/rtv/media/member_avatars/2025/05/15/2025-05-15t074849207z-whatsapp-image-2025-05-15-at-11837-pm.jpeg )
/rtv/media/media_files/2025/04/26/nhxjCoGalsjPgkwdxtjc.jpg)
us student visa restoration
Follow Us
US Student Visa: అమెరికాలో ఉన్నత విద్య కోసం వెళ్లిన విదేశీ విద్యార్థులకు ఒక శుభవార్త. ఇటీవల వీసాలు రద్దైన సంగతి అందరికి తెలిసిందే, అయితే దేశబహిష్కరణ ముప్పు ఎదుర్కొన్న దాదాపు 1200 మందికి పైగా విద్యార్థులకు వారి చట్టబద్ధ హోదాను మళ్లీ కల్పిస్తూ అమెరికా ప్రభుత్వం నిర్ణయం తీసుకుంది. అధ్యక్షుడు డొనాల్డ్ ట్రంప్(Donald Trump) నేతృత్వంలోని ప్రభుత్వం తీసుకున్న పూర్వపు కఠిన నిర్ణయం పై ఇప్పుడు వెనక్కి తగ్గింది.
Also Read: BIG BREAKING: ఉగ్రదాడిపై అంతర్జాతీయ విచారణ.. పాక్ సంచలన డిమాండ్!
ఇప్పటి వరకు అక్రమ వలసదారులపై గట్టి చర్యలు తీసుకుంటూ వచ్చిన ట్రంప్ సర్కారు, విదేశీ విద్యార్థుల విషయంలో కూడా అదే రకమైన వైఖరిని చూపింది. వివిధ కారణాలతో 187 కాలేజీలకు చెందిన 1200 మందికి పైగా విద్యార్థుల వీసాలు, లీగల్ స్టేటస్‌ను రద్దు చేసింది. దీనివల్ల అనేక మంది విద్యార్థులు తీవ్ర మనోవేదనకు గురయ్యారు. కొంతమంది ఇప్పటికే అమెరికాను వదిలి వెళ్లిపోయారు, మరికొంత మంది గుట్టుచప్పుడు కాకుండా ఉన్నారు. ఇంకొంత మంది అక్కడ చదువుకోలేని పరిస్థితిలో ఉండిపోయారు.
Also Read: BIG BREAKING: కశ్మీర్ సమస్యపై స్పందించిన ట్రంప్
విద్యార్థుల వీసాలు(US Student Visa) రద్దు చేయకూడదు..
ఈ పరిణామాల మధ్య, బాధిత విద్యార్థులు న్యాయ పోరాటం చేసి కాలిఫోర్నియా, బోస్టన్ కోర్టుల్లో పిటిషన్లు దాఖలు చేశారు. ఈ పిటిషన్లపై విచారణ చేసిన కోర్టులు అమెరికా ప్రభుత్వాన్ని విద్యార్థుల వీసాలు రద్దు చేయకూడదు అంటూ ఆదేశించాయి. దీని ప్రకారం, యూఎస్ ఇమిగ్రేషన్ అండ్ కస్టమ్స్ ఎన్‌ఫోర్స్‌మెంట్ (ICE) తాత్కాలికంగా విద్యార్థుల లీగల్ స్టేటస్‌ను పునరుద్ధరించింది.
Also Read: BIG BREAKING: పాక్ కి భారీ షాక్‌..10 మంది సైనికులు హతం!
ఇక సాధారణంగా ఎవరైనా విద్యార్థి వీసా కోల్పోతే, వారి వివరాలు SEVIS (Student and Exchange Visitor Information System) డేటాబేస్ నుండి తొలిగిస్తారు. అయితే తాజాగా జరిగిన పరిణామాల నేపథ్యంలో, ముందు తొలగించిన రికార్డులను తిరిగి యాక్టివేట్ చేస్తున్నట్లు అమెరికా ప్రభుత్వ న్యాయవాదులు వెల్లడించారు.
ఈ విద్యార్థులలో కొంతమంది భారతీయులు కూడా ఉన్నట్లు తెలుస్తోంది. చాలా చిన్నచిన్న కారణాలు, ఉదాహరణకు ట్రాఫిక్ ఉల్లంఘనలు లాంటి వాటికే వీసాలు రద్దయినట్లు అమెరికన్ ఇమిగ్రేషన్ లాయర్స్ అసోసియేషన్ పేర్కొంది. తాజా నిర్ణయం ద్వారా వారికి కొంత ఉపశమనం లభించినట్లైంది.
Also Read: Jammu Kashmir: కశ్మీర్ పండిట్లు,రైల్వే ఆస్తులే లక్ష్యంగా దాడులు?
అయితే, ఇలాంటివి మళ్లీ జరగకుండా ఉండేందుకు విద్యార్థులు తమ హోదా పట్ల అప్రమత్తంగా ఉండాలని, ప్రభుత్వ నిర్ణయాలను గమనిస్తూ ముందుగానే తగిన జాగ్రత్తలు తీసుకోవాలని అక్కడి ప్రభుత్వ న్యాయవాదులు తెలుపుతున్నారు.
