Mass Jathara: 'మాస్ జాతర' రిలీజ్ డేట్‌ కి ముహూర్తం ఫిక్స్.. దసరాకు భారీ అప్‌డేట్స్!

Mass Jathara: మాస్ మహారాజా రవితేజ(Ravi Teja) నటిస్తున్న అతి పెద్ద మాస్ ఎంటర్‌టైనర్ ‘మాస్ జాతర’ సినిమాపై ఇప్పటి వరకు పలు ఊహాగానాలు కొనసాగుతున్న తరుణంలో, నిర్మాత నాగ వంశీ ఒక క్లారిటీ ఇచ్చారు. ఈ సినిమాకి సంబంధించి రిలీజ్ డేట్‌ను అక్టోబర్ 2, 2025న ప్రకటించనున్నట్లు వెల్లడించారు. 

ఇప్పటికే ఈ సినిమా మొదటగా 2025 ఆగస్టు 27న విడుదల కావలసి ఉంది. కానీ పరిస్థితుల దృష్ట్యా విడుదలను వాయిదా వేయాల్సి వచ్చింది. అయితే తాజా ప్రకటనతో మళ్లీ సినిమాపై హైప్ మొదలైంది. నిర్మాతలు సినిమా రిలీజ్ డేట్ తెలియజేసిన వెంటనే బ్యాక్ టు బ్యాక్ అప్‌డేట్స్ ఉంటాయని తెలిపారు.

We'll be announcing the release date this Dasara on 2nd Oct... From then on, it’s gonna be back-to-back updates and promotions. Get ready to see our Energetic Mass Maharaaj @RaviTeja_offl garu lighting up the big screens with full-on mass entertainment coming your way..

— Naga Vamsi (@vamsi84) September 24, 2025

పోలీస్ గా రవితేజ మరోసారి.. 

ఈ చిత్రంలో రవితేజ మళ్లీ ఒక పోలీస్ ఆఫీసర్ పాత్రలో కనిపించబోతున్నారు. గతంలో 'క్రాక్', 'విక్రమార్కుడు', 'వాల్తేరు వీరయ్య' వంటి చిత్రాల్లో పోలీస్ రోల్స్‌తో అభిమానులను మెప్పించిన రవితేజ, ఈసారి ‘మాస్ జాతర’లో మరింత పవర్‌ఫుల్‌గా కనిపించనున్నాడు.

ఈ చిత్రానికి భాను భోగరపు దర్శకత్వం వహిస్తుండగా, శ్రీలీల(Sree Leela) హీరోయిన్‌గా నటిస్తోంది. సీనియర్ నటుడు రాజేంద్ర ప్రసాద్ ఇందులో రవితేజ తండ్రి పాత్రలో కనిపించనున్నారు. ఈ సినిమాకు మ్యూజిక్ డైరెక్టర్‌గా భీమ్స్ సిసిరోలియో పని చేస్తున్నారు. ఇప్పటికే విడుదలైన టీజర్‌కు ఆయన అందించిన బ్యాక్‌గ్రౌండ్ స్కోర్ సినిమాపై అంచనాలను పెంచింది.

ఇటీవల రవితేజ చేసిన ‘రావణాసుర’, ‘ఈగల్’, ‘టైగర్ నాగేశ్వరరావు’ వంటి సినిమాలు ఆశించిన స్థాయిలో ఆడకపోవడంతో, ఈ సినిమా విజయం కోసం అభిమానులు, చిత్రబృందం ఎంతో ఆసక్తిగా ఎదురుచూస్తున్నారు.

ఇదిలా ఉంటే, రవితేజ తాజాగా థియేటర్ రంగంలోకి అడుగుపెట్టి, హైదరాబాద్ వనస్థలిపురంలో ‘ఆర్ట్ సినిమాస్’ పేరుతో థియేటర్ ప్రారంభించారు. ఇందులో EPIQ స్క్రీన్, డాల్బీ అట్మాస్ సౌండ్, 4K వీడియో క్వాలిటీ వంటి ఫీచర్లు ఉండడం విశేషం.