Sundarakanda OTT: ఓటీటీలోకి నారా రోహిత్ లవ్ - కామెడీ - డ్రామా 'సుందరకాండ'.. స్ట్రీమింగ్ ఎక్కడంటే..?

Sundarakanda OTT: తాజాగా థియేటర్లలో విడుదలై మంచి రెస్పాన్స్ తెచ్చుకున్ననారా రోహిత్(Nara Rohith)  రొమాంటిక్ కామెడీ సినిమా ‘సుందరకాండ’ ఇప్పుడు ఓటీటీ ప్లాట్‌ఫాంలోకి వచ్చేందుకు రెడీ అయింది. ఈ చిత్రానికి దర్శకుడిగా పరిచయమవుతున్న వెంకటేశ్ నిమ్మలపూడి దర్శకత్వం వహించారు. తక్కువ బడ్జెట్‌లో తెరకెక్కించిన ఈ సినిమా, మంచి కథా కథనాలతో ప్రేక్షకులను ఆకట్టుకొని బాక్స్ ఆఫీస్ వద్ద పెట్టుబడి తిరిగి రాబట్టిందన్న టాక్ వచ్చింది.

ఓటీటీ డేట్ ఫిక్స్!

ఇప్పటికే థియేటర్‌లో విడుదలై యూత్ ఆడియన్స్‌ను ఆకట్టుకున్న ‘సుందరకాండ’ ఇప్పుడు ఓటీటీలో విడుదల కానుంది. తాజా సమాచారం ప్రకారం, ఈ సినిమా సెప్టెంబర్ 23న జియో హాట్‌స్టార్‌లో స్ట్రీమింగ్ కాబోతోంది. థియేటర్‌లో మిస్ చేసినవారికి ఇది మంచి అవకాశం అని చెప్పొచ్చు.

సినిమా కథలోకి వెళ్తే...

ఈ సినిమాలో కథ ఓ సాఫ్ట్‌వేర్ ఇంజినీర్ అయిన సిద్ధార్థ్ (నారా రోహిత్) చుట్టూ తిరుగుతుంది. ఇప్పటికే ముప్పై ఏళ్లు దాటినా, అతను పెళ్లికి సై అనడం లేదు. ఎందుకంటే అతనికి కావాల్సిన ఐదు ముఖ్యమైన లక్షణాలు ఏ ఒక్క అమ్మాయిలో కూడా కనిపించవు. అయితే తన స్కూల్ డేస్‌లో ఉన్న సీనియర్ వైష్ణవి (శ్రీదేవి విజయ్‌కుమార్)లో చూసిన ఆ క్వాలిటీస్‌ను తన లైఫ్ పార్ట్నర్‌లో చూడాలని కోరుకుంటూ ఉంటాడు.

Also Read: Sootravakyam: ఓటీటీలో రికార్డులు దుల్లగొడుతున్న మలయాళ మూవీ.. ఆలస్యమెందుకు ఈ థ్రిల్లర్ మూవీ చూసేయండి!

ఒక రోజు ఎయిర్‌పోర్ట్‌లో అతను ఐరా (వృతి వాఘని) అనే యువతిని కలుస్తాడు. ఆమె ప్రవర్తనను గమనించిన సిద్ధార్థ్, తనకు కావాల్సిన లక్షణాలు ఆమెలో ఉన్నాయని భావిస్తాడు. దీంతో అతను తన విదేశీ ట్రిప్‌ను క్యాన్సల్ చేసుకొని ఆమెను పెళ్లి చేసుకోవాలనుకుంటాడు. అయితే వారి పెళ్లి వ్యవహారంలో ఓ షాకింగ్ ట్విస్ట్ ఎదురవుతుంది. అదే కథలోని ప్రధాన మలుపు.

కథా సందేశం

ఈ సినిమా సింపుల్ కథతో, ఎలాంటి బోర్ లేకుండా నడవడం పెద్ద ప్లస్ అయింది. ‘‘ఏ ప్రేమ కథా ఒకేలా ఉండదు’’ అన్న కాన్సెప్ట్‌పై ఈ చిత్రం తెరకెక్కింది. మోడర్న్ యూత్ లైఫ్‌స్టైల్, భావోద్వేగాలు, సరదా సన్నివేశాలు అన్నీ చక్కగా మిళితమై ప్రేక్షకులకు మంచి ఫీలింగ్ ఇచ్చాయి. ముఖ్యంగా నారా రోహిత్ నటన, కథకు తగ్గ హ్యూమర్, ఎమోషన్స్ బాగా కుదిరాయి.

మొత్తానికి, సుందరకాండ ఓ ఫీల్ గుడ్ రొమాంటిక్ కామెడీ అని చెప్పవచ్చు. యూత్‌ఫుల్ ఎంటర్‌టైన్‌మెంట్‌కి ఇష్టపడే ప్రేక్షకులకు ఈ సినిమా తప్పక నచ్చుతుంది. థియేటర్లలో చూడలేకపోయిన వారు జియో హాట్‌స్టార్‌లో సెప్టెంబర్ 23 నుంచి ఈ చిత్రాన్ని చూసి ఎంజాయ్ చేయవచ్చు. రొమాన్స్, కామెడీ, ట్విస్ట్‌లు ఇవన్నీ కలగాలిపిన ఈ చిత్రాన్ని మీ కుటుంబంతో కలిసి చూసేయండి. ఈ వీకెండ్‌కి ఫన్ ఫుల్ ఎంటర్‌టైన్‌మెంట్ కావాలనుకుంటే 'సుందరకాండ' మస్ట్ వాచ్..!