నాని - శ్రీకాంత్ ఓదెల సినిమాకు ఊరమాస్ టైటిల్

Nani Odela Movie: న్యాచురల్ స్టార్ నాని దసరా పండగ రోజు శ్రీకాంత్ ఓదెలతో కొత్త మూవీని అనౌన్స్ చేసిన విషయం తెలిసిందే. 'దసరా' తో భారీ సక్సెస్ అందుకున్న ఈ కాంబోలో తెరకెక్కనున్న రెండో సినిమా ఇది. డైరెక్టర్ శ్రీకాంత్ ఈసారి నాని కోసం సికింద్రాబాద్ నేపథ్యంలో సాగే  ఓ పీరియాడిక్‌ కథని సిద్ధం చేశారు. 'దసరా' మూవీతో పోలిస్తే వంద రెట్లు అధిక ప్రభావం చూపించే కథ అని సినిమా వర్గాలు చెబుతున్నాయి. 

Also Read : మరో టాలీవుడ్ ఆఫర్ అందుకున్న 'ఉప్పెన' బ్యూటీ.. ఈసారి మాస్ హీరోతో

టైటిల్ అదిరిందిగా..

దీంతో కాస్టింగ్ కూడా అదే రేంజ్ లో ఉండేలా ప్లాన్ చేస్తున్నారు మేకర్స్. ఇదిలా ఉంటే ఈ మూవీ టైటిల్‌కు సంబంధించి ఓ ఆసక్తికర న్యూస్ సోష‌ల్ మీడియాలో చక్క‌ర్లు కొడుతుంది. ఈ ప్రాజెక్ట్‌కు 'నాయుడి గారి తాలుకా' అనే టైటిల్ అనుకుంటున్న‌ట్లు సమాచారం. కథకు తగ్గట్లు ఈ టైటిల్ అయితే బాగుంటుందని మేకర్స్ భావిస్తున్నారట. 

Also Read : ఓటీటీలోకి ఫీల్ గుడ్ మూవీ.. స్ట్రీమింగ్ డేట్ ఇదే

అటు నానికి కూడా ఈ టైటిల్ బాగా నచ్చడంతో దీన్నే ఫైనల్ చేసే ఆలోచనలో మూవీ టీమ్ ఉన్నట్లు ఇన్సైడ్ వర్గాల సమాచారం. త్వరలోనే టైటిల్ తో పాటూ ఫస్ట్ లుక్ విడుదల చేయనున్నట్లు తెలుస్తోంది. కాగా ఈ సినిమాకి మ్యూజిక్ డైరెక్టర్ గా అనిరుద్ ను సెలెక్ట్ చేశారు. 

Also Read : 'గేమ్ ఛేంజర్' డ్యూయెట్ సాంగ్ కోసం అన్ని కోట్లు ఖర్చు చేశారా?

నాని - అనిరుద్ కాంబోలో రాబోతున్న మూడో ప్రాజెక్ట్ ఇది. ఇప్పటికే నానికి జెర్సీ, గ్యాంగ్ లీడర్ సినిమాలతో బ్లాక్ బస్టర్ ఆల్బమ్స్ ఇచ్చాడు అనిరుద్. ఈసారి అంతకుమించి ఉండబోతుంది. ఇక సినిమాలో నాని సరసన జాన్వీ కపూర్, శ్రద్ధా కపూర్ పేర్లు వినిపిస్తున్నాయి. 

Also Read : చంపేస్తామని బెదిరింపులు.. ప్రాణభయంతో సల్మాన్ ఖాన్ ఏం చేశాడో తెలుసా?