Tamannaah: పెళ్లిపై తమన్నా షాకింగ్ కామెంట్స్..

Tamannaah: చలనచిత్ర పరిశ్రమలో హీరోయిన్లు ప్రేమ, పెళ్లి విషయంలో చాలాసార్లు ఆచితూచి నిర్ణయాలు తీసుకుంటుంటారు. త్వరగా పెళ్లి చేసుకుంటే కెరీర్‌కు బ్రేక్ పడుతుందేమోనన్న ఆందోళన, ఇంకా బ్రేకప్ ల వల్ల పెళ్లంటే  వెనకడుగు వేయడం సాధారణంగా చూస్తుంటాం.

ఇటీవల తమన్నా భాటియా కూడా ఇలాంటి పరిస్థితినే ఎదుర్కొంటున్నట్లు కనిపిస్తోంది. దాదాపు రెండు దశాబ్దాలుగా తన నటనా ప్రస్థానాన్ని కొనసాగిస్తున్న ఈ బ్యూటీ, దక్షిణాది సినిమాలతో పాటు బాలీవుడ్‌లోనూ సినిమాలు, స్పెషల్ సాంగ్స్ ద్వారా తనదైన గుర్తింపును సంపాదించుకుంది.

గత కొద్ది కాలంగా ఆమె విజయ్ వర్మతో డేటింగ్‌లో ఉందన్న వార్తలు జోరుగా వినిపించాయి. పలు సందర్భాల్లో ఇద్దరూ కలిసి కనిపించడంతో, వారి మధ్య సంబంధం నిజమేనని అందరూ నమ్మారు. అయితే ఇటీవల వీరి మధ్య విభేదాలు వచ్చాయని, బ్రేకప్ జరిగిందని బోలెడన్ని గాసిప్స్ వైరల్ అయ్యాయి. ఈ వార్తలకు బలమైన ఆధారాలు వెలుగులోకి రావడంతో, అభిమానులు కూడా వారి మధ్య తేడాలు నిజమేనని నమ్మారు.

ఇప్పటికే 35 వసంతాలు పూర్తి చేసుకున్న తమన్నాను ఇటీవల ఓ కార్యక్రమంలో పెళ్లి గురించి ప్రశ్నించగా, “ఇప్పటికి తనకు అలాంటి ఆలోచన లేదని” స్పష్టం చేసింది. ప్రస్తుతం తన పూర్తి ఫోకస్ సినిమాలపైనే అని చెప్పిన ఆమె, పెళ్లిపై పెద్దగా ఆలోచించట్లేదని క్లియర్‌గా చెప్పింది.

Also Read: అజిత్ ఎనర్జీ చూసి షాకయ్యా: సునీల్

దాంతో అభిమానుల మదిలో తమన్నా ఇప్పటికీ ఒంటరిగా ఉండాలనుకుంటున్నదా? లేక బ్రేకప్ కారణంగా పెళ్లిపై నమ్మకం కోల్పోయిందా? అనే అనుమానాలు కలుగుతున్నాయి. మరి ఆమె ఈ నిర్ణయం మారుతుందా లేదా అనేది మాత్రం కాలమే చెప్పాలి.