రేవ్ పార్టీలో అడ్డంగా బుక్కైన ఆర్మీ, రాజకీయ నేతల కూతుర్లు.. వీడియో వైరల్

పాకిస్థాన్‌లోని పంజాబ్ ప్రావిన్స్‌లో ఆసక్తికర ఘటన వెలుగులోకి వచ్చింది. ఓ ఫామ్‌హౌస్‌లో జరిగిన రేవ్‌పార్టీలో ఆర్మీ అధికారులు, రాజకీయ నేతల కొడుకులు, కూతుర్లు పట్టుబడ్డారు. ఆ పార్టీలో మాదక ద్రవ్యాలు వినియోగిస్తున్నారనే సమాచారం మేరకు పోలీసులు సోదాలు చేశారు. దీంతో మొత్తం 55 మందిని అదుపులోకి తీసుకున్నారు. అందులో 30 మంది అబ్బాయిలు, 25 మంది అమ్మాయిలు ఉన్నారు. వీళ్లలో చాలామంది ఆర్మీ, సెక్యూరిటీ, అధికార పార్టీ రాజకీయ నేతల కొడుకులు, కుమార్తెలే. దీనికి సంబంధించిన వీడియో కూడా సోషల్ మీడియాలో వైరల్ అవుతోంది.

Pak Army officers & PMLN party leaders kids caught in rave party in Kasur, Pakistan

No burqa, nothing.. pic.twitter.com/a7MgzeGvDl

— Frontalforce 🇮🇳 (@FrontalForce) April 7, 2025

 అయితే ఈ రేవ్‌పార్టీలో సోదాలు నిర్వహించిన ఇద్దరు పోలీస్ అధికారులను సస్పెండ్ చేయడం గమనార్హం. ఈ వీడియో ఎలా లీక్ అయ్యిందనే దానిపై ఇప్పుడు విచారణ జరుగుతోంది. పంజాబ్‌లోని సంపన్నులు ఉండే ప్రాంతమైన కాసూర్‌ జిల్లాలో జరిగింది. ఈ పార్టీకి వచ్చిన యువతీ, యువకులు వద్ద మాదకద్రవ్యాలను పోలీసులు గుర్తించారు.  

Also Read: 3 రోజులపాటు ఆస్పత్రిలోనే పవన్‌ చిన్న కుమారుడు!

దీనికి సంబంధించిన వీడియో సోషల్ మీడియాలో వైరవ్వడంతో ఆర్మీ, సెక్యూరిటీ, రాజకీయ నేతలు ఫోన్ కాల్స్‌ ముస్తాఫాబాద్‌ పోలీస్‌ స్టేషన్‌కు వరదల్లా వచ్చాయి. అయితే ఈ వీడియోను అధికారిక అనుమతి లేకుండా లీక్ చేశారని కాసూర్ జిల్లా పోలీస్ అధికారి (DPO) ఈ సోదాలు నిర్వహించిన ఇద్దరు అధికారులను సస్పెండ్ చేశారు.  రేవ్‌ పార్టీలో దొరికిన యువతీ, యువకులు కోర్టులో కూడా హాజరయ్యారు. సరైన ఆధారాలు లేకపోవడంతో వాళ్లని కోర్టు విడుదల చేసింది. 

అయితే రాజకీయ నాయకులు, ఆర్మీ అధికారులు ఈ విషయం బయటపడకుండా పోలీసులకు ఆదేశిస్తున్నారని తీవ్రంగా విమర్శలు వస్తున్నాయి. దీనికి సంబంధించిన వీడియో ఎలా లీక్ అయ్యిందనే దానిపై ఎస్పీ కూడా విచారణ చేపట్టారు. తాము అపార్థం చేసుకుని రేవ్ పార్టీపై సోదాలు చేశామని.. అదుపులోకి తీసుకున్న యువతీ, యువకుల తప్పేమీ లేదని ఇప్పుడు పోలీసులు చెప్పడం మరీ విడ్డూరం.

Also Read: 2040 నాటికి చంద్రుడిపైకి భారత వ్యోమగామి

 telugu-news | rtv-news | rave-party not