'మహారాజ' 100 డేస్ సెలెబ్రేషన్స్.. డైరెక్టర్ కు కాస్ట్లీ గిఫ్ట్

కోలీవుడ్ స్టార్ విజయ్‌సేతుపతి (Vijay Sethupathi) హీరోగా నటించిన ‘మహారాజ’ సినిమా (Maharaja Movie) ఇటీవలే విడుదలై భారీ విజయాన్ని అందుకుంది. ఈ చిత్రం విమర్శకులు, ప్రేక్షకుల ప్రశంసలు అందుకోవడంతో పాటు బాక్సాఫీస్‌ వద్ద కొత్త రికార్డులు సృష్టించింది. సస్పెన్స్‌, సెంటిమెంట్‌తో అద్భుతంగా ఈ చిత్రాన్ని తెరకెక్కించిన డైరెక్టర్‌ నిథిలన్‌ స్వామినాథన్‌ ప్రతిభకు అందరూ ఫిదా అయ్యారు. సూపర్ స్టార్ రజినీకాంత్ సైతం ఈ సినిమా చూసి మూవీ టీమ్ ను ప్రత్యేకంగా అభినందించారు.

జూన్‌ 14న విడుదలైన ఈ చిత్రం బాక్సాఫీస్‌ వద్ద మంచి విజయాన్ని అందుకుంది. ప్రస్తుతం ఓటీటీలోనూ దూసుకెళ్తోంది. ఈ నేపథ్యంలో ఆదివారం రాత్రి ‘మహారాజ’ 100 డేస్‌ సెలబ్రేషన్స్‌ జరిగాయి. చెన్నైలో ఏర్పాటుచేసిన ఈ వేడుకల్లో చిత్రబృందం పాల్గొంది. ఈ ఈవెంట్ లో  విజయ్‌ సేతుపతి మాట్లాడుతూ.. నిథిలన్‌ స్వామినాథన్‌ మేకింగ్‌, రైటింగ్‌ స్టైల్‌ను మెచ్చుకున్నారు. 

గిఫ్ట్ గా  బీఎండబ్ల్యూ కార్..

ఈ సినిమా విడుదలయ్యాక తనను ఎంతోమంది ప్రశంసించారని అన్నారు. టీమ్‌ అందరి సహకారంతోనే ఇది సాధ్యమైందని తెలిపారు. కాగా ఈ వేడుక అనంతరం చిత్రబృందం దర్శకుడికి అదిరిపోయే సర్‌ప్రైజ్‌ ఇచ్చింది. 'మహారాజ' సినిమాను ఇంత అద్భుతంగా తీసిన డైరెక్టర్‌ నిథిలన్‌ స్వామినాథన్‌ కు  బీఎండబ్ల్యూ కారును కానుకగా అందించింది. దీనికి సంబంధించిన పలు ఫొటోలు నెట్టింట వైరల్‌గా మారాయి. 

Also Read : రజినీకాంత్ వల్లే ఆ సినిమా ప్లాప్ అయింది.. సూపర్ స్టార్ పై దర్శకుడి ఆరోపణలు

విజయ్ సేతుపైకి ఇది 50 వ సినిమా కావడం విశేషం.  తండ్రీ, కూతుళ్ళ మధ్య సాగే ఎమోషనల్ కథతో వచ్చిన ఈ సినిమాలో బాలీవుడ్‌ దర్శకుడు అనురాగ్‌ కశ్యప్‌ విలన్ గా నటించారు. మమతా మోహన్‌దాస్‌, అభిరామి, దివ్య భారతి తదితరులు కీలకపాత్రలు పోషించారు. ప్రస్తుతం నెట్ ఫ్లిక్స్ ఓటీటీలో ఈ సినిమా స్ట్రీమింగ్ అవుతోంది.

View this post on Instagram

A post shared by Nithilan Saminathan (@dir_nithilan)