Meenakshi Chaudhary: మెగాస్టార్ మూవీలో మీనాక్షి చౌదరి.. క్లారిటీ ఇచ్చిన హీరోయిన్

మెగాస్టార్ చిరంజీవి ప్రధాన పాత్రలో నటిస్తున్న లేటెస్ట్ చిత్రం 'విశ్వంభర'. సోషియో ఫాంటసీ డ్రామాగా రూపొందుతోన్న ఈ మూవీ పై అంచనాలు భారీ స్థాయిలో పెరుగుతున్నాయి. 'విశ్వంభర' లో మెగాస్టార్ సరసన కోలీవుడ్ బ్యూటీ త్రిష కథానాయికగా నటిస్తున్నారు. ఆమెతో పాటూ ఇందులో మొత్తం ఐదు గురు హీరోయిన్స్ నటిస్తున్నారని ,  అందులో మీనాక్షి చౌదరి కూడా ఒకరని ఇప్పటికే వార్తలు వినిపించాయి. 

Also Read : సజ్జలకు ఊహించని షాక్

తాజాగా దీనిపై మీనాక్షి స్వయంగా క్లారిటీ ఇచ్చారు. తన లేటెస్ట్ మూవీ ‘లక్కీ భాస్కర్‌’ ప్రమోషన్‌ కోసం ఇచ్చిన ఇంటర్వ్యూలో మీనాక్షి ‘విశ్వంభర’ గురించి మాట్లాడారు.' నేను విశ్వంభరలో భాగం కాదు. ఆ చిత్రంలో నటిస్తున్నట్లు నేనెప్పుడూ చెప్పలేదు. కానీ, అందులో నటిస్తున్నట్లు అందరూ రాసేస్తున్నారు. ప్రతి ఇంటర్వ్యూలో ‘విశ్వంభర’పై ప్రశ్న అడుగుతున్నారు. 

Also Read : నాగ చైతన్యకు ఊహించని షాకిచ్చిన సమంత.. లీగల్ నోటీసులు!

నేనే వెల్లడిస్తాను..

నటించే సినిమాల గురించి స్వయంగా నేనే వెల్లడిస్తాను. నేను చెప్పలేదు అంటే ఆ చిత్రంలో లేనని అర్థం..' అని తెలిపారు. దీంతో ‘విశ్వంభర’లో మీనాక్షి లేదని స్పష్టమైంది. 'బింబిసార' ఫేమ్ వశిష్ఠ తెరకెక్కిస్తున్న ఈ సినిమాను యువీ క్రియేషన్స్ సంస్థ నిర్మిస్తుంది. ఇటీవల విడుదల చేసిన టీజర్‌ సినిమాపై అంచనాలను భారీగా పెంచేసింది. మొదట ఈ చిత్రాన్ని వచ్చే ఏడాది సంక్రాంతి కానుకగా విడుదల చేయాలని భావించారు. 

Also Read :  మెగాస్టార్ మూవీలో మీనాక్షి చౌదరి.. క్లారిటీ ఇచ్చిన హీరోయిన్

అయితే సంక్రాంతికి ‘గేమ్‌ ఛేంజర్‌’ ఉన్న కారణంగా వాయిదా పడిన విషయం తెలిసిందే. త్వరలోనే కొత్త విడుదల తేదీని ప్రకటించే అవకాశముంది. ఈ మూవీకి ఆస్కార్ విజేత ఎం ఎం కీరవాణి సంగీతం అందిస్తుండగా .. చంద్రబోస్ లిరిక్ రైటర్ గా వ్యవహరిస్తున్నారు. సుర్భి, హర్ష వర్ధన్, వెన్నెల కిషోర్, ఇషా చావ్లా, ఆషికా రంగనాథ్, రావు రమేష్, శుభలేఖ సుధాకర్ తదితరులు ప్రధాన పాత్రలో నటిస్తున్నారు.

Also Read: 'కంగువ' కు సెన్సార్ గ్రీన్ సిగ్నల్.. ఊహించని విధంగా రన్ టైం !