Credit Officer Posts: డిగ్రీ చేసిన వారికి గుడ్ న్యూస్.. నెలకు రూ.85,920 జీతం సంపాదించే ఛాన్స్..!

ముంబయిలోని సెంట్రల్ బ్యాంక్ ఆఫ్ ఇండియా(CBI).. డిగ్రీ చేసిన వారికి అదిరిపోయే శుభవార్త చెప్పింది. రెగ్యులర్ ప్రాతిపదికన క్రెడిట్ ఆఫీసర్ పోస్టుల భర్తీకి నోటిఫికేషన్ రిలీజ్ చేసింది. ఈ నోటిఫికేషన్ ద్వారా దాదాపు 1000 పోస్టులను భర్తీ చేయనుంది. సరైన అర్హతలు, ఆసక్తి గల అభ్యర్థులు ఈ పోస్టులకు ఫిబ్రవరి 20 వరకు దరఖాస్తులు చేసుకోవచ్చు. పూర్తి వివరాల్లోకి వెళితే.. 

మొత్తం ఖాళీల సంఖ్య: 1000  

క్రెడిట్‌ ఆఫీసర్‌- మెయిన్ స్ట్రీమ్ (జనరల్ బ్యాంకింగ్) పోస్టులు

కేటగిరీల వారీగా ఖాళీలు

ఎస్సీ- 150 పోస్టులు
ఎస్టీ- 75 పోస్టులు
ఓబీసీ- 270 పోస్టులు
ఈడబ్ల్యూఎస్‌- 100 పోస్టులు
జనరల్- 405 పోస్టులు.

అసిస్టెంట్ మేనేజ్‌మెంట్‌ గ్రేడ్‌/ స్కేల్‌-1 (JMGS 1)

Also Read: Karthikeya 3: 'కార్తికేయ-3' పై ఇంట్రెస్టింగ్ అప్‌డేట్ ఇచ్చిన డైరెక్టర్ చందూ మొండేటి..!

విద్యార్హత: ఆసక్తిగల అభ్యర్థులు గుర్తింపు పొందిన యూనివర్సిటీ/ ఇన్‌స్టిట్యూట్‌ నుంచి 60 శాతం మార్కులతో ఏదైనా విభాగంలో డిగ్రీ ఉత్తీర్ణత కలిగి ఉండాలి. (SC/ ST/ OBC/PWBD 55 శాతం) ఉత్తీర్ణత లేదా తత్సమానం అర్హత కలిగి ఉండాలి.

వయోపరిమితి: అభ్యర్థుల వయస్సు 20 నుంచి 30 సంవత్సరాల మధ్య ఉండాలి.

పరీక్ష కేంద్రాలు: ఆంధ్రప్రదేశ్‌లో విజయవాడ/ గుంటూరు, విశాఖపట్నం. అలాగే తెలంగాణలో హైదరాబాద్, వరంగల్‌లో పరీక్ష కేంద్రాలు ఏర్పాటు చేశారు.

పే స్కేల్: నెలకు రూ.48,480 నుంచి రూ.85,920 వరకు ఇస్తారు.

దరఖాస్తు ప్రక్రియ ప్రారంభం: 30.01.2025

దరఖాస్తుకు చివరి తేదీ: 20.02.2025.