Netflix boycott Elon Musk : నెట్‌ఫ్లిక్స్‌ను బాయ్‌కాట్ చేయాలన్న ఎలాన్ మస్క్..మార్కెట్ విలువ పతనం

Netflix boycott Elon Musk : నెట్‌ఫ్లిక్స్‌ను బాయ్‌కాట్ చేయాలన్న ఎలాన్ మస్క్ పిలుపుతో ఆ సంస్థపై భారీ ప్రభావం పడింది. నెట్‌ఫ్లిక్స్ మార్కెట్ విలువ ఏకంగా 15 బిలియన్ డాలర్ల మేరకు తగ్గింది. కేవలం రోజున్నర వ్యవధిలో కంపెనీ షేర్ల ధర 4.3 శాతం మేర పడిపోయింది. ఏప్రిల్ తరువాత ఈ స్థాయిలో షేరు ధర పడిపోవడం ఇదే తొలిసారి కావడం గమనార్హం. అయితే పిల్లల భద్రత కోసం నెట్‌ఫ్లిక్స్‌ను బాయ్‌కాట్ చేయాలని మస్క్ పిలుపునిచ్చిన విషయం తెలిసిందే. నెట్‌ఫ్లిక్స్‌లో డెడ్ ఎండ్ పారానార్మల్ పార్క్ అనే షోపై ఆయన ఆగ్రహంతో ఈ నిర్ణయం తీసుకున్నారు. ఈ  షోలో ఓ టీనేజర్‌ను ట్రాన్స్‌జెండర్‌గా చూపించడంపై మస్క్ తీవ్ర అభ్యంతరం వ్యక్తం చేశారు. తాను ఇప్పటికే తన సబ్‌స్క్రిప్షన్‌ను రద్దు చేసుకున్నట్టు ఆయన స్పష్టం చేశారు. పిల్లలను తప్పుదోవ పట్టించేదిగా ఉన్న ఈ షో విషయంలో నెట్‌ఫ్లిక్స్‌‌ను బాయ్‌కాట్ చేయాలని ఆయన పిలుపునిచ్చారు. దీంతో, నెట్టింట క్యాన్సిల్ నెట్‌‌ఫ్లిక్స్ ట్రెండ్ మొదలైంది. జనాలు తమ సబ్‌స్క్రిప్షన్‌ను రద్దు చేసుకున్నామంటూ స్క్రీన్ షాట్స్‌ను పోస్టు చేస్తున్నారు. దీంతో, స్వల్ప వ్యవధిలోనే సంస్థ షేరు విలువ ఏకంగా 2 శాతం మేర పతనమైనట్లు తెలుస్తోంది.

BREAKING 🚨 After Elon Musk told his 226 million followers he’s CANCELLING Netflix, the trend has gone VIRAL of people posting their cancelation

IT’S TIME TO CANCEL AND BOYCOTT NETFLIX pic.twitter.com/qfYcjSO0GI

— MAGA Voice (@MAGAVoice) September 30, 2025

 
నిజానికి ఈ షో 2023లోనే నిలిచిపోయింది. అయితే, అందులోని కొన్ని క్లిప్స్ మాత్రం ఇటీవల మళ్లీ వైరల్ అయ్యాయి. ఇలాంటి షోలకు ట్రాన్స్‌జెండర్ వోక్ ఎంజెడానే కారణమని జనాలు దుమ్మెత్తి పోస్తున్నారు.మస్క్‌ కూడా ఈ పోస్టులకు ప్రాధాన్యం ఇచ్చారు. మరోవైపు, ఈ షో రూపకర్త హామిష్ స్టీల్‌పై జనాలు సీరియస్ అవుతున్నారు. ఇటీవల హత్యకు గురైన చార్లీ కర్క్‌ ఓ నాజీ అంటూ ఆయన పేర్కొనడంపై జనాలు తీవ్రంగా మండిపడ్డారు. ట్రాన్స్‌జెండర్ అయిన హామిష్ తమ వామపక్ష, వోక్ ఎజెండాను ముందుకు తోస్తున్నారని అగ్గిమీద గుగ్గిలమయ్యారు. ఈ క్రమంలో జనాగ్రహం నెట్‌ఫ్లిక్స్ వైపు మళ్లింది. అయితే, ఈ వివాదంపై నెట్‌ఫ్లిక్స్ ఇప్పటివరకూ స్పందించకపోవడం గమనార్హం. అయితే, గతంలోనూ సంస్థ ఇలాంటి కాంట్రవర్సీలను ఎదుర్కొంది.

ఈ క్రమంలోనే టెస్లా , స్పేస్‌ఎక్స్‌ల సీఈఓ ఎలాన్ మస్క్, తన నెట్‌ఫ్లిక్స్ సబ్‌స్క్రిప్షన్‌ను రద్దు చేసుకోవడమే కాకుండా, తన 1.9 బిలియన్ ఫాలోవర్లను కూడా అలాగే చేయమని పిలుపునిచ్చాడు. "పిల్లల ఆరోగ్యం కోసం నెట్‌ఫ్లిక్స్‌ను రద్దు చేయండి" అని X  లో పోస్ట్ చేసిన మస్క్ పోస్ట్‌లు  వైరల్ అయ్యాయి. ఈ క్యాంపెయిన్, ట్రాన్స్‌జెండర్ థీమ్‌లతో కూడిన పిల్లల కార్టూన్ షోలు, డైవర్సిటీ రిపోర్ట్‌లో 'వైట్ డిస్‌క్రిమినేషన్' వంటి విషయాలపై ఆధారపడి ఉంది. #CancelNetflix హ్యాష్‌ట్యాగ్ Xలో ట్రెండింగ్‌గా మారింది. ఈ కారణంగా నెట్‌ఫ్లిక్స్ షేర్లు దారుణంగా పడిపోయాయి.మస్క్  ఉద్యమానికి కన్జర్వేటివ్ వర్గాల నుంచి మద్దతు లభించింది. 

Also Read :  Los Angeles: పార్సల్ డెలివరీల్లో కొత్త ట్రెండ్.. నేరుగా ఆకాశం నుంచే అందుకోవచ్చు!