Mirai OTT: ‘మిరాయ్’ స్ట్రీమింగ్ షురూ.. ఎక్కడ చూడొచ్చంటే..?

Mirai OTT: యంగ్ హీరో తేజ సజ్జా(Teja Sajja) నటించిన ఫాంటసీ యాక్షన్ అడ్వెంచర్ మూవీ ‘మిరాయ్’ బాక్సాఫీస్ వద్ద భారీ విజయం సాధించింది. సినిమా విడుదలైన దగ్గర నుంచి పాజిటివ్ టాక్‌తో దూసుకుపోతూ, ప్రపంచవ్యాప్తంగా దాదాపు రూ.150 కోట్లు కలెక్షన్లు రాబట్టింది. ఈ చిత్రాన్ని కార్తీక్ గట్టమనేని డైరెక్ట్ చేయగా, విలన్‌గా మంచు మనోజ్ తన పాత్రతో ప్రత్యేకంగా ఆకట్టుకున్నారు.

#Mirai streaming now on JioHotstar! ⚛

🔗 - https://t.co/dnNg87etqZ

#TejaSajja#ManojManchu#KarthikGhattamaneni#ShriyaSaran#JioHotstar#OTTpic.twitter.com/EZ0LLFUd0U

— Madhuri Daksha (News Presenter) (@MadhuriDaksha) October 10, 2025

ఓటిటీలోకి ఎంట్రీ

తాజాగా ఈ సినిమా Jio Cinema-Hotstar ప్లాట్‌ఫామ్ లో స్ట్రీమింగ్‌కు అందుబాటులోకి వచ్చింది. ప్రస్తుతం ఇది తెలుగు, తమిళ, కన్నడ, మలయాళ భాషల్లో ఆడియోలతో పాటు ఇంగ్లీష్ సబ్‌టైటిల్స్ తో స్ట్రీమింగ్ అవుతోంది.

థియేట్రికల్ కట్ vs OTT కట్

ఒరిజినల్‌గా థియేటర్లలో విడుదలైన వెర్షన్ నిడివి 2 గంటల 49 నిమిషాలు ఉండగా, ఓటిటీలో కేవలం 2 గంటల 46 నిమిషాలు మాత్రమే ఉంది. అంటే, సుమారు 3 నిమిషాల ఫుటేజ్ తొలగించబడినట్టే. అయితే, ఎలాంటి సన్నివేశాలు కట్ చేశారన్నది ఇప్పటివరకు స్పష్టంగా తెలియరాలేదు.

అంతేకాకుండా, థియేటర్లలో పాపులర్ అయిన "వైబ్ ఉందీ బేబీ" పాట ఓటిటీలో లేకపోవడం కొంతమందిని నిరాశపరుస్తోంది. ఇది పాట లైసెన్స్ సమస్యా? లేదా కట్ చేసిన భాగంలో ఉందా? అన్నది క్లారిటీ రావాల్సి ఉంది.

Also Read: బూతులు ఉంటే తప్పేంటి..? మాస్ జాతర 'ఓలే ఓలే' పాటపై రవితేజ షాకింగ్ కామెంట్స్..

హిందీ వర్షన్ త్వరలో

ఇంకా హిందీ ఆడియెన్స్ కోసం గుడ్ న్యూస్ ‘మిరాయ్’ హిందీ వర్షన్ కూడా త్వరలోనే వచ్చేస్తుందని సమాచారం. నవంబర్‌లో స్ట్రీమింగ్‌కు రావచ్చని బజ్ ఉంది.

కాస్ట్ & టెక్నికల్ టీమ్

ఈ చిత్రాన్ని పీపుల్ మీడియా ఫ్యాక్టరీ బ్యానర్‌పై టీ.జి. విశ్వ ప్రసాద్, కృతి ప్రసాద్ నిర్మించారు. హీరోయిన్‌గా రితికా నాయక్ నటించగా, ఇతర కీలక పాత్రల్లో శ్రియ శరణ్, జగపతిబాబు, జయరామ్, గెటప్ శ్రీను కనిపించారు. సంగీతాన్ని గౌరహరి అందించారు.

ప్రేక్షకుల ఆదరణతో థియేటర్లలో హిట్ అయిన ‘మిరాయ్’, ఇప్పుడు ఓటిటీలో కూడా ఆకట్టుకుంటోంది. కానీ చిన్న మార్పులతో వచ్చినందున, ప్రేక్షకుల్లో కొన్ని ప్రశ్నలు తలెత్తుతున్నాయి. మొత్తానికి థియేటర్లలో మిస్ అయినవారికి ఈ సినిమా ఇప్పుడు ఇంట్లోనే చూసే మంచి అవకాశం లభించింది.