'జై హనుమాన్' ఫస్ట్ లుక్ వచ్చేసింది.. ఆంజనేయుడి పాత్రలో స్టార్ హీరో

ప్రశాంత్ వర్మ తెరకెక్కిస్తున్న 'జై హనుమాన్' మూవీ నుంచి అక్టోబర్ 30 న ఫస్ట్ లుక్ రిలీజ్ చేస్తామని చిత్ర బృందం చెప్పిన విషయం తెలిసిందే. చెప్పినట్లుగానే తాజాగా ఫస్ట్ లుక్ రిలీజ్ చేశారు. అందులో హనుమంతుడి పాత్రలో ఎవరు నటిస్తున్నారో చెప్పేశారు. ఆ స్టార్ హీరో మరెవరో కాదు 'కాంతారా' సినిమాతో ఆడియన్స్ ను ఆకట్టుకున్న కన్నడ హీరో రిషబ్ శెట్టి. 

హ‌నుమంతుడిగా 'కాంతారా' హీరో..

ఫస్ట్ లుక్ లో రిష‌బ్ శెట్టి హ‌నుమంతుడి గెట‌ప్ అదిరిపోయింది. ఇందులో ఆయన హనుమంతుడిగా శ్రీరాముడి విగ్రహాన్ని హత్తుకుంటున్న లుక్ ఆకట్టుకుంటోంది.'జై హనుమాన్' లో రిషబ్ శెట్టి కూడా భాగం అవ్వడంతో సినిమాపై అంచనాలు ఒక్కసారిగా పెరిగిపోయాయి. తేజ సజ్జా హీరోగా దర్శకుడు ప్రశాంత్‌ వర్మ తెరకెక్కించిన ‘హనుమాన్‌’ సినిమా ఈ ఏడాది సంక్రాంతికి విడుదలై అఖండ విజయాన్ని అందుకుంది. 

✨ वचनपालनं धर्मस्य मूलम्। ✨

A vow from the Tretayuga, bound to be fulfilled in the Kaliyuga 🙏

National Award-winning actor @shetty_rishab and Sensational Director @PrasanthVarma bring forth an epic of loyalty, courage and devotion❤️‍🔥

A @MythriOfficial ’s proud presentation… pic.twitter.com/zqFQOToVQ0

— Mythri Movie Makers (@MythriOfficial) October 30, 2024

Also Read : మాస్ టైటిల్ తో వస్తున్న రవితేజ.. ఫస్ట్ లుక్ అదుర్స్, ఈసారి హిట్టు పక్కా

దానికి కొనసాగింపుగా 'జై హనుమాన్' తెరకెక్కుతోంది. 'హనుమాన్' క్లైమాక్స్ లోనే సీక్వెల్ కు సంబంధించి హింట్ ఇచ్చారు. శ్రీరాముడికి హనుమంతుడు ఇచ్చిన మాటేమిటి?’ అనే ప్రశ్నకు సమాధానంగా ‘జై హనుమాన్‌’ రూపుదిద్దుకోనుంది. 

‘హనుమాన్‌’లో హనుమంతుగా కనిపించిన తేజ కొత్త ఈ సినిమాలోనూ అదే పాత్ర పోషించనున్నట్లు తెలుస్తోంది.. 'హనుమాన్' మూవీని మ్యాట్నీ మూవీ ఎంటర్టైన్మెంట్స్ పై నిరంజన్ రెడ్డి నిర్మించగా.. 'జై హనుమాన్'ని మాత్రం మైత్రీ మూవీ మేకర్స్ నిర్మించనుంది. 2025 సంక్రాంతి కానుకగా సినిమాను విడుదల చేస్తున్నట్లు మేకర్స్ గతంలో అనౌన్స్ చేశారు. కానీ ఈ సినిమా రిలీజ్ వాయిదా పడే అవకాశం ఉందని వార్తలు వినిపిస్తున్నాయి. 

Also Read : బాలయ్య ఫ్యాన్స్ కు నిర్మాత క్షమాపణలు.. 'NBK109' టైటిల్ అప్డేట్ లేదా?