Pumpkin Seeds: గుమ్మడికాయతో బోలెడు ఆరోగ్యం మీ సోంతం..ఈ రోజే ఇంటికి తెచ్చుకోండి

Pumpkin Seeds: పురాతన కాలంలో ప్రజలు తక్కువగా అనారోగ్యానికి గురయ్యేవారు. ఎందుకంటే దానికి కారణం మంచి ఆహారం తీసుకోవడం. పూర్వకాలంలో నెయ్యి, పండ్లు, పాల ఉత్పత్తులు, పొలాల్లో పండే తాజా కూరగాయలు తీసుకునేవారు. ప్రస్తుత కాలంలో ఆహారపు అలవాట్ల వల్ల ప్రజలు ఎక్కువగా అనారోగ్యానికి గురవుతున్నారు. అందుకే ఆరోగ్యంగా ఉండాలంటే ఆహారంలో పండ్లు, ధాన్యాలు, ఆకుపచ్చ కూరగాయలు చేర్చుకోవాలి. ఇందులో గుమ్మడికాయ ఒకటి. ఇందులో అనేక పోషకాలు ఉంటాయి.

గుమ్మడికాయ ప్రయోజనాలు:

• గుమ్మడికాయలో ఎక్కువ పొటాషియం ఉంటుంది. ఇది రక్తపోటును నియంత్రిస్తుంది. ఇందులో ఫైబర్ కూడా ఉంటుంది. ఇది శరీరంలోని కొలెస్ట్రాల్ తగ్గించడంలో సహాయపడుతుంది. ఇది గుండె జబ్బులకు దివ్యౌషధం అని చెప్పవచ్చు. గుమ్మడికాయ తినడం వల్ల బరువు తగ్గుతారు. ఎందుకంటే ఇందులో కేలరీలు తక్కువగా ఉంటాయి. జీర్ణక్రియను మెరుగుపరుస్తుంది. మలబద్ధకం సమస్యను తొలగిస్తుంది. డయాబెటిక్ పేషెంట్లు తమ ఆహారంలో గుమ్మడికాయను చేర్చుకుంటే మంచిది. గుమ్మడికాయ వల్ల ఎముకలు దృఢంగా ఉండటమే కాకుండా కంటి జబ్బులు రావు, రోగనిరోధక శక్తి కూడా పెరుగుతుందని నిపుణులు అంటున్నారు.

గుమ్మడికాయను ఇలా తీసుకోండి:

• గుమ్మడికాయను అనేక రకాలుగా ఉపయోగించవచ్చు. దీన్ని కూరగాయగా మాత్రమే కాకుండా సూప్, సలాడ్ రూపంలో కూడా తీసుకోవచ్చు. అంతేకాకుండా ఆవిరిలో లేదా వేయించి కూడా తినవచ్చు. గుమ్మడికాయను కడిగిన తర్వాత దానిపై తొక్కను తీసివేయవద్దు ఎందుకంటే పైతొక్కలో పోషకాలు కూడా ఉంటాయి. ఒకవేళ మీరు మాంసాహారులైతే గుమ్మడికాయ గుజ్జును తీసి ముక్కలు చేసి మాంసంతో కలిపి వండుకోవచ్చని నిపుణులు చెబుతున్నారు.

ఇది కూడా చదవండి: ఇలా చేస్తే గుండెపోటు నుంచి మిమ్మల్ని మీరే కాపాడుకోవచ్చు

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.