Bank Jobs: డిగ్రీ అర్హతతో ప్రముఖ బ్యాంక్‌లో జాబ్స్‌.. పూర్తి వివరాలివే!

Latest Bank Jobs: IDBI బ్యాంక్ (ఇండస్ట్రియల్ డెవలప్‌మెంట్ బ్యాంక్ ఆఫ్ ఇండియా) 500 జూనియర్ అసిస్టెంట్ మేనేజర్ గ్రేడ్-O పోస్టుల కోసం దరఖాస్తులను ఆహ్వానించింది. ఆన్‌లైన్ దరఖాస్తు ప్రక్రియ ఫిబ్రవరి 12న www.idbibank.in లో ప్రారంభమవుతుంది. దరఖాస్తుకు చివరి తేదీ 26 ఫిబ్రవరి 2024. అసిస్టెంట్ మేనేజర్ రిక్రూట్‌మెంట్ పరీక్ష మార్చి 17న నిర్వహిస్తారు. పరీక్షలో ఎంపికైన అభ్యర్థులు ముందుగా బ్యాంకింగ్ అండ్‌ ఫైనాన్స్‌లో ఒక సంవత్సరం పోస్ట్ గ్రాడ్యుయేట్ డిప్లొమా (PGDBF) చేయాలి. కోర్సు ఫీజు రూ.3 లక్షలు. ఈ కోర్సులో 6 నెలల తరగతులు, 2 నెలల ఇంటర్న్‌షిప్, 4 నెలల ఉద్యోగ శిక్షణ ఉంటుంది. కోర్సును విజయవంతంగా పూర్తి చేసిన తర్వాత IDBIలో జూనియర్ అసిస్టెంట్ మేనేజర్ పోస్టుకు నియమిస్తారు. IDBI రిక్రూట్‌మెంట్‌లో మూడేళ్లపాటు పని చేయడం తప్పనిసరి. దీని కోసం రూ. 2 లక్షల బాండ్ రాయాల్సి ఉంటుంది.

వయోపరిమితి - వయస్సు 20 నుంచి 25 సంవత్సరాల మధ్య ఉండాలి. ఎస్సీ, ఎస్టీ అభ్యర్థులకు ఐదేళ్లు, ఓబీసీలకు మూడేళ్లు, వికలాంగులకు 10 ఏళ్లు సడలింపు ఉంటుంది. 1984 సిక్కు వ్యతిరేక అల్లర్ల వల్ల ప్రభావితమైన వారికి గరిష్ట వయోపరిమితిలో ఐదేళ్ల సడలింపు ఉంటుంది.

విద్యార్హత - గుర్తింపు పొందిన విశ్వవిద్యాలయం నుంచి ఏదైనా విభాగంలో గ్రాడ్యుయేషన్ డిగ్రీ. కంప్యూటర్‌లో పని చేసే పరిజ్ఞానం. ప్రాంతీయ భాషపై మంచి పరిజ్ఞానం ఉండాలి.

శిక్షణ సమయంలో జీతం:
స్టైపెండ్ - రూ. 5,000
ఇంటర్న్‌షిప్ సమయంలో స్టైపెండ్ - రూ. 15,000
పూర్తి సమయం జీతం - . ఏడాదికి రూ.6,14,000- రూ.6,50,000

ఎంపిక ప్రక్రియ- ఆన్‌లైన్ టెస్ట్, ఇంటర్వ్యూ.
ఆన్‌లైన్ పరీక్ష పరీక్ష రెండు గంటలు ఉంటుంది, ఇందులో 200 మార్కులకు 200 ప్రశ్నలు అడుగుతారు. పేపర్‌లో మొత్తం నాలుగు విభాగాలు ఉంటాయి

1. లాజికల్ రీజనింగ్, డేటా అనాలిసిస్ అండ్‌ ఇంటర్‌ప్రెటేషన్ (60 ప్రశ్నలు)
2. ఇంగ్లీష్ లాంగ్వేజ్ (40 ప్రశ్నలు)
3. క్వాంటిటేటివ్ ఆప్టిట్యూడ్ (40 ప్రశ్నలు)
4. జనరల్/ఎకానమీ/బ్యాంకింగ్ అవేర్‌నెస్ ( 60 ప్రశ్నలు)
తప్పు సమాధానం ఇస్తే 0.25 మార్కు తగ్గిస్తారు.

ఇంటర్వ్యూ 100 మార్కులకు ఉంటుంది. రాత పరీక్ష,ఇంటర్వ్యూ రెండింటిలోనూ సాధించిన మార్కుల ఆధారంగా తుది మెరిట్ జాబితా తయారు చేస్తారు.

దరఖాస్తు రుసుము
SC/ST, వికలాంగ అభ్యర్థులు - రూ.200.
ఇతర కేటగిరీల అభ్యర్థులకు - రూ.1,000.

పూర్తి నోటిఫికేషన్‌ను చదవడానికి ఇక్కడ క్లిక్ చేయండి

Also Read: వేసవి రాకముందే మండిపోతున్న ఎండలు.. 40 డిగ్రీలకు చేరవలో ఉష్ణోగ్రతలు..