/rtv/media/media_files/2024/11/10/N2o80nFeWgN3eH2xC3PC.jpg)
Follow Us
కెనడాలో మీరు మూడేళ్ళు ఉన్నారా.. అయితే ఇప్పుడు మీరు ఎక్కడ ఉన్నా కెనడా పౌరసత్వం మీకు వచ్చేస్తుంది. తాజాగా కెనడా తన పౌరసత్వం చట్టంలో కీలక మార్పులను చేసింది. ఈ మేరకు దీని సవరణకు ఉద్దేశించిన సీ-3 బిల్లును అక్కడి ప్రభుత్వం ఆమోదించింది. త్వరలో ఇది చట్టంగా మారనుంది. ఇది కనుక అమల్లోకి వస్తే అత్యంత ఎక్కువగా లాభం పొందేది భారతీయులే అని తెలుస్తోంది. ఇప్పటికే ఆ దేశంలో చర్చనీయాంశంగా ఉన్న సెకండ్‌ జనరేషన్‌ కటాఫ్‌లోని సమస్యలను కెనడా ప్రభుత్వం పరిష్కరించింది. గతంలో ఉన్న నిబంధనల ప్రకారం.. విదేశాల్లో జన్మించిన కెనడా వాసుల పిల్లలకు అటోమేటిక్‌గా పౌరసత్వం వచ్చేది కాదు. ఇప్పుడు ఈ కొత్త చట్టంతో ఈ ప్రాబ్లెమ్ సాల్వ్ కానుంది.
ఇంతకుముందు చట్టాల ప్రకారం కెనడా బయట జన్మించిన పిల్లలకు ఒకవేళ వారి పేరెంట్స్ కూడా బయటి దేశాల్లో జన్మిస్తే.. పౌరసత్వం వచ్చేది కాదు. వీరిని లాస్ట్ కెనడియన్స్ అనేవారు. దీనికి వ్యతిరేకంగా కెనడాలో గత కొన్నేళ్ళుగా ఉద్యమాలు జరుగుతున్నాయి. దాంతో పాటూ ఆ దేశ కోర్టు కూడా దీనిని రాజ్యాంగ విరుద్ధమని తేల్చి చెప్పింది. దీంతో కెనడా ప్రభుత్వం చట్టాన్ని మార్పు చేసేందుకు శ్రీకారం చుట్టింది.
మూడేళ్ళు ఉంటే చాలు..
కొత్త చట్టం సీ-3 ప్రకారం పిల్లలు కెనడా బయట పుట్టి...వారి తల్లిదండ్రులకు ఆ దేశంలో చాలా గట్టి సంబంధం ఉంటే వారికి కెనడా పౌరసత్వం వస్తుంది. అంటే తల్లిదండ్రులు విదేశీయులైనా..కెనడాలో మూడేళ్ళు ఉ్నారని నిరూపించుకుంటే చాలు పౌరసత్వం ఇస్తారు. విదేశాల్లో పిల్లలను దత్తత తీసుకునే పేరెంట్స్‌‌కు కూడా ఇదే నిబంధన వర్తించనుంది. ఆస్ట్రేలియా, యూకే, అమెరికా వంటి దేశాల్లో పౌరసత్వ ప్రక్రియలో ఇలాంటి విధానాలనే పాటిస్తున్నారు. ఈ నేపథ్యంలోనే కెనడా ఈ మేరకు మార్పులు చేపట్టింది. కాగా, కెనడా మంత్రి వర్గం తేదీ నిర్ణయించగానే సవరించిన చట్టం అమల్లోకి వస్తుంది.
ఈ కొత్త చట్టం భారతీయులకు చాలా పెద్ద ఉపకారం చేస్తుందని చెబుతున్నారు. ఇప్పటి రవకు తమ పిల్లలకు కెనడా పౌరసత్వం రాక బాధపడుతున్నవారికి గొప్ప ఉపశమనం కానుంది. ఈ చట్టం అమల్లోకి వచ్చిన తర్వాత.. తల్లిదండ్రులు ఎక్కడ పుట్టారన్న విషయంతో సంబంధం లేకుండా.. వారి పిల్లలు కెనడా పౌరులుగా పెరుగుతారు. భారత్ నుంచి ఇకపై వెళ్లే వారికి కూడా ఈ బెనిఫిట్స్ వర్తిస్తాయి. ఈ చట్టం అమల్లోకి రాగానే పౌరసత్వ దరఖాస్తుల సంఖ్య గణనీయంగా పెరుగుతుందని చెబుతున్నారు.
