ఘోర రోడ్డు ప్రమాదం.. రెండు కార్లు ఢీకొనడంతో ఇద్దరు స్పాడ్ డెడ్

ఎన్టీఆర్ జిల్లా గరికపాడులో ఘోర రోడ్డు ప్రమాదం చోటుచేసుకుంది. ఈ ప్రమాద ఘటనలో తల్లి, కొడుకు అక్కడిక్కడే మృతి చెందారు. వివరాల్లోకి వెళ్తే.. ఎన్టీఆర్ జిల్లా గరికపాడు సమీపంలో NH-65పై ఘోర రోడ్డు ప్రమాదం జరిగింది. హైదరాబాద్‌కి చెందిన వారు విజయవాడ కనకదుర్గ అమ్మవారిని దర్శనం చేసుకుని వస్తుండగా యాక్సిడెంట్ చోటుచేసుకుంది. నిన్న విజయవాడ వెళ్లి ఈ రోజు ఉదయం హైదరాబాద్‌కి తిరిగి వస్తుండగా.. రెండు కార్లు ఢీకొన్నాయి. ఈ ప్రమాద ఘటనలో తల్లి కొడుకు అక్కడికక్కడే మృతి చెందారు. 

ఇది కూడా చూడండి:  టీతో సిగరెట్ తాగితే ఎంత ప్రమాదమో మీకు తెలుసా?

రాజస్థాన్‌లో మరో ఘటన..

ఇదిలా ఉండగా.. రాజస్థాన్​లోని ధోల్​పుర్​ జిల్లాలో కూడా ఘోర రోడ్డు ప్రమాదం జరిగింది. ఈ ఘటనలో ఎనిమిది మంది చిన్నారులతో సహా 11 మంది మృతి చెందారు. శనివారం అర్ధరాత్రి జాతీయ రహదారిపై టెంపోను ఓ స్లీపర్ బస్సు ఢీకొట్టడంతో ఈ ప్రమాదం చోటుచేసుకుంది. నహ్నూ, జహీర్​ కుటుంబసభ్యులతో కలిసి బరౌలీ గ్రామంలో జరిగే ఓ కార్యక్రమానికి వెళ్లాడు.

ఇది కూడా చూడండి: 12 ఏళ్లుగా కడుపులో కత్తెర.. తర్వాత ఏమైందంటే?

కార్యక్రమం నుంచి తిరిగి వస్తుండగా వారు ప్రయాణిస్తున్న టెంపోని స్పీడ్‌తో వస్తున్న స్లీపర్ బస్సు ఢీకొట్టింది. దీంతో అందులో ఉన్న 8 మంది చిన్నారులతో సహా 11 మంది అక్కడిక్కడే మృతి చెందారు.  విషయం తెలుసుకున్న వెంటనే పోలీసులు, అధికారులు ఘటనాస్థలికి చేరుకుని సహాయక చర్యలు చేపట్టారు.

ఇది కూడా చూడండి: ఏపీకి అలర్ట్.. మరో అల్పపీడనంతో భారీ వర్షాలు

ఈ ఘటనలో మరికొందరు తీవ్రంగా గాయపడ్డారు. అర్థరాత్రి ఈ ఘటన జరగడంతో స్థానికులు వెంటనే పోలీసులకు సమాచారం ఇచ్చారు. దీంతో వెంటనే అధికారులు, పోలీసులు ఘటనా స్థలానికి చేరుకుని.. గాయపడిన క్షతగాత్రులను ఆసుపత్రికి తరలించారు. స్థానికంగా ఉన్న ఆసుపత్రిలో వారికి చికిత్సను అందిస్తున్నారు. 

ఇది కూడా చూడండి: ప్రజలను వణికిస్తున్న విచిత్రమైన జ్వరం.. ఆసుపత్రికి క్యూ