Japan: జపాన్ ప్రభుత్వం మరో సంచలన నిర్ణయం తీసుకుంది. ఉద్యోగులకు వారానికి నాలుగు రోజులు మాత్రమే పని ఉండేలా చర్యలు తీసుకోబోతున్నట్లు తెలుస్తుంది. అయితే జపాన్ వాసులు పని బిజీలో పడి.. పెళ్లి, భార్య, పిల్లలు, కుటుంబం సహా బంధాలకు దూరంగా ఉంటున్నారు.దీంతో గత కొన్నేళ్లుగా అక్కడ జననాల రేటు దారుణంగా పడిపోయింది. పరిస్థితి ఇలాగే కొనసాగితే.. వృద్ధుల జనాభా పెరిగిపోయి.. యువ జనాభా తగ్గిపోతుందని ఎన్నో నివేదికలు బయటకొచ్చిన వేళ.. జపాన్ ప్రభుత్వం చర్యలు ప్రారంభించింది. Also Read: Hyderabad: న్యూ ఇయర్ వేడుకలకు పోలీసులు ఆంక్షలు..ఉల్లంఘిస్తే ఇక అంతే! ఈ క్రమంలోనే ఉద్యోగులు వారానికి 4 రోజులు మాత్రమే పని చేసి.. మిగిలిన 3 రోజులు కుటుంబంతో గడపాలని తెలిపింది. రోజురోజుకు సంతానోత్పత్తి రేటు తగ్గిపోతుండటం ఆ దేశంలో తీవ్ర ఆందోళన కలిగిస్తున్న వేళ.. జపాన్ ప్రభుత్వం ముందే మేల్కొని చర్యలు మొదలు పెట్టింది. అయితే వృత్తిపరమైన ఒత్తిడి కారణంగానే పెళ్లి, పిల్లలపై జపాన్ వాసులు ఆసక్తి చూపడం లేదనే వార్తలు వస్తున్నాయి. దీంతో అక్కడి ప్రభుత్వం చర్యలకు ఉపక్రమించింది. Also Read: TS: నలుగురు కలెక్టర్లకు తెలంగాణ హైకోర్టు నోటీసులు దేశంలో తగ్గిపోతున్న జననాల రేటుకు అడ్డుకట్ట వేసి.. సంతానోత్పత్తిని పెంచేందుకు జపాన్ కీలక చర్యలు తీసుకుంటుంది. ఇందులో భాగంగానే ఉద్యోగులకు వారానికి 4 రోజుల పని విధానాన్ని ప్రవేశపెట్టాలని అనుకుంటుంది. వచ్చే ఏడాది ఏప్రిల్లో జపాన్ రాజధాని టోక్యోలో ఈ విధానాన్ని తీసుకురావాలని అనుకుంటుంది. దీని వల్ల ఉద్యోగులపై పని ఒత్తిడి తగ్గించడంతో పాటు తగ్గుతున్న జననాల రేటుకు పరిష్కారం చూపినట్లు అవుతుందని జపాన్ ప్రభుత్వం అనుకుంటుంది. Also Read: కేరళలో ఘోర ప్రమాదం.. నలుగురు విద్యార్థులు మృతి మరోవైపు యువతకు పెళ్లిళ్లు చేయడానికి, వారి కుటుంబాలను ఏర్పరిచేందుకు కూడా జపాన్ సర్కార్ ప్రయత్నాలు మొదలు పెట్టింది.ఇక జపాన్లో సంతానోత్పత్తి రేటు 1.2 కి తగ్గడంతో గత సంవత్సరం ఆ దేశంలో 7.27 లక్షల మంది పిల్లలు మాత్రమే జన్మించినట్లు జపాన్ ఆరోగ్య, కార్మిక, సంక్షేమ మంత్రిత్వ శాఖ గణాంకాలు విడుదల చేసింది. జనాభా స్థిరంగా కొనసాగాలంటే సంతానోత్పత్తి రేటు 2.1 ఉండాల్సిన అవసరం ఉందని గుర్తు చేసింది. Also Read: NIA: ఆంధ్రప్రదేశ్, ఛత్తీస్గఢ్, ఒడిశాలో ఎన్ఐఏ సోదాలు భవిష్యత్లో కూడా సంతానోత్పత్తి రేటు ఇలాగే క్షీణిస్తే 2008లో ఉన్న 12.8 కోట్ల జనాభా కాస్తా.. 2060 నాటికి 8.67 కోట్లకు తగ్గిపోతుందని జపాన్ ప్రభుత్వం అంచనా వేస్తుంది. జపాన్ మాత్రమే కాకుండా చైనా, దక్షిణ కొరియా దేశాలు ప్రస్తుతం తక్కువ సంతానోత్పత్తి సమస్యలతో తీవ్ర సమస్యలు ఎదుర్కొంటున్నాయి. ఈ దేశాల్లోని ప్రజలు పనిలో పడి.. పెళ్లిళ్లు చేసుకోవడం, పిల్లల్ని కనడంపై పెద్దగా ఆసక్తి చూపించడం లేదు. దీంతో ఇటీవలి కాలంలో జననాల రేటు మరీ తక్కువగా నమోదవుతుండటం ఆ దేశాలను తీవ్ర ఆందోళనకు గురయ్యేలా చేస్తుంది. ఇక జపాన్లో సంతానోత్పత్తి రేటు చాలా ఏళ్ల తర్వాత ఈ ఏడాది జూన్ నెలలో రికార్డు స్థాయిలో తగ్గిపోవడంతో ప్రమాద ఘంటికలు మోగుతున్నాయి. ఈ క్రమంలోనే కరోషి కారణంగానే జపాన్లో తక్కువ జననాలు నమోదవుతున్నాయని అక్కడి ప్రభుత్వం చెబుతోంది. కరోషి అంటే వృత్తిపరమైన ఒత్తిడి, వైకల్యం లేదా పని కారణంగా ప్రాణాలు కోల్పోవడం అని జపనీస్ లాంగ్వేజ్ లో అర్థం.