Miss World 2025: ప్రపంచ దృష్టి మొత్తం హైదరాబాద్ వైపే.. ఈరోజు మిస్ వరల్డ్ హెడ్ టూ హెడ్ ఛాలెంజ్!

Miss World 2025: ప్రపంచ దృష్టి అంతా ఇప్పుడు హైదరాబాద్ వైపే ఉంది. ఈరోజు మిస్ వరల్డ్ 2025 పోటీల్లో హెడ్ టూ హెడ్ ఛాలెంజ్ జరుగుతోంది. హైదరాబాద్ లోని  టి-హబ్ ఇన్నోవేషన్,  స్టార్టప్ కేంద్రంలో పోటీలు ఈవెంట్ ఘనంగా ప్రారంభమైంది.  మిస్ వరల్డ్ పోటీల్లో  హెడ్ టూ హెడ్ ఛాలెంజ్  కీలక ఘట్టంగా  పరిగణించబడుతుంది. 

ఈ ఛాలెంజ్ లో  "బ్యూటీ విత్ ఏ పర్పస్" రౌండ్ ప్రధాన ఆకర్షణగా ఉంటుంది. ఇందులో పోటీదారులు తమ  ఆలోచనలు, వ్యక్తిగత ప్రయాణాలు, తాము చేపట్టిన సేవా కార్యక్రమాలు, సామాజిక మార్పు కోసం వారు చేస్తున్న కృషి గురించి  ప్రపంచానికి పరిచయం చేస్తారు.  దీని ద్వారా పోటీదారుల  మేధా శక్తి , దయా దృష్టి,  ప్రపంచ దృష్టికోణం స్పష్టంగా బయటపడతాయి. ఇవే  మిస్ వరల్డ్‌ను నిర్వచించే ముఖ్యమైన విలువలు.

The #MissWorld2025 Head to Head Challenge begins at #THub, #Hyderabad. Contestants from the #Americas, #Caribbean, and #Africa present their social impact projects today, with #Europe, #Asia, and Oceania scheduled for May 21. Event highlights Beauty With a Purpose mission pic.twitter.com/SKobKOdQ9Q

— Neelima Eaty (@NeelimaEaty) May 20, 2025

హెడ్ టూ హెడ్ ఛాలెంజ్ కోసం కంటెస్టెంట్లను  రెండు ప్రధాన గ్రూపులుగా విభజించారు. మే 20న  అమెరికాస్ / కరేబియన్ , ఆఫ్రికా నుంచి  వచ్చిన అందాల భామలు పోటీపడతారు.  ఆ తర్వాత మే 21న  యూరప్ / ఆసియా,  ఓషియానియా నుంచి వచ్చిన పోటీదారులు పాల్గొంటారు.  నేడు హైదరాబాద్‌లో జరుగుతున్న ఈ  ఈవెంట్‌ యూట్యూబ్ లో ప్రత్యక్ష ప్రసారం అవుతుంది. అలాగే #MissWorld2025 హ్యాష్‌ట్యాగ్‌తో పోటీలపై మీ  అభిప్రాయాన్ని పంచుకోండి.

telugu-news | cinema-news | latest-news | Miss World 2025 hyderabad