Brazil: ప్రాణలకు తెగించి భార్య, కూతురిని రక్షించాడు.. వీడియో చూస్తే మెచ్చుకోకుండా ఉండలేరు!

Marcos Vinicius: కొన్ని వీడియోలు చూస్తే మనం ఊపిరి తీసుకోవడం కూడా మర్చిపోతాం. భయం, ఆదుర్దా, ఆశ్చర్యంతో మన చేతులు ఆటోమేటిక్‌గా గుండెల మీదకు చేరుకుంటాయి. అలాంటి వీడియోనే ఒకటి తాజాగా సోషల్ మీడియాలో వైరల్ అవుతోంది. ఆలస్యంగా వెలుగులోకి వచ్చిన ఈ వీడియోను చూసి వావ్ అంటున్నారు అందరూ. ఇందులో ఉన్న హీరో మార్కోస్ వినిసియస్‌ను తెగ మెచ్చేసుకుంటున్నారు కూడా. ఇంతకీ ఏం్ జరిగిందంటే...

వరదల నుంచి తల్లీ, బిడ్డను కాపాడిన వైనం..

కొన్ని రోజుల క్రితం ఆకస్మిక వరదలు బ్రెజిల్‌ను ముంచేశాయి. ఈ వరదల్లో ఒక కారు చిక్కుకుపోయింది. అందులో ఒక తల్లీ, బిడ్డా ఉన్నారు. వారితో పాటూ మార్కోస్ కూడా ఉన్నాడు. అయితే మార్కోస్ ఇందులో నుంచి సురక్షితంగా బయటపడ్డాడు. తాను క్షేమంగానే ఉన్నాను కదా అని అనుకోలేదు మార్కోస్. తన భార్యా, బిడ్డలను కూడా రక్షించాలని అనుకున్నాడు. అంతే అసాధారణ ధైర్యాన్ని ప్రదర్శించి, వరదలకు ఎదురీది మరీ కారులో ఉన్నవారిని రక్షించాడు. దీని కోసం తన ప్రాణాలను సైతం లెక్క చేయలేదు మార్కోస్. వరదల్లో కొట్టుకువెళిపోతున్న కారుకు ఒక పక్క వేలాడుతూ ఒక్కొక్కరిగా ఒడ్డుకు చేర్చాడు. ముందు బిడ్డను కారులో నుంచి తీసి బయటకు చేరవేశాడు. తర్వాత తల్లిని కూడా రక్షించాడు. మార్కోస్ ఇద్దరినీ రక్షించాక కారు శరవేగంగా వరదల్లో కొట్టుకుపోయింది. ఒక్క నిమిషం లేటయినా తల్లి, బిడ్డా ప్రాణాలు నీటిలో కలిసిసోయేవి.

వీడియోను విపరీతంగా చూస్తున్న నెటిజన్లు...

మార్కోస్ సాహసాన్ని ఎవరో వీడియోగా తీశారు. దాన్ని సోషల్ మీడియాలో పోస్ట్ చేశారు. ఒక్క రోజులోనే ఈ వీడియోకు 7.8లక్షల వ్యూస్ వచ్చాయి. దాదాపు 37వేల లైకులను సంపాదించుకుంది. అంతేకాదు ఈ వీడియో కింద తెగ కామెంట్లు కూడా పెడుతున్నారు నెటిజన్లు. అందరూ మార్కోస్ వినిసియస్ ధైర్యాన్ని మెచ్చుకుంటున్నారు. అతను అంత ప్రశాంతంగా , ఓపికగా తల్లీ, బిడ్డా ప్రాణాలను కాపాడ్డం అద్భుతమని పొగుడుతున్నారు. ఈ రోజుల్లో ఇంత నిస్వార్ధంగా ఉండడం చాలా అరుదని మెచ్చుకుంటున్నారు.

Also Read:PM Modi: సముద్రగర్భంలోని ద్వారకాకు ప్రధాని మోదీ పూజలు