King First Look: షారుక్ ఖాన్ స్పెషల్ బర్త్‌డే గిఫ్ట్.. "కింగ్" ఫస్ట్ లుక్ వచ్చేస్తోంది.

King First Look: షారుక్ ఖాన్(Shah Rukh Khan) హీరోగా సిద్ధార్థ్ ఆనంద్ దర్శకత్వంలో రూపొందుతున్న "కింగ్" సినిమా ఫస్ట్ లుక్ నవంబర్ 2న, షారుక్ పుట్టినరోజున విడుదల కానుంది. దీపికా, సుహానా ఖాన్, అభిషేక్ బచ్చన్ కీలక పాత్రల్లో నటిస్తున్నారు. ఈ భారీ యాక్షన్ ఎంటర్‌టైనర్‌ 2026 చివర్లో విడుదల కానుంది. వస్తోన్న 

బాలీవుడ్ బాద్‌షా షారుక్ ఖాన్ ప్రధాన పాత్రలో రూపొందుతున్న భారీ చిత్రం "కింగ్" మీద ఇండియన్ సినిమా ప్రేక్షకుల్లో భారీ అంచనాలు ఉన్నాయి. ప్రస్తుతం ఈ సినిమా షూటింగ్ దశలో ఉంది. తాజాగా బాలీవుడ్ వర్గాల్లో చక్కర్లు కొడుతోన్న వార్తేంటంటే, ఈ సినిమా ఫస్ట్ లుక్ నవంబర్ 2న విడుదలయ్యే అవకాశం ఉంది. అదే షారుక్ ఖాన్ పుట్టినరోజు కావడంతో ఇది అభిమానులకు స్పెషల్ గిఫ్ట్‌ కానుంది.

ఇద్దేళ్ల తర్వాత మళ్లీ స్క్రీన్‌పైకి షారుక్

షారుక్ ఖాన్ చివరిసారి సినిమాల్లో కనిపించి రెండేళ్లు కావస్తోంది. "పఠాన్" తర్వాత ఆయన చేసిన ప్రాజెక్టులన్నీ చాలా ప్రీ-ప్రొడక్షన్ స్టేజ్‌లోనే ఉన్నాయి. అందుకే "కింగ్" సినిమా మీద అభిమానుల్లో చాలా ఆసక్తి నెలకొంది. ఇది ఒక గ్రాండ్ యాక్షన్ ఎంటర్‌టైనర్‌గా రూపొందుతోంది.

ఈ సినిమాలో షారుక్‌తో పాటు దీపికా పదుకొణె కూడా కీలక పాత్రలో కనిపించనున్నారు. అంతేకాక, షారుక్ కుమార్తె సుహానా ఖాన్ కూడా ఈ సినిమా ద్వారా సినీ రంగంలోకి ఎంట్రీ ఇవ్వనున్నారు. వీరితో పాటు అభిషేక్ బచ్చన్, అనిల్ కపూర్, రాణి ముఖర్జీ, రాఘవ జుయాల్,  జైదీప్ అహ్లావత్ వంటి టాలెంటెడ్ నటులు ఈ చిత్రంలో కీలక పాత్రలు పోషిస్తున్నారు.

Also Read: బూతులు ఉంటే తప్పేంటి..? మాస్ జాతర 'ఓలే ఓలే' పాటపై రవితేజ షాకింగ్ కామెంట్స్..

దర్శకత్వం, నిర్మాణం

ఈ సినిమాకు "పఠాన్" ఫేమ్ సిద్ధార్థ్ ఆనంద్ దర్శకత్వం వహిస్తున్నారు. ఆయన గతంలో యాక్షన్ సినిమాల్లో తన ప్రత్యేకతను నిరూపించుకున్నాడు. "కింగ్" కూడా అదే రేంజ్‌లో ఉండబోతుందని తెలుస్తోంది. సినిమాను షారుక్ ఖాన్ స్వంత సంస్థ Red Chillies Entertainment, Marflix కలిసి నిర్మిస్తున్నారు.

రిలీజ్ డేట్..?

ప్రస్తుతం షూటింగ్ జరుపుకుంటున్న ఈ సినిమా 2026 చివరి క్వార్టర్‌లో, అంటే అక్టోబర్-డిసెంబర్ మధ్యలో విడుదల కానుందని సమాచారం. ఇది ఒక పాన్-ఇండియా లెవెల్ ప్రాజెక్ట్ కావడంతో, టెక్నికల్ గా హై స్టాండర్డ్స్‌తో రూపొందిస్తున్నారు.

ఫస్ట్ లుక్ నవంబర్ 2న రాకపోతే అయినా, ఆ సమయానికి ఏదో ఒక అప్డేట్ ఖచ్చితంగా వస్తుందని అభిమానులు భావిస్తున్నారు. షారుక్, దీపికా కాంబినేషన్, కొత్తగా ఎంటర్ అవుతోన్న సుహానా ఖాన్ వంటి అంశాలు సినిమాకు ప్రత్యేక ఆకర్షణ కానున్నాయి.

“కింగ్” ఫస్ట్ లుక్ కోసం కౌంట్‌డౌన్ మొదలైంది. షారుక్ పుట్టినరోజునే ఇది వస్తే, అభిమానుల ఆనందానికి హద్దులు ఉండవు. భారీ తారాగణం, మంచి టెక్నికల్ టీమ్, అద్భుతమైన డైరెక్టర్ ఇన్ని ప్లస్ పాయింట్లు ఉన్న ఈ యాక్షన్ ఎంటర్‌టైనర్ 2026లో బాక్సాఫీస్‌ను షేక్ చేయడం ఖాయంగా కనిపిస్తోంది.