Iran : ఇరాన్‌కు మంత్రి జైశంకర్‌ కాల్..17మంది భారతీయ సిబ్బందితో మాట్లాడ్డానికి అనుమతి..

Jai Shankar : ఇజ్రాయెల్‌ – ఇరాన్‌(Israel-Iran) ల మధ్య ఉద్రిక్తతలు తారాస్థాయికి చేరాయి. తాజాగా హార్మూజ్ జలసంధిలో పోర్చగీసు జెండాలతో, ఇజ్రాయెల్‌తో సంబంధం ఉన్న ఓ వాణిజ్య నౌకను ఇరాన్‌ కమాండోలు స్వాధీనం చేసుకున్నారు. అయితే ఈ నౌకలో 25 మంది ఉండగా.. అందులో 17 మంది భారతీయులే(Indians) కావడం ఆందోళన కలిగిస్తోంది. ఈ క్రమంలోనే వారిని విడుదల చేసేందుకు.. భారత్ ఇరాన్ అధికారులతో సంప్రదింపులు జరుపుతున్నట్లు తెలుస్తోంది. మరోవైపు ఈ ఘటనపై ఇజ్రాయెల్ కూడా స్పందించింది. వివాదాన్ని తీవ్రతరం చేయడం వల్ల ఇరాన్‌ తీవ్ర పరిమాణాలు ఎదుర్కోవాల్సి వస్తుందని హెచ్చరించింది. హెలికాప్టర్ సాయంతో నౌకను వెంబడించి.. ప్రత్యేక బలగాలు ఆ వాణిజ్య నౌకను నియంత్రణలోకి తీసుకన్నట్లు టెహ్రాన్ మీడియా పేర్కొంది. ప్రస్తుతం ఆ నౌకను ఇరాన్‌ ప్రాదెశిక జలాల వైపు మళ్లించినట్లు తెలుస్తోంది. అయితే ఈ నౌక ఇజ్రెయ్‌ కుబేరుడైన ఇయాల్‌ ఓఫర్‌ జోడియస్‌గా సంస్థకు చెందిన ఎంఎస్‌సీ ఏరిస్‌(MSC Aries) గా భావిస్తున్నారు.

వాళ్ళతో మాట్లాడొచ్చు...

అయితే ఇప్పుడు ఈ విషయంలో కొంత ఊరట లబించింది. మన దేశ అధికారులు ఓడలో ఉన్న బారతీయులను కలిసేందుకు అనుమతినిచ్చింది ఇరాన్. ఈ విషయాన్ని ఆదేశ విదేశాంగ మంత్రిత్వే శాఖే స్వయంగా వెల్లడించింది. అంతుకు ముందు భారత విదేశాంగ శాఖ మంత్రి జైశంకర్ ఇరాన్ మంత్రి హొస్సేన్‌ అమీర్‌ అబ్దుల్లాహియాన్‌తో మాట్లాడారు. భారతీయ సిబ్బందిని విడుదల చేయాలని కోరారు. దాంతో పాటూ ఇరాన్- ఇజ్రాయెల్ మధ్య పెరుగుతున్న ఉద్రిక్తతను నివారించాలని.. సంయమనం పాటించాలని..కూర్చుని చర్చించుకోవాలని నూచించారు జైశంకర్(Jai Shankar).

Also Read : Salman Khan: నెల రోజుల నుంచీ అమెరికాలో కుట్ర..సల్మాన్ ఇంటి బయట కాల్పులకు ప్లాన్ ఇలా..