K-Ramp Censor: కిరణ్ అబ్బవరం 'K-Ramp'కు 'A' సర్టిఫికెట్.. రన్‌టైమ్ ఎంతంటే?

K-Ramp Censor: యంగ్ హీరో కిరణ్ అబ్బవరం(Kiran Abbavaram) నటించిన తాజా సినిమా 'K-Ramp' ఈ దీపావళి సందర్భంగా అక్టోబర్ 18న విడుదల కానుంది. ఈ సినిమాతో దర్శకుడిగా జైన్స్ నాని పరిచయం అవుతున్నారు. హీరోయిన్‌గా యుక్తి తారేజా నటిస్తోంది. ఇప్పటికే విడుదలైన ట్రైలర్, ప్రమోషనల్ కంటెంట్ సినిమాపై మంచి అంచనాలు ఏర్పడేలా చేశాయి.

సెన్సార్ ఫినిష్.. 

తాజాగా ఈ సినిమా సెన్సార్ కార్యక్రమాలు పూర్తయ్యాయి. సెన్సార్ బోర్డు CBFC ఈ సినిమాకు 'A' సర్టిఫికేట్ (అడల్ట్స్ ఓన్లీ) ఇచ్చింది. ఇది కొంత షాకింగ్ అని చెప్పాలి. ఎందుకంటే, సినిమా ఫ్యామిలీ ఆడియన్స్‌కు కచ్చితంగా కనెక్ట్ అయ్యే అంశం ఉందని హీరో కిరణ్ అబ్బవరం గతంలో చెప్పిన మాటలు అభిమానుల్లో ఆసక్తి కలిగించాయి.

రన్‌టైమ్ ఎంతంటే?

K-Ramp సినిమాకు 140 నిమిషాల (2 గంటల 20 నిమిషాలు) రన్‌టైమ్‌ను ఫిక్స్ చేశారు. ఇది ఒక రొమాంటిక్-కామెడీ సినిమా దృష్ట్యా ఈ రన్‌టైమ్‌ బాగానే ఉందని చెప్పాలి. లైట్ హార్ట్ ఎంటర్‌టైనర్ కావడంతో ప్రేక్షకులు కథను త్వరగా అర్థం చేసుకునేందుకు ఈ షార్ట్ డ్యూరేషన్ ప్లస్ అవుతుందనే చెప్పాలి.

ఈ చిత్రంలో కిరణ్ అబ్బవరం, యుక్తి తారేజా జంటగా మెరవనున్నారు. అలాగే సాయి కుమార్, నరేశ్ విజయకృష్ణ, కామ్నా జెథమలాని, మురళీధర్ గౌడ్, వెన్నెల కిషోర్ లాంటి నటులు కీలక పాత్రల్లో కనిపించనున్నారు. సినిమాను హాస్య మూవీస్, రుద్రాంశ్ సెల్యులాయిడ్ బ్యానర్స్‌పై రాజేశ్ దండా, శివ బొమ్మక్కు కలిసి నిర్మించారు.

దీపావళి కానుకగా రిలీజ్ కానున్న 'K-Ramp' రొమాన్స్, కామెడీ, ఎమోషన్స్‌తో ఓ ఎంటర్‌టైనింగ్ ఫిల్మ్‌గా ముందుకొస్తుంది. అయితే 'A' సర్టిఫికేట్ ప్రేక్షకులని షాక్ కి గురి చేస్తుందా? లేక క్యూరియాసిటీ పెంచుతుందా? అన్నది చూడాలి!