Ukraine using robots in war: బిగ్ ట్విస్ట్.. ప్రపంచంలోనే మొదటిసారి యుద్ధరంగంలోకి రోబోలు

రష్యా-ఉక్రెయిన్ యుద్ధంలో రోబోటిక్ టెక్నాలజీ వినియోగం కీలక మలుపు తీసుకుంటోంది. తాజాగా, ప్రపంచంలోనే మొట్టమొదటిసారి పూర్తిస్థాయి మానవరహిత సైనిక ఆపరేషన్‌లో విజయం సాధించినట్లు ఉక్రెయిన్ సాయుధ దళాలు ప్రకటించాయి. యుద్ధ రంగంలో రోబోలు, డ్రోన్ల ద్వారా రష్యా బలగాలను నిర్బంధించినట్లు ఉక్రెయిన్ బలగాలు వెల్లడించాయి.

The video shows Ukraine's Defense Intelligence (HUR) ground robot "Liut" destroying Russian occupiers with a machine gun on the frontline in Sumy region, along with an intercepted Russian radio transmission reacting to the encounter with the robot.

Armed with a machine gun, the… pic.twitter.com/QSMTgMTDnR

— Anton Gerashchenko (@Gerashchenko_en) July 14, 2025

రోబోలకు బందీలుగా రష్యన్ సైనికులు?

ఈ ఆపరేషన్‌లో రష్యన్ సైనికులను రోబోలు బందీలుగా పట్టుకున్నాయని, వారిని డ్రోన్ల పర్యవేక్షణలో ఉక్రెయిన్ భూభాగంలోకి తరలించారని ఉక్రెయిన్ పేర్కొంది. అప్రత్యక్ష యుద్ధంలో సైనికులకు బదులుగా రోబోలను రంగంలోకి దించడం ఇదే మొదటిసారి అని ఉక్రెయిన్ చెబుతోంది. రష్యాతో యుద్ధంలో ఉక్రెయిన్ తన డ్రోన్, రోబోటిక్స్ కార్యక్రమాన్ని వేగంగా విస్తరించిందనడానికి ఈ తాజా పరిణామమే సాక్ష్యం.

డ్రోన్ల వినియోగం ఉధృతం

ఈ యుద్ధంలో ఇరు దేశాలు డ్రోన్లను భారీగా ఉపయోగిస్తున్నాయి. ఉక్రెయిన్ తరచుగా రష్యాలోని వైమానిక స్థావరాలపై డ్రోన్లతో దాడి చేస్తూ, రష్యా బాంబర్ విమానాలను ధ్వంసం చేస్తోంది. మరోవైపు, రష్యా కూడా ఉక్రెయిన్ వైమానిక స్థావరాలు, సైనిక సదుపాయాలపై దీర్ఘశ్రేణి ఆయుధాలతో పాటు రోజుకు వందల సంఖ్యలో డ్రోన్లను ప్రయోగిస్తోంది. ఇటీవల కీవ్ నగరంలో ఉన్న ఆయుధ పరిశ్రమలపై రష్యా భారీ స్థాయిలో వైమానిక దాడులకు పాల్పడింది, ఇందులో 600కి పైగా డ్రోన్లు, క్షిపణులను ఉపయోగించినట్లు రష్యా రక్షణ శాఖ ప్రకటించింది.

రోబో డాగ్స్ కూడా రంగంలోకి

సైనికుల ప్రాణనష్టం తగ్గించేందుకు ఉక్రెయిన్ 'బ్యాడ్' రోబో డాగ్స్ (రక్షణ, నిఘా కార్యక్రమాలలో సహాయపడే రోబోటిక్ కుక్కలు)ను కూడా యుద్ధంలో మోహరించనుంది. వీటిని త్వరలోనే ముందు వరుసలో రంగంలోకి దించనున్నట్లు సమాచారం.

Europe just ran its first war game with drones and robots—Ukraine helped design it.

At a test site near Rome, EU armies tested drone-to-robot resupply missions, using frontline scenarios developed with Ukrainian experts

Ukraine’s use of drones and robots in live combat is… pic.twitter.com/6OWpURwOXL

— Mike Alderson FRSA (@OpenEyeComms) July 7, 2025

మొత్తంగా, రష్యా-ఉక్రెయిన్ యుద్ధం కేవలం సంప్రదాయ ఆయుధాలకే పరిమితం కాకుండా, ఆధునిక రోబోటిక్స్ మరియు డ్రోన్ టెక్నాలజీల వినియోగానికి ఒక ప్రయోగశాలగా మారుతోంది. ఇది భవిష్యత్ యుద్ధాల స్వరూపాన్ని మార్చే అవకాశం ఉందని సైనిక నిపుణులు అంచనా వేస్తున్నారు.