Prabhas Raja Saab: ప్రభాస్ షాకింగ్ డెసిషన్.. 'రాజా సాబ్’ కోసం ఏం చేసాడో తెలిస్తే..!

Prabhas Raja Saab: పాన్ ఇండియా స్టార్ ప్రభాస్(Prabhas) తన రెమ్యూనరేషన్ పై షాకింగ్ నిర్ణయం తీసుకున్నారు. ‘ఆదిపురుష్’ తర్వాత విమర్శలు ఎదుర్కొన్న ప్రభాస్, అదే బృందం నిర్మిస్తున్న తన కొత్త సినిమా ‘ది రాజా సాబ్’ కోసం 33 శాతం తక్కువ ఫీజు తీసుకుంటున్నట్టు సమాచారం. సాధారణంగా సినిమా కోసం రూ. 150 కోట్లు తీసుకునే ప్రభాస్, ఈ సినిమా కోసం రూ. 100 కోట్లకే ఒప్పుకున్నాడు అని తాజా రిపోర్టులు చెబుతున్నాయి.

'ఆదిపురుష్' ప్రభావం

‘ఆదిపురుష్’ సినిమా భారీ అంచనాల నడుమ విడుదలైంది. దాదాపు రూ. 600 నుంచి 800 కోట్లు ఖర్చు చేసినా, సినిమా విజువల్స్, పాత్రలు, డైలాగ్స్ అన్నీ విమర్శలపాలయ్యాయి. ముఖ్యంగా మితిమీరిన సీజీ వర్క్, మోడరన్ డైలాగ్స్‌తో ప్రేక్షకులు మైథలాజికల్ సినిమా అనే ఫీలింగ్ లేకపోయిందని అభిప్రాయం వ్యక్తం చేశారు. ఈ పరిణామాలే ప్రభాస్‌ను తన తదుపరి ప్రాజెక్ట్‌లో జాగ్రత్తపడేలా చేశాయని అంటున్నారు ఇండస్ట్రీ వర్గాలు.

'ది రాజా సాబ్' ట్రైలర్ (Raja Saab Trailer Review)

ఈ మధ్యనే విడుదలైన ‘ది రాజా సాబ్’ ట్రైలర్ కు మంచి రెస్పాన్స్ వస్తోంది. మారుతి దర్శకత్వంలో రూపొందుతున్న ఈ సినిమా ఒక హారర్ కామెడీ ఎంటర్టైనర్. ట్రైలర్ ప్రారంభం ప్రభాస్ హిప్నటిస్ట్ దగ్గర కూర్చుని గతాన్ని గుర్తుచేసే సన్నివేశంతో మొదలవుతుంది. బప్పీ లహరి పాట ‘కోయీ యహాన్ నాచే నాచే’తో ట్రైలర్ కు కొత్త టచ్‌ను తెచ్చింది. ట్రైలర్‌లో ప్రభాస్ కామెడీ టైమింగ్, హారర్ ఎలిమెంట్స్, రొమాన్స్ అన్నీ కలసి ప్రేక్షకుల్ని ఆకట్టుకుంటున్నాయి.

కథ ఒక పాత సినిమా థియేటర్ చుట్టూ తిరుగుతుంది. ఒక యువకుడు తన కుటుంబ ఆస్తిని తిరిగి పొందేందుకు ప్రయత్నించగా, అర్థరాత్రి అతనికి తన తాతయ్య ఆత్మ కనిపిస్తుంది. ఈ కథలో ప్రభాస్ ద్విపాత్రాభినయం చేస్తున్నారు  ఒకవైపు మనవడు, మరోవైపు అతని భయంకర తాత.

ఈ సినిమాలో మలవిక మోహనన్ (తొలిసారి తెలుగు చిత్రంలో), నిధి అగర్వాల్, రిద్ధి కుమార్ హీరోయిన్లుగా నటిస్తున్నారు. అలాగే సంజయ్ దత్, బొమన్ ఇరానీ, జరీనా వాహబ్ కీలక పాత్రల్లో కనిపించనున్నారు. నయనతార ఒక ప్రత్యేక పాటలో కనిపించనున్నారు. చిత్రాన్ని People Media Factory, IVY ఎంటర్‌టైన్‌మెంట్ సంయుక్తంగా నిర్మించాయి.

ఈ సినిమా 2024లో ప్రకటించినప్పటికీ, షూటింగ్ లేట్ గా ప్రారంభమైంది. ముందుగా రాశీ ఖన్నా, శ్రీలీల లాంటి హీరోయిన్లను తీసుకుందాం అనుకున్నప్పటికీ, చివరకు మలవిక, నిధి, రిద్ధిలతో ఫైనల్ చేశారు.

‘ఆదిపురుష్’ తర్వాత వచ్చిన తీవ్ర విమర్శలు ప్రభాస్‌ను మార్చేశాయి. ప్రేక్షకుల అభిప్రాయాలను గౌరవిస్తూ, రెమ్యూనరేషన్ తగ్గించుకుని, ప్రేక్షకులకు మంచి వినోదం అందించేందుకు ‘ది రాజా సాబ్’ ద్వారా మరోసారి తన క్రేజ్‌ను నిలబెట్టే ప్రయత్నం చేస్తున్నారు.