Manchu Brothers: అంతా మనోజే చేయించాడు..కన్నప్ప హార్డ్ డ్రైవ్ విషయంలో విష్ణు సంచలన కామెంట్స్

కన్నప్ప సినిమా విడుదలకు ముందే సమస్యల్లో చిక్కుకుంది. దీనికి సంబంధించి హార్డ్ డ్రైవ్ దొంగతనం అవడం ఇండస్ట్రీలో సంచలనం సృష్టించింది.  ముంబైలోని హైవ్ స్టూడియోస్ నుంచి డీటీడీసీ కొరియర్ ద్వారా హైదరాబాద్‌లోని 24 ఫ్రేమ్స్ ఫ్యాక్టరీ కార్యాలయానికి పంపిన హార్డ్ డ్రైవ్ ఆఫీస్ బాయ్ రఘు ద్వారా చరిత అనే యువతికి అప్పగించారు. ఆ తరువాత ఆమె కనిపించకుండా పోయింది. దీనిపై 24 ఫ్రేమ్స్ ఫ్యాక్టరీ ఎగ్జిక్యూటివ్ ప్రొడ్యూసర్ విజయ్ కుమార్ రెడ్డి ఫిల్మ్ నగర్ పోలీసులకు ఫిర్యాదు చేశారు. దీనిపై పోలీసులు దర్యాప్తు ప్రారంభించారు. 

ముదురుతున్న అన్నదమ్ముల గొడవ..

దీనిపై తాజాగా మంచు విష్ణు కూడా స్పందించారు. హార్డ్ డ్రైవ్ దొంగతనం వెనుక తన సోదరుడు మంచు మనోజ్ హస్తం ఉందని ఆరోపించారు. రఘు, మనోజ్‌కు వ్యక్తిగత సహాయకుడిగా పనిచేస్తున్నాడని, చరిత కూడా మనోజ్ ఆఫీస్‌లో పనిచేసే వ్యక్తి అని అన్నారు.  45 రోజుల క్రితం హైవ్ స్టూడియోస్ నుంచి వచ్చిన హార్డ్ డ్రైవ్ పార్శిల్‌ను విష్ణు ఇంటి సెక్యూరిటీ తీసుకోకుండా మనోజ్ సిబ్బంది అడ్డుకున్నారని..ఇప్పుడు కూడా ఇది వాళ్ళ నే అని మంచు విష్ణు అన్నారు. ఇప్పటికే చాలా వివాదాలతో మంచు కుటుంబం రోడ్డు మీదకు వచ్చింది. ఇప్పడు హార్డ్ డ్రైవ్ గొడవతో ఈ గొడవలు మరింత ముదిరిందని అంటున్నారు. 

మరోవైపు మనోజ్ భైరవం ఫంక్షన్ లో మనోజ్ కూడా హార్డ్ డ్రైవ్ గురించి మాట్లాడడం సంచలనం సృష్టించింది.  చరితకు మనోజ్ థాంక్స్ చెప్పారు. ఆమె చాలా గొప్ప ని చేసిందని..జీవితాంతం రుణపడి ఉంటారని చెప్పారు. తన అన్నకు చరిత చేసిన మేలు మరువరానిది అంటూ మాట్లాడారు. ఇప్పుడు మంచు విష్ణు కూడా ఆమె గురించే మాట్లాడడంతో మొత్తం హార్డ్ డ్రైవ్ వ్యవహారం అంతా ఆమె చుట్టూతానే తిరుగుతోంది అని తెలుస్తోంది. ఆమెను మధ్యలో పెట్టుకుని అన్నదమ్ముల గొడవ మరింత పెరిగేలా కనిపిస్తోంది. 

Also Read: Student Visas: వీసా స్లాట్లను రోజూ చెక్ చేసుకోండి..విద్యార్థులకు అమెరికా సూచన