/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/05/Arrest.jpg)
Telangana: ఆర్టీసీ బస్సులో ప్రయాణిస్తున్న ఓ యువతితో అసభ్యంగా ప్రవర్తించిన బస్‌ కండక్టర్‌ను రాయదుర్గం పోలీసులు అరెస్టు చేసి రిమాండ్‌కు తరలించారు. ఫరూఖ్‌ నగర్‌ డిపోకు చెందిన బస్సులో పుప్పాలగూడ నుంచి హియాయత్‌ నగర్‌ కు ప్రయాణిస్తున్న ఓ యువతితో బస్సు కండక్టర్ అసభ్యంగా ప్రవర్తించాడు.
అనంతరం ఆ యువతి ప్రయాణ సమయంలో ఒక కండక్టర్ తనతో ప్రవర్తించిన తీరు సరిగా లేదని ఎక్స్ ( ట్విట్టర్ )లో తెలంగాణ ముఖ్యమంత్రి రేవంత్‌ రెడ్డిని ట్యాగ్‌ చేస్తూ ఓ పోస్ట్ చేసింది. దీనిపై స్పందించిన ఆర్టీసీ ఎండీ సజ్జనార్‌ ఘటనపై సమగ్ర విచారణకు ఆదేశించారు. విచారణ అనంతరం కండక్టర్ పై శాఖాపరమైన చర్యలు తీసుకుంటామని స్పష్టం తెలిపారు.
ఈ ఘటనకు సంబంధించి రాయదుర్గం సీఐ వెంకన్న మాట్లాడుతూ.. ఉన్నతాధికారుల ఆదేశాల మేరకు యువతిపట్ల అసభ్యంగా ప్రవర్తించిన కండక్టర్ పై పలు సెక్షన్ల కింద కేసు నమోదు చేసి దర్యాప్తు చేశామని, కండక్టర్ ను అరెస్టు చేసి రిమాండ్‌కు తరలించినట్లు తెలిపారు.