OG AP TS Collections: పవర్ స్టార్ సంచలనం.. ఏపీ & తెలంగాణలో 'OG' రికార్డుల మోత!

OG AP TS Collections: పవర్ స్టార్ పవన్ కళ్యాణ్(Pawan Kalyan) తాజా చిత్రం OG బాక్సాఫీస్‌(OG Box Office Collections) వద్ద భారీ ఓపెనింగ్‌తో దుమ్మురేపింది. సుజీత్(Director Sujeeth) దర్శకత్వంలో తెరకెక్కిన ఈ గ్యాంగ్‌స్టర్ యాక్షన్ డ్రామా విడుదలైన తొలి రోజే ప్రపంచవ్యాప్తంగా రూ.154 కోట్ల గ్రాస్ వసూళ్లు సాధించి రికార్డు సృష్టించింది. పవన్ కెరీర్‌లోనే ఇదే అత్యధిక ఓపెనింగ్ కావడం విశేషం.

Idhi Pawan Kalyan Cinema…..#OG Erases History 🔥

Worldwide Day 1 Gross - 154 Cr+ 💥#BoxOfficeDestructorOG#TheyCallHimOGpic.twitter.com/Olf8owSSSZ

— DVV Entertainment (@DVVMovies) September 26, 2025

ప్రత్యేకంగా తెలుగు రాష్ట్రాల్లో ఈ సినిమా అద్భుతమైన కలెక్షన్లు రాబట్టింది. ఆంధ్రప్రదేశ్ & తెలంగాణ కలిపి మొత్తం డిస్ట్రిబ్యూటర్ షేర్ రూ.63 కోట్లు (జీఎస్టీ సహా) వచ్చింది. ఇది కూడా పవన్ కెరీర్‌లోనే అత్యధికమైన షేర్.

Also Read :  ఏం ఫీలుంది మామ! జోగిపేట్ శ్రీకాంత్ ఈజ్ బ్యాక్ .. ఈ సంక్రాంతికి పండగే

కలెక్షన్లు ఇలా ఉన్నాయి.. (OG AP & Telangana Collections)

• నిజాం: రూ.24 కోట్ల షేర్
• సీడెడ్: రూ.7.5 కోట్ల షేర్
• ఆంధ్ర: రూ.31.5 కోట్ల షేర్

ఈ అద్భుతమైన ఓపెనింగ్‌లో OGకు చాలా వరకు క్రెడిట్ ప్రీమియర్ షోలదే. సినిమా విడుదలకు ముందురోజు, అంటే సెప్టెంబర్ 24 రాత్రి షెడ్యూల్ చేసిన పేడ్ ప్రీమియర్లకు భారీ స్పందన వచ్చింది. ఫ్యాన్స్ భారీ ఎత్తున థియేటర్లకు రావడంతో, వసూళ్లు మాస్ లెవెల్లో దూసుకుపోయాయి.

ఈ సినిమాను దానయ్య DVV నిర్మించగా, కథానాయికగా ప్రియాంకా మోహన్ నటించింది. బాలీవుడ్ నటుడు ఇమ్రాన్ హష్మీ విలన్‌గా పవర్‌ఫుల్ రోల్‌ చేశారు. సంగీతం అందించిన తమన్ సంగీతం, BGM సినిమాకు హైలైట్‌గా నిలిచింది.

సినిమా కథ, పవన్ కళ్యాణ్ స్టైల్, స్వాగ్, యాక్షన్ సీన్స్ ప్రేక్షకులను థియేటర్ లో కట్టిపడేస్తున్నాయి. విడుదలైన తొలి రోజే బ్రేక్ ఈవెన్ టార్గెట్‌కు పెద్దమొత్తంలో దగ్గరైన OG, మొదటి వీకెండ్‌లో ఇంకెంత దూసుకెళ్తుందో చూడాలి. ఒక పక్క రాజకీయాల్లో బిజీగా ఉన్నా, పవన్ కళ్యాణ్ సినిమాల్లో కూడా అదే రేంజ్ క్రేజ్ చూపిస్తున్నారని OG తో తెలుస్తోంది. ఈ సినిమాతో ఫ్యాన్స్‌కి మళ్లీ పవన్ మాస్ ట్రీట్ అందినట్టే!