బతుకమ్మ సంబరాల్లో విషాదం.. విద్యుదాఘాతంతో వ్యక్తి మృతి

తెలంగాణ బతుకమ్మ పండుగ వేడుకల్లో తీవ్ర విషాదం నెలకొంది. సద్దుల బతుకమ్మ వేడుకలకు వెళ్లిన ఓ వ్యక్తి ప్రమాదవశాత్తూ విద్యుదాఘాతంతో మృతి చెందాడు. గురువారం వరంగల్‌ జిల్లా నెక్కొండ మండలం అలంకానిపేటలో ఈ ఘటన చోటుచేసుకుంది. 

వివరాల్లోకి వెళ్తే.. గ్రామానికి చెందిన చీకటి యాక య్య(41) మనవడిని తీసుకోని సద్దుల బతుకమ్మ వేడుకలకు వెళుతుండగా ప్రమాదవశాత్తు సీరియల్‌ బల్బుల లైన్‌పై పడిపోవడం తో విద్యుత్‌ షాక్‌కు గురయ్యాడు. దాంతో వెనకాలే వచ్చిన వ్యక్తులు అతడిని రక్షించే ప్రయత్నం చేయగా యాకయ్య మనుమడిని విడిచిపెట్టడంతో.. ఆయన మనవడు అదృష్టవశాత్తు ప్రాణాలతో బయటపడ్డాడు. అపస్మారక స్థితికి చేరుకున్న యాకయ్యను నెక్కొండలోని హాస్పిటల్ కు తరలిస్తుండగా మార్గమధ్యంలో మృతిచెందాడు. 

Also Read : ఘోర రోడ్డు ప్రమాదం.. 10 మందికి తీవ్ర గాయాలు