్కెటింగ్, కంటెంట్ స్ట్రాటజీ ద్వారా ఆన్‌లైన్‌లో బ్రాండ్ ను ప్రమోట్ చేయడంతో పాటు ఆదాయాన్ని పెంచడం ఈ విభాగంలో ఉద్యోగంలో చేరిన వారు చేయాల్సి ఉంటుంది. ఈ ఉద్యోగంలో చేరితే సంవత్సరానికి రూ.3 లక్షల నుండి రూ.7 లక్షల వరకు వేతనం ఉంటుంది. బోనస్ లు కూడా ఈ ఉద్యోగంలో ఎక్కువగా ఉంటాయి. 
కావాల్సిన స్కిల్స్: Google Analytics, SEO టూల్స్, కంటెంట్ డెవలపై చేయడం, మంచి కమ్యూనికేషన్ స్కిల్స్ ఉండాలి.