షారుఖ్ ఖాన్ తో నటించేందుకు నో చెప్పిన ప్రభాస్.. ఎందుకో తెలుసా?

పాన్ ఇండియా హీరో ప్రభాస్ ప్రస్తుతం వరుస ప్రాజెక్ట్స్ తో బిజీగా ఉన్న సంగతి తెలిసిందే. ప్రెజెంట్ టాలీవుడ్  అగ్ర దర్శకులతో  సినిమాలు చేస్తున్న డార్లింగ్ కి ఇతర ఇండస్ట్రీస్ నుంచి కూడా ఆఫర్స్ వస్తున్నాయి. ముఖ్యంగా బాలీవుడ్ దర్శక నిర్మాతలు ఆయనతో సినిమాలు చేయాలని ఎంతగానో ట్రై చేస్తున్నారు. 

ఈ క్రమంలోనే ఇటీవల ప్రభాస్ కు ఓ బాలీవుడ్ లో ఓ మల్టీస్టారర్ లో నటించే ఛాన్స్ వస్తే.. దానికి డార్లింగ్ నో చెప్పినట్లు లేటెస్ట్ న్యూస్ బయటికొచ్చింది. బాలీవుడ్ సినీ వర్గాల సమాచారం ప్రకారం ప్రముఖ డైరెక్టర్ సిద్ధార్థ్ ఆనంద్ తీస్తున్న మల్టీ స్టారర్ సినిమా ఆఫర్ ని ప్రభాస్ రిజెక్ట్ చేసినట్లు పలు వార్తలు సోషల్ మీడియాలో వినిపిస్తున్నాయి. అయితే ఈ మల్టీస్టారర్ సినిమాలో బాలీవుడ్ బాద్ షా షారూఖ్ ఖాన్ నటిస్తున్నాడు.

Also Read : 'జై హనుమాన్' ఫస్ట్ లుక్ వచ్చేసింది.. ఆంజనేయుడి పాత్రలో స్టార్ హీరో

కారణం అదేనా?

దీంతో మరో హీరో కోసం ప్రభాస్ ని చిత్ర యూనిట్ సంప్రదించారట. కానీ ప్రభాస్ పాత్రకి ప్రాధాన్యత తక్కువగా ఉండటం, రన్ టైమ్ కూడా పెద్దగా లేకపోవడంతో సిద్ధార్థ్ ఆనంద్ సినిమాని సున్నితంగా తిరస్కరించినట్లు వార్తలు వినిపిస్తున్నాయి. ఈ న్యూస్ కాస్త నెట్టింట వైరల్ అవుతున్నాయి. 

ఇక రీసెంట్ గా 'కల్కి' మూవీతో పాన్ ఇండియా సక్సెస్ అందుకున్న ప్రభాస్ వచ్చే ఏడాది 'రాజా సాబ్' సినిమాతో ప్రేక్షకుల ముందుకు రానున్నాడు. మారుతి డైరెక్ట్ చేసిన ఈ మూవీ 2025 ఏప్రిల్ 10 న విడుదల కానుంది. ఇటీవల ప్రభాస్ బర్త్ డే సందర్భంగా రిలీజ్ చేసిన మోషన్ పోస్టర్ సినిమాపై ఒక్కసారిగా అంచనాలు పెంచేసింది. పీపుల్ మీడియా ఫ్యాక్టరీ నిర్మిస్తున్న ఈ సినిమాలో ప్రభాస్ డ్యూయెల్ రోల్ లో కనిపించనున్నారు.

Also Read : మాస్ టైటిల్ తో వస్తున్న రవితేజ.. ఫస్ట్ లుక్ అదుర్స్, ఈసారి హిట్టు పక్కా