Spy Drone: లాహోర్‌లో పేలుళ్లు..  భారత గూఢచారి డ్రోన్ను కూల్చివేసిన పాక్ !

పహల్గాం ఉగ్రదాడి, ఆపరేషన్ సిందూర్ తరువాత ఇండియా, పాక్‌ మధ్య ఉద్రిక్త పరిస్థితులు కొనసాగుతున్నాయి.  తాజాగా గురువారం ఉదయం లాహోర్‌లోని వాల్టన్ రోడ్డులో వరుస పెద్ద పేలుళ్లు వినిపించాయి.  వాల్టన్ విమానాశ్రయం సమీపంలో భారతీయ డ్రోన్‌ను కూల్చివేసినట్లు పోలీసు వర్గాలు తెలిపాయి. 5 నుండి 6 అడుగుల పొడవున్న ఈ డ్రోన్‌ను సరిహద్దు అవతల నుండి నడుపుతున్నట్లు వారు తెలిపారు. వాల్టన్ విమానాశ్రయం సమీపంలోని పేలుళ్లు సంభివించడంతో వెంటనే ప్రజలు భయంతో ఇళ్ల నుంచి బయటకు పరుగులు తీశారు. 

Also Read :  కుప్పకూలిన హెలికాప్టర్‌.. ఐదుగురు స్పాట్ డెడ్

Indian drone shot down near Old Airport Walton Road Lahore.

Police sources say it was 5–6 feet long, operated from across the border & meant to spy on sensitive sites.

The #drone was jammed & brought down. pic.twitter.com/29Y4YYYFQC

— Faraz Pervaiz (@FarazPervaiz3) May 8, 2025

Also Read :  ‘35 ఏళ్లు అయింది..ఆ ఉంగరం, చేప ఎక్కడ ? రామ్ చరణ్, చిరంజీవి వీడియో వైరల్ !

సున్నితమైన ప్రదేశాలపై నిఘా

సున్నితమైన ప్రదేశాలపై నిఘా పెట్టడానికి భారత ఈ డ్రోన్‌ను ఎగురవేసినట్లుగా పాక్  మీడియా తెలిపింది.  పేలుడు పదార్థాలను మోసుకెళ్లే ఈ డ్రోన్ భవనానికి చాలా దగ్గరగా చేరుకుందని తెలిపాయి. మరోవైపు , లాహోర్, సియాల్‌కోట్‌లోని అనేక కీలక విమాన మార్గాలను తాత్కాలికంగా మూసివేశారు. ప్రాంతీయ ఉద్రిక్తతల కారణంగా ఈ వాణిజ్య విమానాల రాకపోకలు నిలిచిపోయాయి. గురువారం ఉదయం ప్రారంభమైన ఈ మూసివేతలు ఈరోజు మధ్యాహ్నం 12 గంటల వరకు అమలులో ఉంటాయి. 

కాగా పహల్గాం ఉగ్రదాడి తరువాత పాక్ తో  సంబంధాలు తెంచుకున్న భారత్... ఉగ్రవాదుల స్థావరాలను లక్ష్యంగా చేసుకుని భారత సాయుధ దళాలు బుధవారం తెల్లవారుజామున ఆపరేషన్ సిందూర్‌ను ప్రారంభించాయి. ఈ ఆపరేషన్ తెల్లవారుజామున 1:05 నుండి 1:30 గంటల మధ్య పాకిస్తాన్‌లోని తొమ్మిది నిర్దిష్ట ప్రదేశాలపై దాడిచేశాయి. ఈ దాడిలో దాదాపుగా 90 మందికి పైగా ఉగ్రవాదులు హతమయ్యారు.

Also read :  Pakistan : పరువు పోయిందిగా.. అంతర్జాతీయ మీడియా ముందు పాక్ నవ్వుల పాలు

Also Read :  LOC వెంబడి కాల్పులు జరిపిన పాక్‌ ఆర్మీ.. తిప్పికొట్టిన భారత్!

telugu-news | Walton Airport | Indian spy drone | Explosions